kerotan 發表於 21-4-3 23:21
很感激你的詳細分享
我是個烘焙新丁,知識只在爬文爬片裡得來,少實戰經驗。
最初見免揉麵包多做歐式麵包 ...
實戰經驗重要過一切,因為每個細節都會影響成品,而有D因素係人為控制唔到,包括氣溫、濕度、材料成份品質等,以前我有寫吓blog同將食譜同細節放上唔同平台記低,方便對比,不過而家好懶,又要upload相又要寫,好花時間,只好盡量做簡單紀錄,我好好多cheat sheets,而家整理緊寫低喺本notebook度,最低限度可以隨時翻閱。
我上兩個星期有D烏龍嘢,整咗兩次D包都發得唔好,仲要唔上色又好鹹,睇番食譜細節,只有由黃糖/蔗糖換咗用白糖,照計唔會有咁大影響,問過資深整麵包朋友,結論係酵母有問題,或者係用嘅牛奶/牛油過熱,準備再試過,咁啱有日食糭落糖,用番果樽白糖,點知一食落口係鹹嘅,果一刻就知之前兩次失敗係咩原因,我用咗鹽當糖,明明鹽5g糖30g變成鹽35g,發得起個包已經係奇跡,但最神奇係仔女同老公居然話鹹都食晒,佢地應該係驚我難過,所以唔好食都食晒。
周末我又會整包,老公食過豆沙餡絨球/毛蟲包話正,我今次試下整圓型,或者整花型,絨球/毛蟲包佢地開始厭,要試下新嘢。
花旗太太生活在花旗國,留意時差,你問我未必即時答到。