懷孕前後

跳至

首頁

尾頁
   1


複式洋房

積分: 418


發表於 20-7-1 05:50 |顯示全部帖子
貓仔小花 發表於 20-7-1 03:38
如果有能力的話,俾我揀多一次,我都會係私家生,除非你係孕期check到bb或孕婦有咩特別問題,在生既時間可 ...

其實我係諗住試吓順產先,同埋依個醫生係我第一次去私家醫院照超聲波嘅時候個媽媽介紹,咁啱佢係順產所以我相信佢並唔係我老公朋友口中所講,「唔想等開度數然後就話我要開刀」果一種醫生嚟,如果個醫生係咁嘅話果位媽媽就唔係順產而係開刀,加上私家生嘅話起碼個醫生係自己揀嘅,公立果啲真係係唔知咩人幫我接生,我同我老公講,唔知邊個醫生/助產士嚟接生嘅時候我有咩事唔緊要呀,最怕係整親個女,於是佢又轉返線比返我去私家,真係一場漫長而又幸福嘅戰爭,幸福係每日都感覺到bb 慢慢長大胎動嘅感覺越嚟越明顯,最煩就係老公原來是豬隊友


大宅

積分: 1400


發表於 20-7-1 09:50 |顯示全部帖子
本帖最後由 calbeexcalbee 於 20-7-1 09:54 編輯

產檢政府真係太流,一定要睇埋私家。

但揀生仔
其實私家政府都好
都係睇彩數

順產住兩三日,政府無乜所謂,都係辛苦一陣。留返8-10萬請陪月照顧自己一兩個月同買嘢補自己好過。


別墅

積分: 829


發表於 20-7-1 09:56 |顯示全部帖子
本帖最後由 ChingChing19 於 20-7-1 10:07 編輯
GoodLau 發表於 20-6-29 20:24
請問幾週會睇到胎盤血流?

12週已經見到,胎盤已經形成
照超聲波時,醫生可以用儀器督住條血管就見到血液流動,如果有阻塞 緩慢都會即刻知道


別墅

積分: 829


發表於 20-7-1 10:00 |顯示全部帖子
本帖最後由 ChingChing19 於 20-7-1 10:03 編輯
1201Lemon 發表於 20-7-1 05:50
其實我係諗住試吓順產先,同埋依個醫生係我第一次去私家醫院照超聲波嘅時候個媽媽介紹,咁啱佢係順產所以 ...

我有啲朋友係公立擁躉,成日對私家醫生有偏見,覺得私家醫生唔會接順產,一定係鼓勵開刀,咁就錯,大把人都係在私家順產的

我有朋友在公立生,明知本身個胎過輕有問題,順產無力生,轉緊急開刀,大量出血,輸左好多血,佢仲好感恩喺公立生,話如果喺私家生無咁多血輸俾佢。傻啦,唔通私家醫院就會無血庫!?

我在私家開刀之前,醫生已經講明為我驗血及預留左血包,最後手術非常順利,亦不用輸血,傷口好快就好返唔痛,埋得靚


複式洋房

積分: 418


發表於 20-7-1 10:25 |顯示全部帖子
ChingChing19 發表於 20-7-1 10:00
我有啲朋友係公立擁躉,成日對私家醫生有偏見,覺得私家醫生唔會接順產,一定係鼓勵開刀,咁就錯,大把人 ...

我阿媽咪咁嚇我老公囉...話私家醫院無血庫,有咩事嘅時候都係送返去公立,我老公又信


大宅

積分: 3284


發表於 20-7-1 10:44 |顯示全部帖子
黎緊第二胎都係公立生,不過兩胎都係公私兩邊做產檢直到生...只可以講公立生自己要跟得緊,有咩就叫私家寫紙比你帶返去公院比產檢時比姑娘/醫生,上一胎好順利冇咩問題我都覺公立係流流地,今胎初期健康院量血壓兩次都高都即彈左我返醫院,醫院第二日已經叫我返去抽血睇下問題係邊...比醫生跟產檢跟到生..私家照到做結構都話胎盤低,可能後期會升返上去,寫信比我帶返公立醫院,醫生會比個期孕後期照多次。公立第一胎生完好好彩產前產房同產後都好好。


洋房

積分: 47


發表於 20-7-2 19:46 |顯示全部帖子
honeybid2 發表於 20-6-27 16:35
額唔額外係角度問題。等於喺外國,全民退休金係基本,喺香港就叫「額外」。超聲波咁基本既野,喺香港咁富 ...

又唔能夠這樣說,英國既市民都交多稅過香港,英國醫院大肚婆陣痛如果未開夠7度都叫你反屋企


大宅

積分: 4104

2020勳章


發表於 20-7-2 20:32 |顯示全部帖子
Ravenlok 發表於 20-7-2 19:46
又唔能夠這樣說,英國既市民都交多稅過香港,英國醫院大肚婆陣痛如果未開夠7度都叫你反屋企
...

你查吓香港庫房有錢過英國庫房幾多倍...


男爵府

積分: 5388

2020勳章


發表於 20-7-4 23:23 |顯示全部帖子
有能力淨係私家都得啦 仲要去政府浪費時間 又做埋啲陳年oscar又唔準 浪費時間 無budget就焗住揾政府


大宅

積分: 2639


發表於 20-7-5 03:43 |顯示全部帖子
Miss.Number5 發表於 20-6-27 12:51
不知不覺自己已經係23W媽媽。
自己發覺懷孕時係4W左右。到5W時出現流啡, 孕初期時常進出急症室。
而孕初期 ...

想問你睇邊個醫生?想找個無咁hea的(emoji)


複式洋房

積分: 354


發表於 20-7-5 10:59 |顯示全部帖子
Carmen8080 發表於 20-7-4 23:23
有能力淨係私家都得啦 仲要去政府浪費時間 又做埋啲陳年oscar又唔準 浪費時間 無budget就焗住揾政府
...

有能力都要睇下幾多「能力」。
如果無限筆直,當然私家產檢私家生,比錢買享受。
不過普通基層, 產檢800-1200, 私家生又7萬幾(仲要千奇唔好有黃或其他病要留院),
唔係個個負擔到。
我個人都想去私家生, 但同先生唔算有錢, 留返5,6萬 請陪月買補品 會好D。


複式洋房

積分: 354


發表於 20-7-5 11:02 |顯示全部帖子
ivy067 發表於 20-7-5 03:43
想問你睇邊個醫生?想找個無咁hea的(emoji)

已PM你
不過婦產醫生都係人夾人。我只代表自己個人意見
唔會有媽媽比較到唔同醫生 (除非真係差到轉幾個或生左幾胎)


大宅

積分: 1408

2020勳章


發表於 20-7-5 12:16 |顯示全部帖子
Carmen8080 發表於 20-7-4 23:23
有能力淨係私家都得啦 仲要去政府浪費時間 又做埋啲陳年oscar又唔準 浪費時間 無budget就焗住揾政府
...

咁又唔係咁講,我會私家開刀生,私家產檢做足哂,但同時我都去哂所有政府產檢, 政府係好hea, 如果撞到見junior 醫生仲差,但一日未到開刀個曰我都唔可以100%肯定會唔會有意外要搞到返公立生,例如早過34wks, bb or mummy突然有咩事私家唔收等,為咗保障BB同我,我會去公立keep定所有record


複式洋房

積分: 228


發表於 20-7-5 23:29 |顯示全部帖子
honeybid2 發表於 20-7-2 20:32
你查吓香港庫房有錢過英國庫房幾多倍...

咁庫房既錢亦唔係只用係醫療方面
無記錯,香港最大稅收來自賣地、買賣印花稅,市民交既稅率確確實實係低



複式洋房

積分: 228


發表於 20-7-6 02:26 |顯示全部帖子
珍惜眼前 發表於 20-7-1 10:44
黎緊第二胎都係公立生,不過兩胎都係公私兩邊做產檢直到生...只可以講公立生自己要跟得緊,有咩就叫私家寫 ...

我兩胎都係公立醫院生,仲係網評最差既屯門醫院,但係我自己既經歷入面,屯門醫院都好好

兩胎相差8年幾,覺得而家健康院同屯醫既服務好左,確實係改善左。第一胎乜都唔識,淨係返健康院檢查同出面照結構,託賴bb順利出世健健康康!第二胎因自己年紀大左,健康院同私家檢查都有做,做埋nifty pro同照結構,呢兩份報告我都照比健康院keep copy。因照結構照到有纖維瘤,健康院refer我去屯醫跟進。到屯醫登記約產檢同交排板,當日下午婦產科已經覆我,醫生想約我照超聲波先,亦好快比到時間我,到之後無其他特別野我返去健康院產檢,而屯醫婦產科另外比期照超聲波睇住纖維瘤狀況。


複式洋房

積分: 228


發表於 20-7-6 02:26 |顯示全部帖子
kskscc 發表於 20-7-6 02:26
我兩胎都係公立醫院生,仲係網評最差既屯門醫院,但係我自己既經歷入面,屯門醫院都好好

兩胎相差8年幾, ...

到生⋯⋯係產房大痛既時候,都多得姑娘既鼓勵,唔到仲會幫我按摩舒緩,雖然無笑氣聞但都有止咳針打。
一間產房兩張床位⋯⋯大部分時間都有2個姑娘係度當值,佢地會同你傾下計、關心下你咁
生完住夠24小時走人埋單$175,在於我自己絕對收貨。

負擔到既當然私家最好,服務、環境絕對係好

但公立醫院亦唔係想像中咁差,其實公立醫院助產士經驗絕對豐富⋯⋯試諗下佢地一日要接幾多個B出世
對比第一胎,感覺上人手多左,係產房、產後房期間,多左姑娘、姐姐黎睇你,關心你既情況


公爵府

積分: 27757

2020勳章


發表於 20-7-6 06:57 |顯示全部帖子
1201Lemon 發表於 20-7-1 10:25
我阿媽咪咁嚇我老公囉...話私家醫院無血庫,有咩事嘅時候都係送返去公立,我老公又信
...

如果bb出世要住院,政府係最好的,除非你好有錢,同埋私家無nicu,所以私家唔接早產
私家係接d好穩陣既case
至於順產定開刀,睇個別醫生
有d 只會接同鼓勵開刀,因為快,唔洗等你作動,預到時間


大宅

積分: 3284


發表於 20-7-6 07:11 |顯示全部帖子
kskscc 發表於 20-7-6 02:26
我兩胎都係公立醫院生,仲係網評最差既屯門醫院,但係我自己既經歷入面,屯門醫院都好好

兩胎相差8年幾, ...

本帖最後由 珍惜眼前 於 20-7-6 07:18 編輯

都係屯院。18年生完大仔都因為陀住時發現水瘤,醫院生完到出院都有比返個期我返去再照再跟
其實公私家遇到好唔好都睇彩數....環境就肯定好,我仔今年年頭6點幾翻燒到39.x 即刻揸車去最近港安,姑娘都幾好,但遇到個醫生就真係麻麻...醫生建議做流感測試,做完報告返中左普通流感!我同仔住左三日兩夜...個醫生竟然冇開感冒藥比我仔,到我發現都第二日,追左姑娘同醫生足足一日第三日臨出院朝早先開感冒藥比我仔食


複式洋房

積分: 228


發表於 20-7-7 01:14 |顯示全部帖子
李露眉 發表於 20-7-6 06:57
如果bb出世要住院,政府係最好的,除非你好有錢,同埋私家無nicu,所以私家唔接早產
私家係接d好穩陣既case ...

本帖最後由 kskscc 於 20-7-7 01:15 編輯

私家車醫生接好穩陣既case呢句係真

我朋友陀孖胎,佢係有早產風險,佢好想係私家生,反而個私家醫生好積極勸佢去公立醫院,因嗰邊設備完善啲,亦有NICU同埋公立醫院有豐富嘅經驗


複式洋房

積分: 228


發表於 20-7-7 01:29 |顯示全部帖子
珍惜眼前 發表於 20-7-6 07:11
本帖最後由 珍惜眼前 於 20-7-6 07:18 編輯

我都係屯院。18年生完大仔都因為陀住時發現水瘤,醫 ...

第一胎2011年⋯雙非尾
第二胎就係今年5月

第一胎陀住見到有水泡,婦產科都安排多兩次照超聲波,確實見個水泡漸縮細先唔使再返去照

想當年,不論產前、產房、產後房均十分繁忙,但你有疑問,姑娘都會盡力解答,仲好記得夜晚餵奶唔識掃風,出左護士站問,佢地一樣會教你,仲同護士、姐姐吹下水,嗰刻難得佢地可以稍作休息


首頁

尾頁

跳至
你需要登錄後才可以回帖 登入 | 註冊