無綫花旦黃翠如在將軍澳電視城為新劇《七公主》拜神,她指新劇好似現代版的《西遊記》,每人也經歷試煉考驗。為新劇剪短兼染黑頭髮的她說:「未試過做律師角色,仲要係一個狠辣、鍾意贏,唔係友善嘅角色。」
講到剪短頭髮後老公蕭正楠可會不習慣?翠如笑說:「佢真係有啲唔慣,覺得我染咗頭髮之後個樣惡咗,就係要呢種感覺。」問到可會像林夏薇一樣為入戲與老公分房瞓?她笑言:「我又未諗,屋企就得一張床,咁睇吓邊個瞓梳化喇。」
翠如又坦言有參考鄭裕玲演繹的經典律師角色:「今次對白好長,劇裏面有四個結案陳詞,因為要背得好熟,一個案件要用十日時間去背,連揸車都背緊。」