懷孕前後

跳至

首頁
1

尾頁
   2


複式洋房

積分: 203


發表於 20-5-28 00:06 |顯示全部帖子
人仍在醫院休息中,明天就出院了,曾經喺呢個討論區得到好多有用嘅資訊,雖然心仍然會痛,但仍希望將我嘅引產經歷留下,可以幫到其他有需要嘅媽媽。
簡單講下自己先,今年29歲,呢胎系自然受孕,6年前曾有一次早期流產經歷 (Before 8 weeks),即系今胎已經系第二次了,4月18日星期六BB剛好夠25週,就在4月18跟19日這兩天,突然不太感覺到胎動,有點擔心,於是星期一就去私家做超聲波,做完超聲波確認BB已無心跳,於是醫生寫轉介信俾我返屯門醫院處理,佢叫我不用急,可以調理好心情過幾日先入院都OK。

於是我稍為調理好心情,執好入院物品,在4月23日入屯門醫院。一大輪檢查後都再確認BB系無心跳,就等見醫生,見我嘅系產前病房嘅顧問醫生,佢解釋除非有其他特別情況,否則一般都系兩個做法,第一:即時安排塞藥引產 或 第二:等BB自然排出,無論一定二都系經陰道生產而不會開刀拎BB出黎。先講第一塞藥引產,佢話塞藥引產好處就系可盡快解決事件,但最怕就系有機會發生羊水栓塞令孕婦死亡,雖然每幾年先會發生一單,但佢有責任將可能發生嘅風險都告訴病人。而第二等BB自然排出,佢表示一般情況BB胎死腹中,有8成Case都可於一個月內自然排出,即好似一般足月媽媽一樣,會自然作動,陣痛,開度數生產,唯一擔心只系怕BB胎死腹中時間太耐,會影響媽媽凝血功能,而醫生講緊嘅時間太耐系指四星期以上先有可能會出現影響媽媽凝血功能這情況,所以必須每星期抽血兩次及複診以確保媽媽安全。醫生話BB已經死左,現在最重要系確保媽媽嘅安全,不讓媽媽受二次傷害,佢建議我等一個月先,起碼可以等BB好大機會可以自己排出而不用承受塞藥引產的風險。每位媽媽要考量嘅都不一樣,有些媽媽心理上承受不了所以會選擇即時塞藥引產,有些則可能因各種原因而選擇等BB自然排出,而我同我老公商量後一致決定比一個月時間等BB自然排出,等待期間我必須每星期到醫院抽血兩次及見一次醫生。真系太長篇,後續。





複式洋房

積分: 203


發表於 20-5-28 00:32 |顯示全部帖子
回覆 yoting 的帖子

睇到我嘅標題,大家應該都知道BB最終都係無自己出嚟,我都系要塞藥引產。5月25日星期一早上8:30拎齊物品就入院了,首先都系會安排上產前病房,醫生會先內診一次檢查子宮頸有否變軟,如已變軟就無需塞藥可直接入產房吊催產素進行催生,內診就是醫生會戴上手套將手指塞入陰道直達子宮頸位,過程會有少少唔舒服少少痛,內診後醫生話我嘅子宮頸無變軟需要塞藥,佢表示一日最多塞藥三次,每隔三個鐘塞一次,塞嘅藥系一種前列腺素,因這種前列腺素有助子宮頸變軟從而進入下一產程。11:00第一次塞藥,可能是護士又或者醫生進行塞藥,並沒有固定指定是誰,過程無非就是戴上手套然後將藥劑從陰道塞到入一入去到子宮頸位,然後等待3小時,塞藥同內診差唔多都系會有少少唔舒服。14:00第二次塞藥,塞藥前醫生或姑娘都會先進行內診以確認子宮頸有否變軟,檢查後沒有變軟於是再進行塞藥。17:00內診後子宮頸仍未變軟於是進行第三次塞藥,此前我並未因為塞藥而覺得肚吾舒服,肚痛,發燒發冷等等。19:00肚開始輕微痛有少少經痛感覺。21:00經痛感覺開始強烈,叫姑娘內診發現子宮頸仍未有變軟跡像,當時我已打定輸數,諗住聽日又要再重複三次塞藥內診及疼痛。23:00經痛感覺愈催強烈,差不多已達到我過往最經痛的感覺。零晨1:00開始變得稍為有規律每隔5-10分鐘左右會痛30-40秒左右,當時已達到我過往最最最經痛的感覺,不同的只是我在痛與痛之間還有幾分鐘可以回回氣,請姑娘內診子宮頸竟然仍未變軟,當下覺得這人生之中最想最想的就是可以馬上停止這痛楚,很受罪的感覺,眼淚已流下,心裡跟BB說:你乖,快啲出黎,媽媽養好身體會好快將你生回來。3:00陣痛變得更有規律每5分鐘痛40秒左右,仍然是最最最經痛的感覺,一切動作都要停止捲曲着身體。約4:00趁着停止痛楚的幾分鐘去廁所,突然發現落紅,有鮮紅色血帶着透明黏液及組織流出,馬上報告姑娘,佢話一陣同我進行內診,但我不想再受苦,因為已經好痛,所以我話一係再等多陣先等我再痛多啲先,真不想內診完又聽到子宮頸仍未變軟。5:00肚突然超級超級地大痛,比以往的最經痛仲要痛上幾倍,彎著腰慢慢慢慢行去廁所,坐在廁所肚又突然大痛及感到陰道好似有野要沖出黎,本能地我自己將佢縮返上去馬上拉救命鐘,護士立刻衝入廁所,當時我已經郁吾到,嬸嬸推輪椅入嚟廁所,我褲都無着佢地就的左我上輪椅推返我去床,醫生內診子宮頸不止軟,更已開8度,馬上推入產房,BB已經要出黎,5:32分BB出黎了,胎盤亦跟著排出,醫生會用手不斷不斷大力按壓子宮位直至所有野都排出為止,仲會用鴨咀及鉗協助清理乾淨,雖然真系痛及吾舒服,但如果清唔乾淨就要刮宮所以都必須要忍受,而這過程中仲有另一個人在我隻手種豆因要吊子宮收縮液以協助子宮收縮,大概一小時後醫生終於停止動作,真正完結了。大家應該都知因為疫情關係爸爸系不可以入產房,但因為我屬於特別case所以姑娘批准佢入嚟陪我及見BB最後一面,最終我老公喺產房陪我直至早上9:30左右,在10:00我被安排入C5婦科病房,這都算是貼心的安排,起碼不會安排我去產後病房,始終我是沒有BB的媽媽啊。
如果各位有問題可以隨便問,我會盡量解答。最後想說:晴晴:媽媽好多謝你陪伴我的這6個月,我會好快將你生回來的。





複式洋房

積分: 187


發表於 20-5-28 01:09 |顯示全部帖子
yoting 發表於 20-5-28 00:32
回覆 yoting 的帖子

睇到我嘅標題,大家應該都知道BB最終都係無自己出嚟,我都系要塞藥引產。5月25日星期 ...

媽媽加油,要堅強d,睇完有想喊,晴晴會返黎的。


大宅

積分: 3617


發表於 20-5-28 16:59 |顯示全部帖子
回覆 yoting 的帖子

你很叻、很堅強,
晴晴知道的,她會乖乖再回來做你的女兒。

衷心祝福你,要有信心,將來一定會成功的。

(我也試過2次不好的經歷,第三個孩子就是我現在的女兒,所以你要加油啊)


複式洋房

積分: 203


發表於 20-5-29 13:20 |顯示全部帖子
回覆 SiulingZ 的帖子

謝謝你啊❤️


複式洋房

積分: 203


發表於 20-5-29 13:20 |顯示全部帖子
回覆 Jamy413 的帖子

謝謝你。希望可以同你一樣,先苦後甜❤️


男爵府

積分: 6564


發表於 20-5-29 13:39 |顯示全部帖子
回覆 yoting 的帖子

睇完後好傷心,你要好好休息啊.晴晴會好快返來做你的孩子,加油!


男爵府

積分: 6856


發表於 20-5-29 14:11 |顯示全部帖子
yoting 發表於 20-5-28 00:32
回覆 yoting 的帖子

睇到我嘅標題,大家應該都知道BB最終都係無自己出嚟,我都系要塞藥引產。5月25日星期 ...

好心痛,比個hug你。
祝福你好快生個健康寳寳。


大宅

積分: 1496


發表於 20-6-1 10:17 |顯示全部帖子
好心痛,看完真的很想哭,希望你一切能好起來


大宅

積分: 3617


發表於 20-6-3 21:47 |顯示全部帖子
祝福你
好好休養。照顧好自己的身體


男爵府

積分: 6566


發表於 20-6-5 08:35 |顯示全部帖子
辛苦媽媽了,加油,BB好快返去媽媽身邊

咁醫院有冇可以驗BB係咩事所以走?


複式洋房

積分: 203


發表於 20-6-6 00:25 |顯示全部帖子
感謝大家的祝福!我會好好坐月養好身體的!❤️


複式洋房

積分: 203


發表於 20-6-6 00:29 |顯示全部帖子
回覆 Mini20160607 的帖子

謝謝你❤️其實都系睇媽媽意願,如果媽媽想,醫院就會拎走部份胎盤化驗及可以解剖BB睇下會吾會搵到系咩問題,但醫生話有一半Case都搵吾到原因。


別墅

積分: 683


發表於 20-6-21 04:36 |顯示全部帖子
我同您一樣,但我發現當時已38週5.
最後bb自然作動排出.
您要加油,大家都要加油!

首頁
1

尾頁

跳至