婆媳關係

跳至

首頁
12345...7

尾頁
   3


複式洋房

積分: 317


發表於 20-4-30 09:02 |顯示全部帖子
本帖最後由 Monchi1602 於 20-5-5 00:27 編輯

平時都有睇下大家係BK分享既故事,今次第一次出POST,我結左婚2年,同老爺奶奶雖然不同住,但大家住係同區附近屋苑。
初結婚時,我地順奶奶意,每星期返3次奶奶家食晚飯,後來發生左D事,令我同老公爭執過幾次,最後先變成每星期返1次。雖然見奶奶既次數少左,但兩年來,奶奶講過既說話我一直都記住,每次諗起都忍唔住會喊。我好想自己睇開D,但做唔到,成日會諗返起,覺得好辛苦。

(一) 老公之前自己住,奶奶一向有老公屋企(即而家我地兩公婆)鎖匙。婚前奶奶唔會自己走上黎,婚後佢經常趁我地返工,自己上黎。初時只係打掃下,後來佢開始摷我D野,試過有次我放工返到去,見到朋友送既水晶擺設(係我結婚禮物)唔見左,後來係垃圾桶搵返堆碎片。於是,返奶奶家食飯時,老公好聲好氣問奶奶係咪唔小心打爛,問佢有無整親。奶奶先係否認有跌爛野,然後指住我話︰「係你呀!D野亂咁放,擺唔好」,我好嬲,講左句︰「我擺係書枱靠牆,個水晶唔會無啦啦跌。」跟住唔理佢。

(二)我媽媽之前扭傷腳,傷到筋骨,隻腳腫晒,我同佢睇過幾個醫生,情況都康復得麻麻。老公同奶奶講我媽情況,我咪答左句︰「係呀,我都好擔心」奶奶竟然話︰「咁你慳返都得啦,我肯定佢唔會好返,唔駛醫啦」。

(三)早排疫情關係,全民都撲口罩,咁我好彩係過年之前,買到一定數量,諗住供應俾我父母,亦預埋俾老爺奶奶。但我拎其中幾盒俾奶奶時,佢話我「做人老婆唔好亂駛錢,買埋D無謂野(指口罩)」。但我想講,我有返工,人工亦同老公差不多,一向公一份,婆一份,口罩我係自己出錢買。到後來疫情爆發,奶奶既仔女因為無及早準備,買唔到口罩,問我拎。但當時手上既口罩已分左俾自己家人,同埋部分朋友,所以只可以俾到佢地每家人一盒。奶奶知道後,唔該都無聲,仲叫我同老公撲多D口罩返黎,俾大伯同姑仔。

除左以上種種,仲有好多類似既情況出現過,主要都係唔尊重我,唔尊重我家人。我每次同老公反映,佢都只係會話奶奶講野唔叻、表達得唔好、老人家其實好錫你、佢地無心,再講仲會話返我,覺得係我自己諗多、針對佢阿媽,所以幾次爭執後,我已經放棄同老公反映,我只會堅持每星期只返一次奶奶家,同埋盡量唔同佢講野,費事自己唔開心。

只係間唔中諗起,自己都會好唔開心,老公愚孝,我又唔想同自己家人講,怕佢地心痛,唯有上黎呻下。





禁止訪問

積分: 1061


發表於 20-4-30 10:34 |顯示全部帖子

回覆樓主:

提示: 作者被禁止或刪除 內容自動屏蔽


男爵府

積分: 9367

2020勳章 HiPP勳章(1) 好媽媽勳章


發表於 20-4-30 11:45 |顯示全部帖子

回覆樓主:

二真是口賤無品
三反而無乜野
而二已足以讓我敬而遠之,形象永不翻身。hi bye算了。
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG


子爵府

積分: 11012

2020勳章


發表於 20-4-30 13:56 |顯示全部帖子

回覆樓主:

換鎖啦。


複式洋房

積分: 317


發表於 20-4-30 14:25 |顯示全部帖子
本帖最後由 Monchi1602 於 20-4-30 14:58 編輯
Wkcbcb 發表於 20-4-30 10:34
你老公唔係愚孝,係唔想煩,唔想因邊個而失去另一個,咪搵身邊易控制果個埋手,佢當然咁講先可以小事化無, ...

多謝你回覆我。我都明白無人想另一半話自己阿媽唔好,係我當初以為平心靜氣同老公講返我點解唔開心,佢會理解下,嘗試協調。事實證明我諗錯左,我而家對老公都有d失望,我只可以消極地上奶奶屋企,只係做表面工夫,嗌人、食飯、走人,盡量自己摺埋一角自閉算。


複式洋房

積分: 317


發表於 20-4-30 14:31 |顯示全部帖子
本帖最後由 Monchi1602 於 20-4-30 14:32 編輯
heidys 發表於 20-4-30 11:45
二真是口賤無品
三反而無乜野
而二已足以讓我敬而遠之,形象永不翻身。hi bye算了。

係,我好介意佢咁講,就算唔識既人,你聽到人地身體出問題,都唔會咁講野。況且我媽媽無得罪佢,仲對佢好客氣。結婚初期,我爸媽去旅行會買手信俾我奶奶,過時過節整年糕、包糉都叫我帶一份俾奶奶。係後來我發現奶奶根本唔識尊重人,我先叫我爸媽唔好再送。

我而家都接近只hi bye , 盡量少交流,佢要講既,我都係是但應一句就算,唔想聽到佢又講d乞人憎既說話。



複式洋房

積分: 317


發表於 20-4-30 14:38 |顯示全部帖子
本帖最後由 Monchi1602 於 20-4-30 14:42 編輯
sinohk33 發表於 20-4-30 13:56
換鎖啦。

呢樣係暫時叫解決左既事,鎖我老公唔肯換。不過我知佢私下有同奶奶講過,叫佢唔駛成日上黎執屋,如果上黎就打俾個新抱先,可能我奶奶唔想打俾我,所以真係無再上去我屋企。不過我會keep住保持距離,唔想佢有一日誤會我同佢好熟,又走上黎將全屋既野重新擺過位。


子爵府

積分: 14685

2020勳章


發表於 20-4-30 14:38 |顯示全部帖子

回覆樓主:

本帖最後由 秋天與楓葉 於 20-4-30 14:39 編輯

你老公知你同奶奶唔夾,減少返去奶奶度已經有讓步
學識左耳入、右耳出
同男家夾到係bonus,夾唔到亦好平常
我哋唔可以控制人哋講咩,但可以控制自己情緒
做好基本禮貌,其他就隨緣
唔係事實嘅說話就唔好放上心


複式洋房

積分: 317


發表於 20-4-30 14:41 |顯示全部帖子
秋天與楓葉 發表於 20-4-30 14:38
你老公知你同奶奶唔夾,減少返去奶奶度已經有讓步
學識左耳入、右耳出
同男家夾到係bonus,夾唔到亦 ...

明白,多謝你,係我自己一直睇唔開,成日諗點解奶奶會咁對我,諗完自己又唔開心,無限loop咁。



子爵府

積分: 11012

2020勳章


發表於 20-4-30 14:43 |顯示全部帖子
Monchi1602 發表於 20-4-30 14:41
明白,多謝你,係我自己一直睇唔開,成日諗點解奶奶會咁對我,諗完自己又唔開心,無限loop咁。

...

搵下心理輔導,最好兩公婆一齊去。


男爵府

積分: 7631

2020勳章


發表於 20-4-30 19:35 |顯示全部帖子
明白你幾痛苦,最痛苦係自己老公冇支持自己,但睇你其他留言佢都有做野,唔係愚孝,辛苦你啦


複式洋房

積分: 317


發表於 20-4-30 20:04 |顯示全部帖子
壞蛋獎門人 發表於 20-4-30 19:35
明白你幾痛苦,最痛苦係自己老公冇支持自己,但睇你其他留言佢都有做野,唔係愚孝,辛苦你啦
...

係,我唔會要求老公指責奶奶,始終奶奶係佢阿媽。但我好希望老公係我受傷害時,幫我講返句說話,而唔係事後催眠我話無咁既事。做人老婆,大家都各有難處,要一齊努力生活。


公爵府

積分: 27563


發表於 20-4-30 20:28 |顯示全部帖子
我覺得你奶奶見你娘家住公屋, 睇吾起你, 希望你吾好介意, 佢系憎人富貴厭人貧, 典型香港人性格


複式洋房

積分: 317


發表於 20-4-30 20:48 |顯示全部帖子
本帖最後由 Monchi1602 於 20-4-30 20:53 編輯
anna59 發表於 20-4-30 20:28
我覺得你奶奶見你娘家住公屋, 睇吾起你, 希望你吾好介意, 佢系憎人富貴厭人貧, 典型香港人性格 ...

我都覺得佢係,我奶奶言談之間,都經常表現出似乎睇我屋企唔起,例如只不過係去食普通自助餐,佢會話我以前應該無乜機會食。我屋企雖唔係富貴,但我爸媽從來俾最好既我,我既成長路上,亦唔缺乏應有既。呢個都係我唔鍾意奶奶既最大原因,佢一方面睇唔起我屋企,一方面又貪我爸媽送既禮,而其實奶奶之前都係住公屋,係我老公幾兄弟出黎做野賺錢,先搬入私樓。

所以我係自己既工作上,一直都好努力,我覺得唔需要用我老公既錢,先可以係男家抬頭做人。


男爵府

積分: 7631

2020勳章


發表於 20-4-30 20:51 |顯示全部帖子
Monchi1602 發表於 20-4-30 20:04
係,我唔會要求老公指責奶奶,始終奶奶係佢阿媽。但我好希望老公係我受傷害時,幫我講返句說話,而唔係事 ...

都好難,出左聲啲長輩要氹番仲煩、我都係咁,唔好同佢講野,佢就冇話題入你,同你講野就,哦,好,問下老公先。減少說話,就冇位入你。同你老公先小人後君子,依家你讓佢,因為佢係你阿媽,佢再搵野搞唔好怪你親自出聲


公爵府

積分: 27563


發表於 20-4-30 21:55 |顯示全部帖子
Monchi1602 發表於 20-4-30 20:48
我都覺得佢係,我奶奶言談之間,都經常表現出似乎睇我屋企唔起,例如只不過係去食普通自助餐,佢會話我以 ...
佢恃住自己系長輩, 出口傷人, 自己都住過公屋, 自己睇自己吾起, 唯有盡量吾同佢講嘢, say hi and bye


子爵府

積分: 14685

2020勳章


發表於 20-4-30 22:22 |顯示全部帖子
Monchi1602 發表於 20-4-30 14:41
明白,多謝你,係我自己一直睇唔開,成日諗點解奶奶會咁對我,諗完自己又唔開心,無限loop咁。

...

本帖最後由 秋天與楓葉 於 20-4-30 22:22 編輯

我有啲嘢諗唔通會睇心理學書
個人覺得幾有效


複式洋房

積分: 317


發表於 20-4-30 22:28 |顯示全部帖子
秋天與楓葉 發表於 20-4-30 22:22
本帖最後由 秋天與楓葉 於 20-4-30 22:22 編輯

我有啲嘢諗唔通會睇心理學書


有無推介?


我都想試下睇 , 理性上,真係唔想自己為呢d人影響情緒健康


別墅

積分: 526


發表於 20-5-1 00:51 |顯示全部帖子
我好明白
因為我99又係咁,老公都係咁
好似樓上谷友咁講
十個男人十個都怕麻煩
搞唔掂呀媽咪向老婆埋手囉
一定講‘唔洗理佢講野’,‘佢講咪由佢講,唔洗理佢’
你老公都肯私下同佢媽講叫佢唔好上黎,即佢都有做野啦
男人就算個呀媽千錯萬錯,都唔會話自己呀媽唔岩
我都明有啲說話講左出口,永遠都唔會忘記
我自己都放唔低


大宅

積分: 2468


發表於 20-5-1 03:38 |顯示全部帖子
Wkcbcb 發表於 20-4-30 10:34
你老公唔係愚孝,係唔想煩,唔想因邊個而失去另一個,咪搵身邊易控制果個埋手,佢當然咁講先可以小事化無, ...

我奶奶講野都係有骨,衰到佢生日我一早book晒酒店食飯,安排打卡位有蛋糕有花,佢都要夾埋其他新抱一齊單打我!我性格係啱的人就見多d, 唔啱的唔見會樂得清靜,我唔出聲係尊重佢老人家,但唔好以為我好好蝦!咁多年佢由初初經常用說話凌駕我,一有位就入,到依家我刻意被開佢,黎到我屋企唔敢亂講野客客氣氣,因為佢知個勢係向我度,佢收斂返果排佢先有得入屋!佢衰我可以半年都唔理佢,全家失蹤失聯!因為我唔洗靠佢,我自己一個攪掂頭家,忍左好多年,我慢慢一步一步咁令d孫唔痴佢,佢實在太衰,我老公都覺得d孫跟佢都學壞晒,完全同意唔見最好!

首頁
12345...7

尾頁

跳至
你需要登錄後才可以回帖 登入 | 註冊