3歲或以上

跳至

首頁
1

尾頁
   1


別墅

積分: 920


發表於 20-6-1 15:56 |顯示全部帖子
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公婆花了更多時間陪伴大女,但大女對於妹妹仍然抗拒,應該說又愛又恨,有時佢會主動自己去摸下bb,又話想抱下,但bb喊,有時我們去抱一陣,佢就嬲,就發晒脾氣話我們唔抱佢,話我們淨係抱妹妹,其實我們反而比之前仲抱多左佢了,但我們總不能完全唔理個細的。

我心情變得很壞,思想我生第二個是否做錯了決定,一直只想大女有多個弟妹一同成長,彼此扶持,我沒有想過會這樣,成日想到這裡就會喊,見到佢發脾氣,我自己也控制不了地喊,我不知道要如何走下去,我自責好像虧欠了大女,因為生了妹妹後,分薄了以前給予她的時間和關注,令她不開心,心裡實在很難過。




水晶宮

積分: 53538


發表於 20-6-1 23:55 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

其實大B jealous 好正常,百分之99999都會出現咁嘅情況,又點會係你嘅錯?呢個係小朋友生存本能來的。大B需要時間學習接受。

屋企有人幫你手嗎?可以的話,留細B喺屋企畀家人幫手睇,你耐不耐帶大女落街行下、食個下午茶咁,兩個人傾下計,你同佢都應該會放鬆啲開心啲。我嗰時係咁樣做。

如果自己情緒仍然差,就最好搵專業人士傾傾。


別墅

積分: 920


發表於 20-6-2 07:06 |顯示全部帖子
EstrellaDamm 發表於 20-6-1 23:55
其實大B jealous 好正常,百分之99999都會出現咁嘅情況,又點會係你嘅錯?呢個係小朋友生存本能來的。大B ...

謝謝你,家中有工人幫手,但現在坐月中,都不能外出,又因為疫情,大女大部分時間都是在家,所以有困獸鬥之感。

坐月完結後,希望養好身子,多啲帶大女外出,多啲相處時間,希望她會慢慢接受。


水晶宮

積分: 53538


發表於 20-6-2 10:35 |顯示全部帖子
本帖最後由 EstrellaDamm 於 20-6-2 10:36 編輯
ivychungchong 發表於 20-6-2 07:06
謝謝你,家中有工人幫手,但現在坐月中,都不能外出,又因為疫情,大女大部分時間都是在家,所以有困獸鬥 ...

我自己坐月時都有出街,喺屋企附近活動。其實可以離開屋企一陣行下睇下嘢(哪怕只係樓下)對產婦身心康復有好大好處。當然理解疫情係一個考慮,人人身體情況亦唔同。



大宅

積分: 1292


發表於 20-6-2 12:09 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...
四歲仲細,會呷醋唔奇,試下多D俾佢幫手照顧妹妹,例如抱BB,幫忙拎衫仔,毛巾,尿片,幫手餵奶樽...
姐姐做得好,一定要大聲讚賞
姐姐生日/節日,記得買份禮物,話係妹妹送俾姐姐的



男爵府

積分: 7432


發表於 20-6-2 13:46 |顯示全部帖子
回覆 ivychungchong 的帖子

生第2個前,有無問過阿女想唔想媽媽生多個細路妹同佢玩呢?好似我女一直講過我再生,佢會打bb,唔鍾意有細路妹,
咁我老公都諗住1個够啦,我地就無再生。



sweetapplebb


大宅

積分: 1226


發表於 20-6-2 20:16 |顯示全部帖子

回覆樓主:

我生完第2個,大仔反應都係好似覺得我地唔理佢咁!我頭半年都情緒出現左問題,直到呀仔返左k1, 情況又好dd, 之後又搵社工傾下,d情緒大約呀妹一歲後就好轉d啦!最緊要搵人傾下,同老公傾下! 樓主仲坐緊月情緒會再波動d,樓主加油呀!唔係得你一個係咁!


大宅

積分: 3910


發表於 20-6-4 05:01 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

好明白妳~
我都曾經後悔過,內疚過,喊過。。。。。
試下放低妹妹一天,同家姐二人世界一整天,
會有改善㗎~
慢慢嚟,日子慢慢過,家姐好快會適應,加油~


禁止訪問

積分: 558


發表於 20-6-4 17:15 |顯示全部帖子
提示: 作者被禁止或刪除 內容自動屏蔽


大宅

積分: 1241


發表於 20-6-4 19:43 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

一定要記住小朋友每個階段都會有變化,大女會慢慢大,慢慢習慣有妹妹,而妹妹越嚟越大,亦都會慢慢同家姐有互動,父母的情緒係呢個時候一定要保持平穩,不要想返轉頭早知吾生呢d自尋煩惱嘅問題,焦點應該放返喺如何令家姐明白,就算有妹妹,父母都一樣愛家姐,令家姐安全感大啲,希望你快啲過渡到呢個階段!媽媽都要留意自己情緒啊!


男爵府

積分: 9253


發表於 20-6-26 02:59 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

我都經歷過,亦仲係處於呢個狀態,不過有越嚟越好嘅,細B同大B有互動時情況會慢慢改善~
我會趁細B瞓覺時同大B玩、攬住佢講故事、得我同大B靜雞雞食茶點…… 大B需要獨佔媽咪嘅時間,我大女(4歲半)到宜家都仲會話我錫細佬(兩歲)唔錫佢,不過佢同細佬都會好friend,我相信等佢再大d會越嚟越好~


複式洋房

積分: 318


發表於 20-6-26 19:55 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

加油啊!
我妹妹都岁半,哥哥都仲未接受,身心疲累


別墅

積分: 920


發表於 20-6-27 15:45 |顯示全部帖子
回覆 EudyptulaMinor 的帖子

謝謝各位的回覆,經過一個幾月,阿女已經對我抱妹妹冇乜大反應,不會做引我注意的動作 ,有時候會主動玩下bb,但有時候教訓佢時,佢會問我們是否不喜歡她了,有時候同佢傾計,佢會話不想我們生妹妹出嚟,可能仍然是又愛又恨。妹妹喊得都多,佢會投訴佢成日喊,我有愧疚就是少左好多時間陪大女,因為最近工人又病了 ,老公返工,細女又扭得厲害,成日喊,得我去處理,結果大女要自己玩,我以前比較多時間陪佢,現在變左都照顧個細的多了。
希望她跟妹妹能越來越好,我們又能夠多啲陪到大女。


大宅

積分: 1292


發表於 20-6-27 17:01 |顯示全部帖子
ivychungchong 發表於 20-6-27 15:45
回覆 EudyptulaMinor 的帖子

謝謝各位的回覆,經過一個幾月,阿女已經對我抱妹妹冇乜大反應,不會做引我注 ...
加油


男爵府

積分: 6408


發表於 20-6-27 20:58 |顯示全部帖子
ivychungchong 發表於 20-6-27 15:45
回覆 EudyptulaMinor 的帖子

謝謝各位的回覆,經過一個幾月,阿女已經對我抱妹妹冇乜大反應,不會做引我注 ...

加油!你已經做得好好,大女有好大進步,慢慢黎


複式洋房

積分: 493


發表於 20-7-2 18:11 |顯示全部帖子
ivychungchong 發表於 20-6-1 15:56
第二胎上星期出世後,回到家,四歲大女就非常反常,有時喊着不喜歡我們抱妹妹,脾氣變得情緒化。
我們兩公 ...

加油!我生4個都搞得掂,你都一定得! 俾多d. 信心自己,或者俾多d tasks大b做, 讚佢多啲, 同埋我會盡量抽獨處時間畀每一個小朋友。

首頁
1

尾頁

跳至