產前產後

跳至

首頁
12

尾頁
   1


複式洋房

積分: 234


發表於 20-5-3 00:51 |顯示全部帖子
本帖最後由 LOKA1229 於 20-5-7 14:12 編輯

節奏開始緊張,老公執齊我全部物品,跟姑娘走,我過床後直接被推下去10樓手術室,在手術室門口,老公已站著,一齊入到手術室等候區,姑娘核對資料後就看見何醫生和麻醉醫生,一直12樓都有一個姑娘跟著你的,5分鐘後就跟老公分開,我就被推入手術室,手術室好似電視一樣,很大很新,我係超超超怕打針,所以由入院開始打左幾多針,一定記得。麻醉醫生說現在需要種豆在手背,我叫得超大聲,種完豆後,有姑娘幫我整個人卷曲成蝦米狀,麻醉醫生便打麻醉針於下方腰骨約L4-L5段,慢慢地下身暖暖的,便沒有感覺了,我聽到:「先生可以入黎喇」,我便見到我老公,整個人放鬆了,睡著,再開眼已經是麻醉醫生很用力,由我肚左上方推向右下方,推了兩下(我心諗做咩呀你做咩推我),跟住熟悉的聲音,何醫生: BB出左黎架喇」,跟住醫生就報時,一會便聽到BB的哭聲,一時在左邊傳出,一時在前面傳出,而姑娘忙於替BB吸肺水等等…(可能打了麻醉針,不斷聽到BB哭聲,心想不要吵我吧BB),麻醉醫生過來,在我左邊膊頭打了一針,說是幫助我的子宮收縮,嘩超痛,其實頭2針都不痛,不過我怕所以叫,膊頭這針很舒服,很想動一動,鬆鬆膊頭,但雙手係綁著,不能動,膊頭一直都痛十分不舒服,頂著頂著便睡了。


其實打完麻醉針後,我清醒狀況合共都只是1-2分鐘,其餘都睡著般。再張開眼睛時,已經上左13樓病房,YEAH~免費升級了二人房,姑娘說我睡著時一直說很痛很痛,應該是我的潛意識,因為正常藥力未過的,老公忙於放好我的物品,我問他剛才有沒有影家庭合照?他說有,原來我張開眼,影了相都不知道。之後姑娘一直不時觀察,看看回暖了沒有和有否其他需要等等。到達醫院至分娩完成回到病房兩小時內,像發了夢一樣。


開刀頭一日:不能下床及只能喝粥水,姑娘很友善,姑娘餵粥水、洗下身及講解身體變化等等,服務很好,十分有耐性。用餐方面,完全可以放心叫餐廳食物,一來不貴、二來好吃、三就係你下單時,他從床號知道你什麼能吃,什麼不能! 就算非用餐時段,下單後食物都很快熱辣辣送到,吃完後,食物盆每次都沒有超過分鐘便有人收拾。因為疫情關係,家人拿來,都只可於樓層門口交收,只準老公探11:00-13:00&18:00-20:00。呀B有兒科醫生每天跟進,而我由何醫生每天跟進,可以放心呀B


2:早上拆豆和拔尿喉,拔尿喉無想像中痛,有小小不舒服,姑娘好細心慢慢的,休息一會後要老公/姑娘陪同先可以試下床,下床之後要去小便,小便之後通知姑娘成功小便後,有姑娘幫我戴腰封,對傷口及內臟比較好。但傷口位置於坐下時的下身接位落一點,所以戴腰封起身和坐下時腰封都會壓到傷口,和腰封會上下移位,但用了是比較舒服,個肚無赤赤痛下墜感。


B非同房的,但每一餐姑娘都會詢問你會否埋身餵,如果埋身餵就會等你去BB房餵,餵完可以問姑娘拿奶補奶粉,餵B房好暖,有獨立一道道簾分隔開,有餵奶枕,有櫈讓你放腳餵時有唔明白,都可以禁鐘找姑娘幫手,記緊要帶開胸衣,方便埋身餵奶。


3:都是重覆餵奶,因為這個時刻才抱到呀B,好感動,細細粒,好像全世界只有我們,因我未上奶,主要餵奶粉,所以24小時8餐,如全埋身餵不補奶粉要24小時要12餐。其餘時間都係訓教同埋想想下一餐吃什麼,下午時兒科醫生說呀B有點黃,黃疸的度數2次都有上升,但未過標準,可以先觀察,未需要照燈。而這3天都有止痛藥,所以傷口不痛的,只是上下床要慢一點,不然會有拉扯的痛,笑和打噴嚏都會有點痛。


4:醫生說他接受200度是黃疸的界線,呀B 240度,其實可以等她自己退,但希望聽日可以跟我一起出院回家,照燈亦無副作用,醫院package又包含照燈費用,便決定開始照燈,這天我只抱了呀B一次,因為想多點時間照燈退黃,個人情緒都開始擔心,唔捨得自己先出院。


5:早上抽血,呀b 199度,醫生批准呀B出院,因為2日後醫院package有個黃疸跟進,檢查呀b有無黃。何醫生檢查完我的傷口,13:00便出院,埋單總數7.7萬,預計之內,很開心、幸運,出院時姑娘會細心講解照顧呀B的要點和送了一大袋禮物包(超實用:不同牌子的沖涼液、洗手液、圍巾、濕紙巾及她吃的即食奶2樽,能給她2天後回來時備用,十分貼心。


2日後:黃疸跟進是回去給姑娘用機檢查黃疸指數多少度,高的需自費抽血檢查準確多少度($hk250),因機檢測到240度,但用機存在誤差,我們自費抽呀B腳底血,等了1.5小時出報告是205度,醫生建議可以等她自己退,之後去健康院或兒科醫生個診所跟進,我們便順利地一起回家,努力食奶,努力大小便,慢慢地一星期便退黃了,呀b出世時53,現在未滿月就10磅多了,很開心。


兩星期後回診所覆診不用拆線的,醫生濕小小棉,撕開貼住傷口的膠紙。之後一舍月再回來照子宮。


洋房

積分: 44


發表於 20-5-4 06:03 |顯示全部帖子
恭喜你!
我都搵左何醫生開刀
而家差唔多31週
希望之後一直順利
何醫生咁好唔洗收緊急開刀費既(emoji)


複式洋房

積分: 288


發表於 20-5-4 08:39 |顯示全部帖子

回覆樓主:

多謝你分享呀
我一直諗緊去港安定港怡開刀, 但港怡無心儀醫生掛單
而港安我平時有去開
諗日擔粗粗搵左靳嘉仁產檢
本來網上評價他都較負面
但自己親身睇過我都比85分
諗緊諗唔諗佢開刀
但又怕over budget
港安服務我唔質疑
因為住過院,我都好满意


複式洋房

積分: 234


發表於 20-5-5 14:01 |顯示全部帖子
本帖最後由 LOKA1229 於 20-5-5 14:03 編輯

回覆 elainelau0829 的帖子

係呀!其實真係可以照道理收得~就算醫院唔收佢都第1個應該收,不過之前37WEEKS時都問過仍,佢話CHECK到手術室有空檔都可以唔收,佢好好,所以野都好熟好專業又清晰!放心交比佢啦!祝你順利,BB同媽媽都健健康康!


複式洋房

積分: 234


發表於 20-5-5 14:12 |顯示全部帖子
回覆 YimSze 的帖子

其實真係好易中附加費架,一中就起碼多3萬幾,因為辦公時間得 星期日至四 : 上午七時至下午十時 星期五 : 上午七時至下午六時,其他時間+緊急剖腹分娩要加50%!! 正正常常7萬6埋單(計埋醫生收費$28000,個個醫生收費唔同)。紅日仲貴,我差幾日連續4日紅日


洋房

積分: 44


發表於 20-5-5 20:06 |顯示全部帖子
LOKA1229 發表於 20-5-5 14:01
回覆 elainelau0829 的帖子

係呀!其實真係可以照道理收得~就算醫院唔收佢都第1個應該收,不過之前37WEEKS ...

請問傷口埋成點?有幾大?


侯爵府

積分: 20770

2020勳章


發表於 20-5-5 21:30 |顯示全部帖子

回覆樓主:

想問傷口係咪好低?
我有個朋友開刀傷口好低,痛咗好耐,一郁就痛...


複式洋房

積分: 234


發表於 20-5-7 13:56 |顯示全部帖子
回覆 elainelau0829 的帖子

傷口埋得好快呀,出院時已得返一半焦,過多幾日都無埋了。傷口大約12CM~但埋左之後望落無咁長。


複式洋房

積分: 234


發表於 20-5-7 14:04 |顯示全部帖子
回覆 Nbs 的帖子

係呀,比想像中低!唔錯~ 我想著條DEEP V既底褲想唔好整到佢都唔得,因為傷口好低,完全係底褲內,D毛生返都遮哂。傷口出院已經唔痛,係起身坐底會拉扯一下,我出院食左3日藥,之後多左既止痛藥都無食哂,一日比一日無咁痛就唔洗擔心,因為入面傷口未好似出面咁快好架,要耐D,可能你朋友食錯食物令傷口痛/便秘/唔可以忍尿,會影響傷口壓到佢。同埋一定要用肚圍,如果唔係無壓力,佢入面內臟同D肉下垂會痛。


侯爵府

積分: 20770

2020勳章


發表於 20-5-7 14:29 |顯示全部帖子
LOKA1229 發表於 20-5-7 14:04
回覆 Nbs 的帖子

係呀,比想像中低!唔錯~ 我想著條DEEP V既底褲想唔好整到佢都唔得,因為傷口好低,完全係底 ...

可能我朋友特別怕痛啦
我自己個傷口喺正常位置就真係無乜點痛過
不過開得低未必係好事......


大宅

積分: 1003


發表於 20-5-8 06:13 |顯示全部帖子
我上胎都係搵何醫生開刀,第2日就落床係咁行出行入去喂奶房😂,今胎都照搵番佢


複式洋房

積分: 234


發表於 20-5-19 17:03 |顯示全部帖子
sh_hei 發表於 20-5-8 06:13
我上胎都係搵何醫生開刀,第2日就落床係咁行出行入去喂奶房😂,今胎都照搵番佢 ...

係呀!我下胎都會穩佢


複式洋房

積分: 234


發表於 20-5-19 17:06 |顯示全部帖子
Nbs 發表於 20-5-7 14:29
可能我朋友特別怕痛啦
我自己個傷口喺正常位置就真係無乜點痛過
不過開得低未必係好事......

印象中好似係要睇個b去到邊個位先睇下開唔開得低(emoji)疤痕都係架 個個唔同,有d戒哂口都會埋得唔靚,個個唔同


大宅

積分: 1822


發表於 20-5-22 03:59 |顯示全部帖子
LOKA1229 發表於 20-5-3 00:51
節奏開始緊張,老公執齊我全部物品,跟姑娘走,我過床後直接被推下去10樓手術室,在手術室門口,老公已站著 ...

想問你開完刀後有無比姑娘搓肚?


複式洋房

積分: 234


發表於 20-5-22 11:08 |顯示全部帖子
afterall 發表於 20-5-22 03:59
想問你開完刀後有無比姑娘搓肚?

頭2日會定時黎望下傷口,姑娘會按幾下,不痛的。


大宅

積分: 1822


發表於 20-5-22 21:16 |顯示全部帖子
LOKA1229 發表於 20-5-22 11:08
頭2日會定時黎望下傷口,姑娘會按幾下,不痛的。

咁好。我第2胎係港安生,開完刀麻醉藥岩岩過姑娘就嚟搓肚,搓左兩次,痛到不得了,之後姑娘又再嚟搓肚我拒絕左......



複式洋房

積分: 234


發表於 20-5-25 15:58 |顯示全部帖子
回覆 afterall 的帖子

佢搓你係幫助子宮收縮的。你有無印象開刀果時拎完BB出黎.有無幫你打收縮子宮針呀?係膊頭的。因為我諗緊點解由頭到尾都無FEEL到子宮收縮的痛,我餵半人奶的,剛照完傷口和子宮已回復原狀。


複式洋房

積分: 327

2020勳章


發表於 20-5-25 17:52 |顯示全部帖子
我都計劃下個月係港安生
想問屋企人冇得探病嗎?


大宅

積分: 1822


發表於 20-5-26 02:43 |顯示全部帖子
LOKA1229 發表於 20-5-25 15:58
回覆 afterall 的帖子

佢搓你係幫助子宮收縮的。你有無印象開刀果時拎完BB出黎.有無幫你打收縮子宮針呀?係 ...

我半麻,開刀時係清醒,生完無係膊頭打針喎,我知佢搓肚係想我排多啲惡露同子宮收縮好啲,但剛開完刀咁搓法仲要搓幾次,而家諗返轉頭真係難理解

其實我第一胎係仁安生,但係無咁樣搓肚法,因為開刀時啲惡露都吸晒出嚟。同埋overall嚟講我覺得港安麻麻地,只係唔明點解呢度咁多post大讚


大宅

積分: 1822


發表於 20-5-26 02:45 |顯示全部帖子
LOKA1229 發表於 20-5-22 11:08
頭2日會定時黎望下傷口,姑娘會按幾下,不痛的。

咁啫係你無被搓肚?但我同隔離床都有呀

首頁
12

尾頁

跳至
你需要登錄後才可以回帖 登入 | 註冊