親戚的小孩(喺我角度都唔係小孩,20歲,有份兼職,月入15-20K,但係親戚之間覺得佢「仲細」,係小孩),讀緊天台大學,佢成日問各親戚借錢,每次5-20K不等,以我所以佢每一個月夾埋可成功借到15K。
最近終於問到我,我無借
第一︰無禮貌,問你就要即刻FPS俾佢,又唔講因乜事要錢;
第二︰以我所知佢係從來有借無還的下等人,佢有收入無交家用,除咗借返來的,佢父母仲有每月俾6千俾零用;
第三︰一年見兩次,見面黑口黑面招呼唔打,派利是俾佢係求佢要咁;
第四︰大家政見唔到,如果佢問我要錢係出去暴動,我真係打心口
親戚話我無情,有錢都唔借啲俾佢,話一個人無錢好慘,我話佢從來有借無還你哋都知,到底係借定攞你哋心知肚明,佢上左大學就月月問借錢買嘢食嘢溝女,未計佢自己兼職賺的,借返來都萬幾蚊,月月洗萬幾二萬蚊唔手軟,我哋搵幾萬仲要交家用供樓,可以洗的錢都無咁多,每月辛苦儲幾千,俾佢一句「借錢」,幾秒FPS就無晒,我都好慘啫
有「借錢親戚」同埋「叫人借錢俾人」的親戚,真係煩