vkm2014 發表於 20-5-28 09:09
性格較林善內向,樣子也淋善,對人也友善,但有些人總是換來無視態度,我總是放不低別人對我的不好態度,時 ...
你對人友善係你自己自願吧?定話你係本住你對人好,人地就要對你好?如果係咁,你就要調整對人嘅期望。一個人只可以控制到自己,控制唔到其他人,你想對人好係你想,但人地未必想,又或者未必覺得你所做嘅係好/足夠好/好到佢要對番你好。或者我咁講,你會覺得受傷,但現實就係咁,你對人好,自己開心,問心無愧,他人點樣反應係佢地嘅事,始終每個人嘅性格、人品都唔一樣,冇可能要求一個自私自利嘅人會為他人考慮嘛。
其他人對你冇禮貌係對方嘅人格問題,唔係你問題嚟,除非你做咗唔好嘅嘢或者影響到他人嘅嘢,否則你真係唔需要太介意,有類人就係鍾意找碴,專搵人麻煩,令人唔開心,其實佢地自己都十居其九唔開心,咩都睇唔順眼,人生點解要因為他人而活?唔好陪佢地一樣唔開心。
開心係自己搵番嚟嘅,唔係要靠人俾你,你心存善念已經係一種正面思想,不如好好將正面思想發揚光大,唔好聽講句:你自我感覺良好,對方咬你食咩?你唔開心就正中佢地下懷。JM,諗清楚,唔好搵自己笨。
花旗太太生活在花旗國,留意時差,你問我未必即時答到。