夫婦情感

跳至

首頁
34567...9

尾頁
   5


複式洋房

積分: 408


發表於 20-7-3 20:49 |顯示全部帖子
crystal5142000 發表於 20-7-3 09:08
個女咁細佢已經玩女人,你同佢又一早無晒感情。
你宜家又成日唔開心,佢唔離婚可能就係因為份工。
你唔好以 ...

而家佢樣樣都好似聽晒我話,但係硬係覺得佢係扮出黎,唔想比機會我話佢,我都覺得自己諗法好矛盾。


複式洋房

積分: 408


發表於 20-7-3 20:51 |顯示全部帖子
bohtihc 發表於 20-7-3 10:48
條刺喺度拔唔走正常,我用咗5個幾月同C6再重新開始。原來無時無刻都會諗起佢點呃我,同個女人去邊度等.... ...

你有冇小朋友呀?而家有咩打算?其實我都用左4個月了,一樣,大家冇提,但係自己都係會諗起


複式洋房

積分: 408


發表於 20-7-3 20:58 |顯示全部帖子
gtr126 發表於 20-7-3 14:16
囡囡宜家10個月 你覺得還好
當小朋友去到1,2歲個時 屋企個個仲要乜都唔幫手 你會好崩潰

信任冇左就係冇左,其實我同佢都知道
我覺得佢只係為個囡留低。。。
好想知道佢諗咩,但係知道左又係唔係好事


複式洋房

積分: 408


發表於 20-7-3 21:03 |顯示全部帖子
littlefunpig 發表於 20-7-3 14:36
要離趁細個好過大個
而家BB對爸爸其實唔會有咩印象, 唔會有"由有到無既失落"
更何況主要照顧BB既人係你媽媽 ...

你講中左,我好似只係為咗拖耐少少,就算冇左感情都唔想冇左個老公、唔想單親。。。


複式洋房

積分: 401


發表於 20-7-3 21:06 |顯示全部帖子
Ashleymamii 發表於 20-7-3 20:51
你有冇小朋友呀?而家有咩打算?其實我都用左4個月了,一樣,大家冇提,但係自己都係會諗起
...

我有兩個小朋友,一個中學,一個小學。就算佢乜嘢都做得好好,自己心裡面都係懷疑佢,因為以前佢出軌時的隱藏都做得咁密。更何況現時有經驗呢?


複式洋房

積分: 408


發表於 20-7-3 21:07 |顯示全部帖子
Happyhoy8899 發表於 20-7-3 14:38
同一個冇感情嘅人再加上佢又有第二個。同呢種人分開唔好浪費自己嘅青春。有女兒唔一定要靠佢,可以有好多方 ...

原來男人變左心真係好明顯,就係係我身邊都覺得佢個心唔喺度。。。
我朋友話繼續拖可能令件事更差,但係要我而家放手我又怕自己後悔


複式洋房

積分: 408


發表於 20-7-3 21:12 |顯示全部帖子
smile888 發表於 20-7-3 14:50
趁後生就走啦,唔好嘥時間,既然你都可以養得起自己,點解唔放生佢同你自己,佢永遠都會係你個女既爸爸。
...

其實真係覺得好辛苦,同個囡一齊的時間都好啲,但係單獨對住佢就好似好生疏、無話可說咁,嗰種感覺令我覺得佢做既一切都唔係為咗我,淨係為咗個囡


複式洋房

積分: 408


發表於 20-7-3 21:13 |顯示全部帖子
ken145501 發表於 20-7-3 16:02
趁BB仲細,唔啱早啲分

到底男人又係點諗?一心為個囡就可以繼續?


大宅

積分: 1809


發表於 20-7-3 21:20 |顯示全部帖子

回覆樓主:

既然無感情 佢又出軌 我會揀離婚。


大宅

積分: 2080


發表於 20-7-3 21:23 |顯示全部帖子
Ashleymamii 發表於 20-6-23 11:23
基本上日日都會諗佢會唔會搵個女人
我一諗返之前check佢電話紀錄
只要佢一有時間就會打電話比個女人

睇到你個標題,我以為係我自己開左post..我仔都係十個月大。之前已經發現佢應該同一個女人有嘢。然後我自己最後都係問左佢。當然男人永遠都唔會承認自己對人有好感或者係鍾意人。
但從佢各種行為,其實都係話緊我知,佢對人的確有意思。佢之前都成日同我講佢好忙,但佢會抽時間打俾人傾電話,我失敗嘅位係我係佢老婆但我從來都好少打俾佢,因為我真係好怕自己煩到佢那怕有時我掛住佢好想打一打俾佢,佢嘅解釋係雖然忙,但佢大壓力唔開心所以都需要發洩,只係對像唔係我,係另一個女人。佢會對人講我嘅不是,我諗我做人老婆都做得好失敗。失敗到佢有嘢都唔想對我講。


大宅

積分: 2080


發表於 20-7-3 21:31 |顯示全部帖子
一嚿大番薯 發表於 20-7-3 21:23
睇到你個標題,我以為係我自己開左post..我仔都係十個月大。之前已經發現佢應該同一個女人有嘢。然後我自 ...

我因為呢個人嘅出現,沉左好耐,但佢無好好comfort過我,我喺街同佢拉扯其間佢話我令佢好無面,所以佢一直講好多粗口鬧我。同佢傾返佢仲叫我問下我啲男性朋友有無人會接受到咁。我叫佢問返佢嘅女性朋友,如果你講好多大話,喺第一下我同佢傾時又無好好解釋過呢個女仔嘅關係,然後仲講左有啲msg真係唔想俾我睇到,咁佢地會點。佢一句“我無女性朋友“,其實大家已經唔需要再傾落去了。佢要我問要我理解佢講粗口鬧我,但我要佢問下其他女人佢咁做又有無人會信佢,佢就咁。其實女性朋友,佢都喺出面識左一個。我唔信佢就話無信任就離婚。其實我個心已經唔想再講落去。


大宅

積分: 2080


發表於 20-7-3 21:39 |顯示全部帖子
一嚿大番薯 發表於 20-7-3 21:31
我因為呢個人嘅出現,沉左好耐,但佢無好好comfort過我,我喺街同佢拉扯其間佢話我令佢好無面,所以佢一直 ...

仔十個月大,但與其要我日日傷心同有條刺,我寧願灑脫啲勇敢啲向前行。的確,呢個世界無話無左邊個唔得。
最後,我用返佢對我常講嘅一句話,“我個世界唔係淨係得你一個“。消化完,佢啱的。世界好大,其實我地都應該充實返自己,為自己世界填返多啲色彩。我相信人生仍然美好,我相信我仍然可以認識到好多新朋友。
以前我太愛佢,愛到心真的只有佢一個,成日都會好掛住佢好愛佢,望住個仔覺得似佢個心都好甜。但當我發現原來佢都會對其他人有興趣時,佢忙碌時會想起人打俾人,會follow睇人啲嘢,就好似佢以前追我一樣,心就痛。
所以我都決定,將個心放返啲位出黎見識世界。


大宅

積分: 2080


發表於 20-7-3 21:47 |顯示全部帖子
一嚿大番薯 發表於 20-7-3 21:39
仔十個月大,但與其要我日日傷心同有條刺,我寧願灑脫啲勇敢啲向前行。的確,呢個世界無話無左邊個唔得。
...

有時諗返唔怪得佢早排成日聽某啲歌,而家諗可能當初佢沉左落去人地到時,歌詞好啱吧。我無後悔愛過佢,人生總要有啲經歷先會成長。試過先知咩人適合自己。你以為你好了解嘅人,原來其實自己一啲都唔了解。佢個心曾經有一絲分過俾人,我唔怪佢,或者人地真的好好,自己真的太差。錯的時間錯的人,只能怨大家緣份已盡。
我地做人媽媽,bb仲咁細,放多啲精力湊好佢,順便麻醉下自己分散下自己心情好過吧。
一齊加油呀!


複式洋房

積分: 408


發表於 20-7-3 22:27 |顯示全部帖子
一嚿大番薯 發表於 20-7-3 21:23
睇到你個標題,我以為係我自己開左post..我仔都係十個月大。之前已經發現佢應該同一個女人有嘢。然後我自 ...

一樣,我見到佢搵個女人傾咁耐就知道個女人喺佢心目中有一定嘅位置,只係佢唔肯承認!而佢同我從來都唔會咁樣傾電話,我問自己係咪可以同佢從新開始?其實真係好難,條刺永遠都拔唔走,大家都好了解大家性格,依家做任何野都好似好假好刻意,而我個心係冇停止過懷疑佢


複式洋房

積分: 408


發表於 20-7-3 22:28 |顯示全部帖子
一嚿大番薯 發表於 20-7-3 21:31
我因為呢個人嘅出現,沉左好耐,但佢無好好comfort過我,我喺街同佢拉扯其間佢話我令佢好無面,所以佢一直 ...

如果你離婚,有冇能力照顧個仔?


大宅

積分: 2080


發表於 20-7-3 23:59 |顯示全部帖子
Ashleymamii 發表於 20-7-3 22:27
一樣,我見到佢搵個女人傾咁耐就知道個女人喺佢心目中有一定嘅位置,只係佢唔肯承認!而佢同我從來都唔會 ...

心真係好痛。諗返之前坐月,我都好唔開心有些少抑鬱。我家姐姐夫關心我問我就講左少少。之後佢因為咁而同我鬧交,喺我仲坐緊月同生日正日當日,佢話我點解要同佢地講。我地鬧左一場交。最後,佢無氹我。係大家當無事。

今日,佢話佢有心事壓力大,我之前成日關心佢,叫佢有咩同我分享,我未必幫到佢但會喺佢隔離聆聽,但佢搵一個女人傾,互相關心,有嘢會第一時間諗住送俾人,又一直隱瞞我去add佢又要隱藏佢個身份。如果真係佢所講無嘢,其實又何必咁多隱瞞。其實,的確再問都無意思,問一百次佢都唔會認,佢對人有無嘢,其實佢自己問心就夠。


大宅

積分: 2080


發表於 20-7-4 00:06 |顯示全部帖子
一嚿大番薯 發表於 20-7-3 23:59
心真係好痛。諗返之前坐月,我都好唔開心有些少抑鬱。我家姐姐夫關心我問我就講左少少。之後佢因為咁而同 ...

我諗左好耐,我坐月時佢都無關心我情緒,仲覺得我點解要同姐夫講。到佢,我關心佢情緒,希望佢可以乜都對我講,但佢選擇同呢個女仔講,如果有得揀,如果掉返轉,唔知佢又會否寧願想我出面識一個男人秘密地傾而唔係搵屋企人傾呢?其實我知我唔夠佢講了,所以我只可以喺呢到,搵返些少安慰同自我肯定。
作為一個老婆,我應該做得好差,令佢想傾訴嘅時候都無諗起過我...
我多謝呢個女仔嘅出現,或者曾經令佢覺得快樂過。又令我再次認識到真實嘅佢。發覺原來佢都不是咁愛我。又認清左自己,原來太愛一個人,到最後係會好傷。係幾難釋懷架,但我無選擇。


大宅

積分: 2080


發表於 20-7-4 00:15 |顯示全部帖子
Ashleymamii 發表於 20-7-3 22:28
如果你離婚,有冇能力照顧個仔?

坦白講,我人工底,個仔咁細遲啲讀書又貴,我都好有困難。我啲積蓄已經無晒。之前請工人我都係用緊所餘無幾嘅積蓄。然後最近搬屋,有啲好少數我出左。其實我知佢係壓力大,我又知我好廢,所以多嘅俾唔到都想俾少少,幫得幾多得幾多。其實係好困難。不過慶幸嘅係我有娘家呢個強大後盾。我媽唔想我行呢一步但最後係點佢會支持我。之前我好想同佢好好地傾,但佢話過左就唔再講,講之後嘅安排。佢話俾間屋我地住,再有生活費俾個仔。但今日佢又話佢自己都唔夠要再諗點樣,其實人都係自私,我無得怨,我自己唔爭氣搵得少。不過以後我會努力。有手有腳,點都唔會死。當係一個磨練


複式洋房

積分: 408


發表於 20-7-4 15:53 |顯示全部帖子
一嚿大番薯 發表於 20-7-4 00:15
坦白講,我人工底,個仔咁細遲啲讀書又貴,我都好有困難。我啲積蓄已經無晒。之前請工人我都係用緊所餘無 ...

因為我老公出軌,我媽咪都唔鍾意我老公,但係又有邊個想個bb咁細就單親。我媽咪都冇講出口,但係我知道我要分開佢會支持我,隨時可以返去住,佢地都會同我一齊好好湊大bb,暫時我都觀察緊!唔知你有冇覺得有時對住佢,都覺得佢好假,因為愛我根本唔會傷害我,補救?改過?談何容易。。。好似玻璃打爛左就點痴返都有裂痕,一世的,我自問都係個疑心重既人,而家好似都係拖得幾耐得幾耐。。好多朋友過狠心d同佢分開,痛都係痛多一次,搵真正愛自己嘅人好過,如果我冇個囡,我一定分開左,但係生左個囡就要考慮多好多野,好怕自己決定錯


民房

積分: 20


發表於 20-7-4 17:38 |顯示全部帖子
回覆 小肥豆 的帖子

咁如果你覺得自己對個男人係無感情可以分就分開啦
佢又有第個女人
都無話益唔益咗人嘅
你自己同個女嘅感覺最重要
係你覺得自己一個人照顧bb搞唔搞得掂先?

首頁
34567...9

尾頁

跳至
你需要登錄後才可以回帖 登入 | 註冊