本帖最後由 858D 於 20-7-3 12:07 編輯
gtr126 發表於 20-7-3 09:32
老公脾氣好大 拍拖時候都已經大 不過以前都仲肯傾、商量。
但婚後加囝囝岀世後 發脾氣變成習慣
而且每次都 ...
妳講5,6個鐘,佢都唔同妳講嘢,咁樣唔係交流。我估計佢係5、6個鐘嘅開始冇耐時已經收咗耳躲冇聽妳講嘢。
我估,如果畀我,我以後都唔會白費我口水同佢用同樣方式表達自己。會好好唸下有冇其他不同的表達方式。一定會試下一句起,兩句止的濃縮內容溝通方式,再睇下佢反應如何。然後再適當地修改向他表達自己的溝通方式。
長期發脾氣,對妳精神情緒打擊都好大。為了保護好妳自己的情緒,精神健康,妳還是學會哪些不說的話,因為一說他就會生氣。
例如,我知道我前夫最討厭我一開口回佢就講:「唔係、、、、」咁來否定佢講嘅嘢之後,我刻意改變我這來自原生家庭的習慣,改口用「係、、、」「我同意你、、、、」
跟住,我有學會我前夫最討厭我用「但係、、、、」又話我否定佢,睇少佢。於是我又刻意改口,唔用「但係、、、」要改口用「唔知你有冇機會唸過嗰方面嘅情況出現呢?」
我要一開口就讚佢,睇得起佢嘅內容,同佢講嘢要好似同好小氣嘅老世講嘢咁氹佢。要做被動,佢冇問我,我唔可以講自己意見即是嗰樣嘢係我都有份承受結果嘅。佢有問我才有答。佢搞到出問題,我才默默用我自己的方法去搞翻掂。佢見我搞翻掂,無得畀佢話,亦舒緩佢嘅情緒。
Love is when the other person’s happiness is more important than your own ~ H. Jackson Brown