婆媳關係

跳至

首頁

尾頁
   3


別墅

積分: 622


發表於 20-5-12 16:09 |顯示全部帖子
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少背景
結婚已3年, 同奶奶同住都有3年時間
2018年得到一份珍貴禮物, 但可惜23週幾,BB就去左做小天使
今年2020年再次得到天賜禮物, 而家已有12週幾了
但唔知點解呢一個月,同奶奶衝突多左,
而家我同佢面左左, 奶奶連我老公都嬲埋
(我估佢係覺得佢個仔幫晒我,企係我個邊)

我想同大家分享下,
到底係我自己有問題, 定係係奶奶問題?

(1) 4月時比較多長假期
當時已陀住BB,但因未夠3個月, 個人比較攰, 成日都想攤係床
而且再加上疫情原因,
長假期時沒有出街, 多左留在家休息
lunch有時會出去食又或者老公買外賣
有日我同我老公食緊外賣, 奶奶返到屋企,


出現以下對話:
奶奶: 而家個屋企到底出現左咩問題? 點解食一餐飯大家要分開食?
老公: 我們有自己想食嘅野嘛~又唔使你趕住返黎煮比我們食咁辛苦!
奶奶: 使唔使買多一個電飯煲, 你們一個我一個呀?
老公: 我們自己搞掂咪得囉~而且我有問過你使唔使買埋你個飯, 係你自己話唔使嘅
奶奶: 我係唔使你買埋我個份呀, 而且唔一定要我煮呀嘛~你地煮比我食都我架嘛
老公同我冇出聲
奶奶: 放左咁長假, 日日攤係屋企, 都唔知有冇家教....
於是我成日下午就係房喊


我當時係唔開心, 奶奶明知我陀緊BB又未夠3個月,
點解講得出話我攤係床度唔郁?
平時奶奶唔捨得個仔做家務, 連老公幫我洗碗佢都望住個老公背影
咁即係奶奶係要我陀住BB去煮飯?點解要話我冇家教?

(2)上星期, 我沖完涼返入自己房,
個身仲係好熱, 於是我一邊同媽媽傾電話, 一邊張開雙腳吹下涼下
突然我奶奶拎住D衫入黎我房, 嚇到我即刻夾埋雙腳
之後就留左一陣係度慢慢拆衣架,
當時我已經覺得好冇私隱, 好似不被尊重
我即係同我老公講, 之後我老公叫埋奶奶入房,三個一齊傾


老公: 下次如果我們或者得老婆一個係房, 可唔可以比返少少私隱我們? 可能我們做緊私人野呢.
奶奶: 我唔知原來咁介意喎~我諗住大家係一家人, 冇所謂
老公: 咁可能我們有自己野做緊, 而又唔想比其他人知道呢?
奶奶冇出聲
老公: 而且人地講緊電話, 雖然唔係講咩秘密, 但代入返,冇人想比人聽住講電話掛?
奶奶: 我根本唔知你老婆講緊電話, 我拎住D衫入黎, 擺低就走
奶奶: 得啦,我識做架啦~我以後唔會再做多餘野啦~明白啦~
奶奶走左, 隔一陣再入黎講
奶奶: 其實我一直都當你老婆係一家人, 係女咁錫, 我諗住一家人冇咩所謂
奶奶: 我冇諗過會為呢D芝麻綠豆的小事係度唔開心囉~
奶奶: 我同所有人講呢件事, 一定個個都話我冇錯架~
奶奶再出去, 隔一陣奶奶唔忿氣再入房
奶奶: 所以話俗語講得岩架~
老公: 你又想講咩呀 (我一直都喊緊)
奶奶: 好仔不如好新抱呀!

發生事件後, 奶奶嬲我, 一直面左左
我唔想我老公難做, 母親節當日我有買蛋糕有send message講happy mother's day
當然係冇回覆啦~
唔緊要呀我同自己講, 做左自己本份就得了~
呢個世界唔會所有人都中意自己明白自己
只要我老公同我屋企人知道我份人嘅性格就得啦~
而且而家最重要係BB, 唔可以再比情緒影響自己

但都好想問下大家, 到底係我有問題,定奶奶問題?


男爵府

積分: 9367

2020勳章 HiPP勳章(1) 好媽媽勳章


發表於 20-5-12 17:39 |顯示全部帖子

回覆樓主:

係你99敏感又小器
人地唔開心都唔比呀
佢咁樣只會令雙方距離越黎越遠
好在你老公明白事理
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG


別墅

積分: 809

2020勳章


發表於 20-5-12 17:54 |顯示全部帖子
樓主,唔係你問題。你而家陀梗BB唔好喊咁多呀,做好自己本份算啦。保重呀


禁止訪問

積分: 2053


發表於 20-5-12 18:40 |顯示全部帖子

回覆樓主:

提示: 作者被禁止或刪除 內容自動屏蔽


別墅

積分: 857


發表於 20-5-12 19:02 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

同住就係咁,始終大家成長,生活方式唔同,我之前同6299同住,連房門都唔會關,總之無野做都要出廳坐,唔會入房,平時99會入間房放衫,掛衫。

佢地咁多年生活都係咁,所以佢地係覺得無問題,但我自己屋企,屋企人入黎掛衫會敲門先,而且我可以長時間係自己房。

後來真係好唔習慣,情緒好差,所以搬左出黎。同住就係咁,夾到就夾到,夾唔到就辛苦。


複式洋房

積分: 317


發表於 20-5-12 19:56 |顯示全部帖子
本帖最後由 Monchi1602 於 20-5-12 20:01 編輯
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

就咁睇呢兩件事,會覺得你奶奶講野幾mean,話人無家教、話好仔不如好新抱,都係講左返唔到轉頭既說話。

不過你同奶奶同住,會唔會叫外賣、突然入你房,都只係導火線?你奶奶似係平時已經積聚好多不滿。



別墅

積分: 586


發表於 20-5-12 21:52 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

我覺得你老公個處理手法唔係咁好,係你面前當面教訓個奶奶,你仲一路喊緊?咁好難會鍾意你啦。
如果角色調轉,你老公當住你奶奶面教訓你呢?你又會點惗?


大宅

積分: 3419

2020勳章


發表於 20-5-12 22:10 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

1)好似樓上所講,你老公處理得唔好。當住你面鬧佢媽,你仲喊,衰多幾分。
2)私隱問題同外賣問題以前未發生過?淨係你有左後先出現?冇可能架
3)你奶奶有啲好common 既上一輩概念:i)喺屋企梗係煮飯啦,點會食外賣 ii) 食飯梗係一家人食同一樣野,有乜理由你地食pizza 我食蒸魚iii) 冇「私隱」概念,開門咪開門,都住埋一齊 iv) 大肚大晒咩,「想當年」我大肚陀住你老公洗衫煮飯(下刪千字),邊有而家咁身驕肉貴。煮餐飯都話唔得,仲要老公買外賣服侍你(因為嗰個係佢個仔,佢一定認為新抱應該妹仔咁服侍個老公)。
但上一輩的確係咁被教導,只可以話代溝...


子爵府

積分: 10333

2020勳章


發表於 20-5-12 22:14 |顯示全部帖子
老人家想食住家飯,一齊食,case 1你地唔多䛊做
Case 2,好小事但你又喊,你老公又攪大件事
好好傾下,三個各有唔啱


別墅

積分: 929


發表於 20-5-12 22:17 |顯示全部帖子
你老公唔識do
咁樣當著你面話自己阿媽
比著我係你奶奶都不忿啦



伯爵府

積分: 17633

2020勳章


發表於 20-5-12 22:29 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

本帖最後由 leeleebaba 於 20-5-12 22:30 編輯

吾洗吾開心,自己身體緊要。你99 真難頂


複式洋房

積分: 253


發表於 20-5-13 00:29 |顯示全部帖子
你奶奶係唔見得你好,佢做家庭主婦就冇假放,你做打工仔就有假放。
所以你放假時佢你唔抵得囉。

自己唔肯食外賣 ,仲要迫個新抱特登煮飯比奶奶食。真係當正放假就要係屋企做工人。

奶奶自己年紀老咗冇性生活又冇晒身材冇晒青春就梗係成鬼日打開門口大模廝樣坐係個客廳。不過我後生呢!要同老公錫錫嘴嘴,仲有啊~我有時淨係想着住個Bra咪閂埋門囉!


民房

積分: 16


發表於 20-5-13 01:22 |顯示全部帖子
回覆 金宵大廈 的帖子

一齊住好多問題都會浮現,樓主既問題大部分我都經歷過(同99住超過10年,主要原因係C6堅決唔請工人,想慳錢,我哋雙職其實請兩個工人都冇問題,之後99搬咗我屋企,生左兩個b前真係冇諗咁多,99性格都好相處,最後我錯了,我同99都付出好多,埋怨多了,c6咩都唔做,最得益係佢。),溝通上沒有一方全對,我哋都會有脾氣同個人喜好原則,更何況99?有時唔係對或者錯,係兩個冇感情嘅女人夾硬一齊住,註定冇私隱,香港地咁細!
真係要盡快諗辦法搬出去自住,生左小朋友磨擦更多,唔好好似我咁,忍冇可忍,情緒極差,同c6反映都係叫我忍下,所以一切問題應歸咎於老公冇咁好智慧將我哋分開,距離就係美嘛,否則一齊住講野都愈嚟愈唔客氣,最兩難係,有時想鬧下c6都就住就住,人哋阿媽會唔開心😫

盡快搬啦!除非欠缺經濟能力!


大宅

積分: 1019

2020勳章


發表於 20-5-13 02:31 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

係你99覺得你搶左佢個仔,睇你唔順眼,可以既話搬出去,一齊住實會陸續有黎,到bb出世,會更加多問題爭吵


男爵府

積分: 7122


發表於 20-5-13 08:52 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

搬走啦,無謂嘈。

好多上一輩係接受唔到唔使返工既日子,留在家中攤下休息下,甚至瞓晏少少都會被視為瞓懶覺(我99屋企全人類6:30
起身,我屋企可以瞓到12點)。佢哋係講求早睡早起,早起做家務先係正確。

上一輩婦女亦覺得一屋人一定要一齊食飯,呢個飯要自家煮,因為食外賣或出面食唔健康。(所以你哋就算問左佢打算幫佢買埋都.......)

又,上一輩婦女思想係家頭細務係女人做,男人唔應該做家務(我99家,我62從來唔做家務,我老公自願好多次先有得做; 我老豆呢世人做過1次,就係用沐浴露拖地)。然後佢會覺得陀仔住飯係正常,原因係佢以前都係咁。


男爵府

積分: 7122


發表於 20-5-13 09:02 |顯示全部帖子
Q寶 發表於 20-5-12 16:09
我從未試過係婆媳關係呢個討論區開POST,因為一直都唔覺得有咁大問題....需要係度問大家意見

講返自己少少 ...

最後,你老公咁搞笑,居然叫阿媽入房響老婆面前話佢 。大佬,人要面樹要皮呀! 你99唔起晒鋼就神奇啦。

然後,個仔以前好孝順咖,變成就係因為新抱啦,然後你咪做左炮灰囉!

到母親節,梗係你老公去tum 你99啦,你99從頭到尾都只care你老公,你在你99眼中係nobody,係為左個仔接受你咋。你應該踢你老公去買蛋糕,同親口同你99講母親節快樂。

希望你哋唔係經濟考慮而同99住。同99開火前,考慮下自己有無能力同99叫板先。


男爵府

積分: 7122


發表於 20-5-13 09:08 |顯示全部帖子
honeybid2 發表於 20-5-12 22:10
1)好似樓上所講,你老公處理得唔好。當住你面鬧佢媽,你仲喊,衰多幾分。
2)私隱問題同外賣問題以前未發 ...

jm,睇到你講上一輩好普遍概念,我即刻聯想到我媽嘴藐藐咁講個樣

我媽完全係咁既想法,但因為我係佢個女,會唔理佢然後好可憐咁攤在床上望佢,佢就無眼睇咁行左去


大宅

積分: 3419

2020勳章


發表於 20-5-13 09:41 |顯示全部帖子
shannon_fky4186 發表於 20-5-13 09:08
jm,睇到你講上一輩好普遍概念,我即刻聯想到我媽嘴藐藐咁講個樣

我媽完全係咁既想法 ...

我睇到你上兩個post... 簡直同我媽一樣。我真係好記得小學我想weekend 瞓到10am 個個禮拜都俾我媽鬧...
當然大個啲就已經唔理佢。
然後放假一定要出街或者有節目。
然後從來屋企唔會食外賣 每餐都係自己煮。
我都從來唔使做家務。唯一不同係我老豆會做。
我諗上一輩咁樣真係好普遍...


男爵府

積分: 6951

2020勳章


發表於 20-5-13 09:47 |顯示全部帖子
回覆 Q寶 的帖子

好同意其他JM話,你老公唔識做人,搞串咗個party,點會咁樣當面四四六六拆掂佢

你諗吓,如果係你老公唔妥你阿爸or阿媽,你會唔會當面去鬧你自己父母,唔會呀嘛,正所謂"好女兩頭瞞"。你都係會私下同你父母傾啦

仲有係,唔好聽都要講句,你搬得入去住,想維持自己的生活方式係非常困難,因為人哋生活咗幾廿年都係咁樣,唔通要就返你轉頭。唔係經濟有困難,就搬走啦。


伯爵府

積分: 17969

2020勳章 HiPP勳章(1) 2018父親節勳章 2018復活節勳章 瞓得好勳章 開心吸收勳章 畀面勳章 認識瑞士牛牛第一回 認識瑞士牛牛第二回 最關心BB問題熱投勳章


發表於 20-5-13 10:48 |顯示全部帖子
我覺得3方面都有問題

你99 : 似乎已經不滿你好耐, 講野太刻薄 (好仔不如好心抱, 無家教, 好過分), 要大家一齊食住家飯仲想係你煮

你C6 : 係好隊友, 可惜唔夠醒目, 係你面前教訓自己阿媽, 99實反感啦, 越幫越忙

樓主 : 明白你有左好攰唔舒服, 唔煮飯C6買外賣食唔覺得有問題, 但自己D衫自己收返摺返都好應該, 無理由99幫你做埋服待埋你, 無形中比個機會佢入你房停留, 你覺得無左私隱其實以呢個CASE黎講, 係你自己造成

生活習慣唔同加上上一代固有觀念, 長遠計最好搬走

首頁

尾頁

跳至
你需要登錄後才可以回帖 登入 | 註冊