自由講場今日: 1051|主題: 1298952

收藏本版

發帖

返回列表

跳至頁

查看: 7404 | 回覆: 64

偷拍家長的無品老師！千字文！

12 3 4

Cheema

複式洋房

積分: 119

發表於 20-6-24 22:57 |顯示全部帖子

本帖最後由 Cheema 於 20-6-24 23:03 編輯

請廣傳！此人仲要教小朋友！唔好比小朋友去上佢堂

事件發生日期：2020年6月23日
時間：同日中午12:15分
簡介：文化傳承企劃的男老師偷拍坐於走廊上等接放學的家長，其後家長與管理處職員去問，死口不認，仲發爛渣！

以下係千字文詳細解釋：
詳情如下：
23/6 中午
星期二帶小朋友上畫畫堂，在走廊上等待小朋友落堂時，
見到走廊一角有突出有隻手渣住個電話（綠色電話殼）偷拍我連同另一個家長！
我地即時問：「係邊個偷拍？」
隨即我跑過去望，有個紅色衫身影落荒而逃，哇，真心驚係賊仔！
我即刻落管理處講，另一個媽媽繼續係課室門口等待。我向管理處講出我地的不安同驚嚇！我就收到另一位媽媽電話，見到同層18號單位的男人都係紅衫拎住綠電話返回佢自己的畫室！
（此男人一向都亂投訴其他租客，租客們都買佢怕）

然後我就同管理處職員上去問係唔係佢偷拍！
佢大大聲話唔係佢！話番我地誹謗佢，滋擾佢！
話要報警！我即刻話快d報警！
我叫管理處職員先落去睇cctv，冇左個管理員職員男人係度，
個紅衫男人繼續出黎破口大罵！蝦我地女人仔！
「你唔好走呀，你而家誹謗我呀！」
「你地滋擾我呀！」
跟手拎住個電話行過黎錄小朋友（我地小朋友已夠鐘落堂），行過黎兇我地！
話要報警告我地滋擾，告我地誹謗佢！
見到同聽到佢拎起電話話：「你好呀，呢度係駿業里8號⋯」
然後又走番入佢自己店內！未知佢是否有報警！
其後管理處打比我，check清楚就係佢企係走廊牆後鬼鬼祟祟拎起手機偷拍！
無！從！抵！賴！

跟住佢有學生上堂，我即刻同該家長簡述情況，因為我一直就等佢所謂報警的警察上門處理！
如果一陣有警察到場，嚇親佢小朋友就唔好，
該家長即刻帶小朋友落堂！
我係門外問該男人，唔係報左警咩？
一直沒有回應，大約十分鐘，佢就自行離開！
一直都冇警察黎處理，我地就帶小朋友離開！

其間不斷有其他租客問咩事，我地一直有係走廊講番咩事！
堂堂大男人偷拍呢d無恥行為都做得出，仲要唔肯認！同層其他女租客一定要好小心！

23/6下午
然後我立即於佢地facebook page留言宣揚該老師的惡行，
收到佢地公司的回應：「如你有證據證明老師偷拍，可報警處理，我方定必配合調查。但若非事實，你所說的言論為惡意中傷，我方要求你須公開道歉，而我們亦將保留一切追究權利。」
管理處咁多個鏡頭都影到你地老師鬼鬼祟祟企起牆後面舉起手機，仲想唔認？
期後3:30左右收到該公司女負責人facebook message我，想同我電話傾！
通話當中，佢重申男老師冇偷拍，佢冇禁到制錄影/拍攝。另外，都指出我地家長很激動，也導致佢呢位老師驚慌失措，亦向我地家長感到不安同受驚嚇致歉！重申想大事化小，想同租客（即我小朋友的畫畫老師和平共處），想我delete我在佢地專頁的不推薦留言。我話我再問埋另一個受驚家長意見再作打算！我個人接受該女負責人致歉，但我絕不推薦我身邊親朋戚友上呢位枉為人師男老師堂。

24/6
畫畫老師通知我，今日又有消防上去佢地個層巡查。
（補充：之前該男老師已有因為我老師的家長接送上下課，走廊等待等作出不耐煩警告，及報管處，報警，報消防）
該大廈管理處於11樓設多一位職員看守。

該枉為人師男老師7宗罪：
1）毫無誠信
作為老師，自己有做過的事，大大聲話無，擘大眼講大話！

2）毫無承擔
自己堂堂大男人，做錯事要公司女拍檔代佢向家長致歉，一d承擔都無！

3）砌詞狡辯
企係走廊鬼鬼祟祟拎起手機偷拍，最後砌詞狡辯自己無偷拍，因為根本冇禁制？
咁我跑過黎睇匿係牆後係咩人時，你做乜嘢心虛逃跑，仲要匿埋？

4）態度惡劣
我都唔明你憑乜野態度惡劣？就係因為你鬼鬼祟祟匿係牆邊企圖偷拍冇禁制，
所以可以「理直氣壯」？你本身行為已經係錯呀！仲有呀，你話你無影啫，who knows?
偷拍人地裙底個d咸濕佬擺左電話係人地裙底比人周到，又大大聲話冇禁制，係未冇問題呀請問？

5）撩事鬥非
想同周圍租客和平共處，唔係你咁樣郁d就投訴、報警、報消防、報食環架！
你嫌大家嘈，你不如搬去圖書館教畫啦！

6）內心醜惡
自己都教小朋友，唔夠我地兩個家長講，就去嚇我地的小朋友！
我係你d學生家長，我會好驚囉，你幾時又出去撩事鬥非，
人地又似你咁報復嚇我小朋友咁點算？

7）表裡不一
你間文化傳承企劃教人禪心，請問你邊忽禪心？

我係呢度公開呢間垃圾畫室的所有資料！
該男老師姓林，係公司負責人之一，合伙人之一，
奉勸各位家長切勿帶小朋友去呢間文化傳承企劃上堂！
關埋門你永遠唔會知發生咩事

其身不正的老師不配做老師！

請各位廣傳，比身邊所有家長朋友留意！
上緊堂既家長儘快取消堂數！

垃圾畫室
Fb: Art Connect and Communication 文化傳承企劃
地址：觀塘駿業里世貿大廈11樓18室

Ps 佢如果會回應，一定會話係我地老師放椅子出走廊比家長坐等放學係阻塞走廊，唔符合消防條例，佢之前已經call過消防，消防亦話只要有人係度就唔會構成阻塞走火通道！

Ps1 麻煩如果回應，即刻道歉同刪除一切拍攝我地小朋友的照片及影片！

Ps2 做得老師，好心你唔好咁無恥，明明有做都仲大大聲話冇！

Ps3 小朋友當場被嚇親，夜晚訓覺喊醒話驚壞人呀，你話做家長嬲唔嬲呀？

Ps4 23/6下午女負責人打黎道歉，仲以為你地有心解決事件，知錯，
但原來都仍然咬住我地老師唔放！係未想嚇我地，令我地唔敢去上堂？

私人傳訊