在職全職 今日: 1 | 主題: 47924

積分: 7006

1^#

發表於 20-4-24 14:39 |只看該作者 |倒序瀏覽 |打印

在一間公司做了接近10年, 前5年一直都過得好開心...但5年後, 好多好朋友都走左, 連我好好既上司都走左, 換左另一個, 跟住我就開始變得自閉。
我同部門同事相處好好, 有講有笑, 但我地同外面就冇咩交流, 食飯都係自己位食。

我已經係經理級, 2年前同某位同事因工作衝突我地係OPEN AREA鬧左一場, 我仲忍唔住喊。
前2日, 我再同另一個經理電話嘈左一場大交。
我同我上司投訴, 結果, 換黎我個上司話我比幾個部門經理投訴我情緒化, 好難同我溝通。

我工作性質關係到每個部門, 所以好易有衝突。
加上其他經理都做左好多年, 有自己作風, 其實好難溝通。

但係, 今次比幾個人夾埋投訴, 仲要比自己上司話, 我好唔開心, 好想唔做。我接受唔到同部門都唔撐自己人。我好撐我D下屬的。
但呢間公司福利好好, 我肯定我出去搵唔番一間咁既公司, 同埋我已好耐冇出番去, 已經脫左節。

我只係想捱多一年, 但而家, 連會唔會被炒都未知...好傷心, 好心淡。

0 0 0

私人傳訊

積分: 1717

2^#

發表於 20-4-24 17:19 |只看該作者

YuenYuenKwok 發表於 20-4-24 14:39
在一間公司做了接近10年, 前5年一直都過得好開心...但5年後, 好多好朋友都走左, 連我好好既上司都走左, 換 ...

遲早係要走，如果被炒對日後搵新工冇咩影響，咁就按計劃捱多一年。係一個唔開心既環境工作的確好辛苦，你話俾自己知，你留係公司只係因為開心的過去同熟悉的工作，每日做嘢照交功課，唔擺感情係公司，當自己係公司既機器，適當時候就走人。撐住，做一個有利於自己既選擇，啲唔明白你既人，就由佢地沉醉係自己小團體，佢地以後都會遇到佢地覺得唔妥但又要一齊工作既人，各自成長吧

私人傳訊

積分: 7006

3^#

發表於 20-4-24 23:06 |只看該作者

tragicby 發表於 20-4-24 17:19
遲早係要走，如果被炒對日後搵新工冇咩影響，咁就按計劃捱多一年。係一個唔開心既環境工作的確好辛苦，你 ...

好多謝你！其實我已經當自己係機械人好耐，只交功課，唔擺感情係公司，日日準時收工⋯ 但有時有人踩到我條底線，我真係唔可以扮冇事⋯ 我忍左某d事5年，到今日我爆出黎，點知比人投訴番我轉頭⋯
我認我情緒處理唔好, 仲激嬲埋自己上司，但我真心覺得，係咪我就算做既講既都啱，但只因為我發脾氣就變成咩都我錯曬？好傷心⋯

私人傳訊

積分: 1717

4^#

發表於 20-4-24 23:40 |只看該作者

YuenYuenKwok 發表於 20-4-24 23:06
好多謝你！其實我已經當自己係機械人好耐，只交功課，唔擺感情係公司，日日準時收工⋯ 但有時有人踩到我條 ...

佢地淨係睇表面你有冇發脾氣，而你睇既係件事既本質，你已經努力咗忍受咗好耐，係到你底線你先發脾氣，其實你已經最大程度咁忍讓了，要怪你係佢地既選擇，你做既嘢對得住自己就得，相信你都係為工作好先發脾氣，識欣賞你既自然會明辨是非，唔識欣賞既就浮於表面，你都控制唔到，只要你係為工作好，就不用害怕別人的閒言閒語，亦不需傷心，佢地有佢地既選擇，你有你堅持，只要工作合理地處理到就得，佢地只係你人生既過客，你係你自己，如果你為咗迎合佢地，做啲好虛偽既嘢，你都係會好似食屎咁難受，其實發脾氣發咗出嚟都未必係壞事。

私人傳訊

積分: 1717

5^#

發表於 20-4-24 23:45 |只看該作者

YuenYuenKwok 發表於 20-4-24 23:06
好多謝你！其實我已經當自己係機械人好耐，只交功課，唔擺感情係公司，日日準時收工⋯ 但有時有人踩到我條 ...

我又覺得如果同你上司可以有番啲正面同深入既溝通對你來講係好事，起碼你既委屈佢可能會明白多啲，同其他人，就唔洗解釋咁多，佢地鐘意點諗都唔重要

私人傳訊

積分: 7006

6^#

發表於 20-4-25 04:11 |只看該作者

tragicby 發表於 20-4-24 23:40
佢地淨係睇表面你有冇發脾氣，而你睇既係件事既本質，你已經努力咗忍受咗好耐，係到你底線你先發脾氣，其 ...

你完全講中曬我既心聲。我表面發脾氣，但果d人就暗地裡做好多小人既行為，我真係睇唔過眼先拎出講。而且，咁多年我選擇忍讓，只係同自己上司做appraisal時先反映，冇正面衝突過，但果班人就你唔發火佢當你病貓，得串進尺咁，我今次先發脾氣。我知發脾氣唔啱，但對住某d無恥既人，好似除左發脾氣，你冇野可做，莫非要自己變得比佢更無恥？

私人傳訊

積分: 7006

7^#

發表於 20-4-25 04:14 |只看該作者

tragicby 發表於 20-4-24 23:45
我又覺得如果同你上司可以有番啲正面同深入既溝通對你來講係好事，起碼你既委屈佢可能會明白多啲，同其他 ...

我其實前2年appraisal已經同上司講過。而且果個經理曾經發生過d好嚴重既指控，有曬人證物證，但最後件事竟然可以不了了之。久而久之，我知道我上司係唔會出黎撐我的，所以我就放棄左⋯不過，今次佢反咬話其他人向佢投訴我，我真係好唔開心。

私人傳訊

積分: 1717

8^#

發表於 20-4-25 14:40 |只看該作者

YuenYuenKwok 發表於 20-4-25 04:14
我其實前2年appraisal已經同上司講過。而且果個經理曾經發生過d好嚴重既指控，有曬人證物證，但最後件事竟 ...

咁我估你上司同其他經理可能有啲其他既張力，另到佢要壓制你去迎合佢地，有啲嘢可能唔係大家表面可以理解到，你唔洗太過在意你上司既做法，我都有試過俾上司則我食死貓，最後發現佢都係面對緊一啲嘢，無可奈何先咁做，當然件事發生係自己身上，係會難受，但試下外化咗個原因另自己舒服啲，有時候人地怪責你未必真係覺得你錯，而係利用你既錯去為件事做個下台階。相信你自己，你受既委屈日後可能會賞賜返你。

私人傳訊

Nancy20090615

瑪瑙宮

積分: 127914

9^#

發表於 20-4-25 17:11 |只看該作者

就單方面陳述, 好難知邊個著邊個唔著. 唔够古惑就比較蝕. 成日恰我果個响裏面同人講就一定佢啱晒我錯晒, 人地又唔會出黎問我發生咩事, 就算知, 因為好多野要同佢對接要靠佢都唔會明撐我唔撐佢喇,

就算好叻又點丫, 都見過叻 ge 人最後無得撈. 最緊要有錢有乜事裸辭都唔驚, 唔係就忍喇唯有.

私人傳訊

phoebepanpan

公爵府

積分: 26249

好媽媽勳章

10^#

發表於 20-4-25 22:00 |只看該作者

YuenYuenKwok 發表於 20-4-25 04:11
你完全講中曬我既心聲。我表面發脾氣，但果d人就暗地裡做好多小人既行為，我真係睇唔過眼先拎出講。而且， ...

本帖最後由 phoebepanpan 於 20-4-25 22:02 編輯

「但對住某d無恥既人，好似除左發脾氣，你冇野可做，莫非要自己變得比佢更無恥？」

唔駛呀，總之公事還公事。佢地唔肯就擺上司上檯，上司作主。
你要做到乜都冇所謂。
軟皮蛇一條。扮傻、聾、盲、啞。
至高境界

起碼你同自己下屬有交流

我早幾年比一大班廢人杯葛欺壓，說話單單打打，有次我都好想正面衝突去大吵一場。但最後都吐返啖氣暖肚。
發現原來已練到進入化境

私人傳訊

積分: 7006

11^#

發表於 20-4-25 22:41 |只看該作者

Nancy20090615 發表於 20-4-25 17:11
就單方面陳述, 好難知邊個著邊個唔著. 唔够古惑就比較蝕. 成日恰我果個响裏面同人講就一定佢啱晒我錯晒, ...

我就係唔夠人古惑⋯
哎，如果有錢巿係會裸辭，而家唔辭得之餘仲要驚比人炒⋯

私人傳訊

積分: 7006

12^#

發表於 20-4-25 22:47 |只看該作者

phoebepanpan 發表於 20-4-25 22:00
本帖最後由 phoebepanpan 於 20-4-25 22:02 編輯

「但對住某d無恥既人，好似除左發脾氣，你冇野可做， ...

我公司過半做左十年以上，d男既就有幾個都做到軟皮蛇，佢地都係咁教我。其實近2年我都已經學左一半，我真係行出自己部門個房就咩都唔理唔出聲⋯ 偏偏我工作性質呢年成日要對住d小人，特別係果d剛上位係背後攪小動作既女人⋯ 最衰自己又抵唔住，忍唔到啖氣⋯

私人傳訊

phoebepanpan

公爵府

積分: 26249

好媽媽勳章

13^#

發表於 20-4-26 08:56 |只看該作者

YuenYuenKwok 發表於 20-4-25 22:47
我公司過半做左十年以上，d男既就有幾個都做到軟皮蛇，佢地都係咁教我。其實近2年我都已經學左一半，我真 ...

小人背後做野你控制唔到
只要你冇野做得唔好比人捉就唔駛驚
努力練下忍功，當臨爆前不停諗下，而家為份好工而活，而非為小人而活

私人傳訊

readymama

積分: 7994

14^#

發表於 20-4-26 14:07 |只看該作者

YuenYuenKwok 發表於 20-4-24 14:39
在一間公司做了接近10年, 前5年一直都過得好開心...但5年後, 好多好朋友都走左, 連我好好既上司都走左, 換 ...

我認同你呢句，自己部門既人都唔撐自己，但呢d 人一有事就指住你話你。我都係咁係我剛快做滿兩年既公司辭職了。我好明白你的衝突同緊張是為了公司。
我之前都做間公司10 年，都是因上司而離開。離開後去到第二d 公司都唔慣。剛辭職的一間已是近期最耐的一間。所以好懷念以前10 年個間。記住天下無不散之宴席

私人傳訊

積分: 7006

15^#

發表於 20-4-26 19:32 |只看該作者

phoebepanpan 發表於 20-4-26 08:56
小人背後做野你控制唔到
只要你冇野做得唔好比人捉就唔駛驚
努力練下忍功，當臨爆前不停諗下，而家為份好 ...

哎⋯ 我份人就係衰在咩都要公平，要正義⋯ 果d小人做既野對我既下屬好唔公平，我自己又忍唔住開聲⋯ 衰在自己收唔到火，而家比人捉住痛腳⋯

私人傳訊