夫婦情感

跳至

首頁

尾頁
   11


複式洋房

積分: 309


發表於 20-7-14 11:57 |顯示全部帖子
上個月確認左老公有第三者,雖然他到而家仍死口不認有這個人,但跟電話記錄,他常跟另一個女人聯絡,像隔天他會跟這女人聯絡。我其實很早感覺有事,但我有要照顧囡同個仔,我無好有警覺性。

睇通話記錄,我相信老公係我發現之前係想去斬覽,所以好快,我發現左之後,已經無再搵個女人。我都嘗試去做啲野去改變我們的關係,俾多時間陪佢同照顧佢多啲。


複式洋房

積分: 309


發表於 20-7-14 11:59 |顯示全部帖子
lav2011 發表於 20-7-14 11:57
上個月確認左老公有第三者,雖然他到而家仍死口不認有這個人,但跟電話記錄,他常跟另一個女人聯絡,像隔天 ...

佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好再提呢件事,我不自覺會去想,去幻想,去比較,佢同呢個女人係點,呢個女人有什麼好過我,佢每個反應,係咪仲有唔捨得佢。繼而我的說話會挑佢機,佢跟住就會好嬲。

有什麼方法可以忘記呢件事…………………..


大宅

積分: 2277


發表於 20-7-14 13:40 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...

只有時間才可以抹走陰影,如果佢真心改過,你自然會feel到,不用急!慢慢比時間自己和c6


大宅

積分: 2742


發表於 20-7-14 13:43 |顯示全部帖子
控制自己,控制自己,控制唔到都要控制自己(重要嘅事講三次)
諗咁多,講咁多做乜?
你人生唔值得浪費時間諗無謂野
依一世都唔會有答案
諗黎做乜?
你老公隻字不提死口唔認就係想保住頭家
佢已經知錯
你再提就係唔放過佢
佢未必會繼續愧疚


珍珠宮

積分: 30075


發表於 20-7-14 13:44 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...
即是話你心中有條刺, 拔唔拔得走, 就睇你自己既接受程度, 有D野, 呃到全世界, 但呃唔到自己


別墅

積分: 798


發表於 20-7-14 13:47 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...

我同你一樣心入面有條刺,有時睇電視見到相關劇情又會隱隱作痛,好難過,時間可能會撫平傷口,但依然會有疤痕,這疤痕只可當作磨練及經歷,要忘記真係好難,只可令自己淡忘


大宅

積分: 2080


發表於 20-7-15 23:18 |顯示全部帖子
lav2011 發表於 20-7-14 11:57
上個月確認左老公有第三者,雖然他到而家仍死口不認有這個人,但跟電話記錄,他常跟另一個女人聯絡,像隔天 ...

我都好想知道點先可以跳出呢個深淵... 其實我老公話對人無嘢,仲會話係我諗得複雜。但係從佢行為上,連佢自己都解釋唔到點解會搵呢個人傾訴,會想送啲扣針俾人...打俾人,我說服唔到自己佢真係無嘢... 每日都無限loop無限輪迴。

我都好憎自己點解要咁樣虐待自己,貶低自己價值,一直去比較佢過往點對我好同而家又點,比較佢點忙都會打俾佢但佢其實除左同我拍拖之外,都無再得閒打俾我了...扣針無諗過送俾我但會送俾佢,fb唔會add我但會add佢,會有興趣睇人啲相但佢已經無再睇有關我嘅嘢...會同人傾心事但同我只談政治

我好痛...好想喊,我地只係結婚兩年幾,但我仲可以點..


大宅

積分: 2080


發表於 20-7-15 23:32 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...

我老公都一樣,那怕我仲未平伏到唔開心,佢會覺得唔耐煩 覺得我go too far..或者我的確太敏感細膩,但我已經盡力迫自己快啲無事快啲開心返。只係佢覺得我咁樣都令佢好辛苦。其實發生事到而家只係一星期,佢覺得我諗多左所以無咩值得唔開心..佢覺得大家如果咁再一齊都無乜意思... 佢話愛係包含原諒,佢覺得我無,其實如果無原諒今日都唔會再走返一齊,只係之後要建立返信心真係需要時間..但佢就覺得我over左吧

或者佢啱嘅,的確係大家都痛苦..
我都想做返以前笑點極低嘅我,一個沒頭沒腦大情大性嘅一個人..不過談何容易..我努力緊只係佢連俾我努力嘅時間都唔俾


複式洋房

積分: 309


發表於 20-7-15 23:36 |顯示全部帖子
一嚿大番薯 發表於 20-7-15 23:18
我都好想知道點先可以跳出呢個深淵... 其實我老公話對人無嘢,仲會話係我諗得複雜。但係從佢行為上,連佢 ...

本帖最後由 lav2011 於 20-7-15 23:37 編輯

加油啦,好明白你感受,其實出post之前同老公嘈左場大交,但縱使佢唔認,但我覺得佢知錯。佢問我係咪就算錯原諒佢一次都唔可以。

所以我決定好似大家講,要控制自己,諗下自己其實有乜野吸引到佢,學下啲新野或一直想做嘅嘢,雖.然我要照顧仔女,但我趁佢地訓覺同抽一天出來學自己鐘意嘅野同做運動,呢排多減價,買過啲新衫,轉下look, 希望可以想少啲。自己在死胡同,好難出得返來。

希望可以過埋呢個月好啲。


大宅

積分: 1131


發表於 20-7-15 23:37 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...



子爵府

積分: 13608

2020勳章


發表於 20-7-16 03:59 |顯示全部帖子

回覆樓主:

本帖最後由 mcs74 於 20-7-16 04:00 編輯

你地有仔有女,你咩都好,但一定少左d新鮮感,既然你選擇和好,佢又回家,唯有自己忍下口咁先改善到大家感情。女人有苦自己知就算,忍唔到就上網傾訴下,唔好同身邊人提了。


別墅

積分: 507


發表於 20-7-16 08:11 |顯示全部帖子
我都明白您,因為我都有一樣既經歷,我都想自己放開心扉,因為老公始終返屋企,。
始終佢揀左頭家。
旦我個心仍然會諗,點解我咁錫大家既仔囡,日日湊住小朋友,連午餐都4點先食,點解,連電視,電話都唔等閒㩒開,旦佢仍然有心有時間同人玩what apps,關心人頭髮染咩色。食左午飯未,悶唔悶。。。。etc...仲send 相比我老公同佢講佢做緊啲咩。。。
一諗起,我個心再有被挖空,手指麻痹,心很疼既感覺。。。


複式洋房

積分: 401


發表於 20-7-16 12:24 |顯示全部帖子
lav2011 發表於 20-7-14 11:57
上個月確認左老公有第三者,雖然他到而家仍死口不認有這個人,但跟電話記錄,他常跟另一個女人聯絡,像隔天 ...

我想大部份女人都好難做到放低,就算話放低少少都好難。每日不停發掘新問題check破綻,真係好攰。即使佢跪喺度認錯,我自己都唔會百分百相信佢真心悔改。經常湧現佢同小三嘅情景、對話,好自虐好痛心


複式洋房

積分: 309


發表於 20-7-16 12:42 |顯示全部帖子
bohtihc 發表於 20-7-16 12:24
我想大部份女人都好難做到放低,就算話放低少少都好難。每日不停發掘新問題check破綻,真係好攰。即使佢跪 ...

是的,我今日想起剛發現上個月有一日有個電話打俾老公,佢開左speaker無出聲,星期六佢俾我睇通話記錄,我見唔到那個電話record. 跟住我再用電話試,發現如果打133, 那個電話係唔會show 係statement 度。

即係如果佢地用133聯絡加delete whats app, 我係睇唔到。

其實我都係覺得人都癲....


複式洋房

積分: 309


發表於 20-7-16 12:52 |顯示全部帖子
lav2011 發表於 20-7-16 12:42
是的,我今日想起剛發現上個月有一日有個電話打俾老公,佢開左speaker無出聲,星期六佢俾我睇通話記錄,我 ...

好似我check 得好癲,因為我見過那個女人張相,我覺得佢係玩家,做慣第三者,我驚係佢教我老公。



大宅

積分: 2080


發表於 20-7-16 12:56 |顯示全部帖子
lav2011 發表於 20-7-15 23:36
本帖最後由 lav2011 於 20-7-15 23:37 編輯

加油啦,好明白你感受,其實出post之前同老公嘈左場大交, ...

同你一樣,發生事後大家斷斷續續咁嘈過好多次,佢都係一樣,覺得點解我份愛無包含原諒..但其實我唔係唔原諒,只係一時半刻我仲未消化得到,佢未必會理解點解我咁大反應,或者我之前一直覺得自己喺佢心中係好特別,佢會為我做好多嘢嘅人,覺得佢唔似其他男人,但原來佢都唔例外,亦一樣會咁對其他女仔...

我努力緊控制自己情緒,我都好想以前簡單開心嘅我快啲返黎.. 不過真係需要啲時間..或者其實係我對自己失去信心,覺得我唔再吸引到佢,所以先更加灰。

不過我會開始為自己而活,唔再將全部心思都只放喺佢到了..


別墅

積分: 840


發表於 20-7-16 22:05 |顯示全部帖子
lav2011 發表於 20-7-16 12:52
好似我check 得好癲,因為我見過那個女人張相,我覺得佢係玩家,做慣第三者,我驚係佢教我老公。

我唔係好明,你岀post問人點樣可以忘記,又形容你老公刻意唔提,又好似想斬纜。
同時你又不斷私家偵探上身,咁其實你想忘記丫?定想發大佢呢?
你如果執意於因為老公做錯事,所以要硬食你check電話,剝奪私隱呢。咁不如離婚啦,我睇唔到你想挽救。唔好得寸進尺。你老公想唔想挽救,你無理由感覺唔到。
病向淺中醫,大家都唔想散嘅。就真係大家俾條路大家行。現實生活,唔係拍電視劇呀。
再者,過來人經驗: check電話,係無用嫁。佢真係有心要玩,岀多部電話,有幾難呀?女人,清醒啲!你要做嘅,係增值自己,等佢想返屋企,等佢唔可以失去你。


男爵府

積分: 7676

熱血勳章


發表於 20-7-16 22:48 |顯示全部帖子
lav2011 發表於 20-7-14 11:59
佢一直無認有呢個女人,佢亦都盡量將佢的私隱俾我知如電話密碼,電話月結單,同我CLOSE左。我同自己講唔好 ...

事件過了已一年多。。日常就同無事發生過一樣 。
但心入面始終都真係有條刺。。我成日同自己講。。浪子回頭金不換。。聖人都會犯錯。。但係始終都係會時不時唸起。。仲會間中發悪夢。。但而家小朋友仲細。。好需要亦好癡爸爸。。我吳想就咁放棄。。唯有去學。。放下。。
有長輩同我講。。與其一個人。。不如多個人邦自己手。。咪當隊友囉。。
的確。。當自己對佢感情淡啲。。就無噤痛。。久而久之就無噤在意。。


男爵府

積分: 5784

2020勳章


發表於 20-7-16 22:48 |顯示全部帖子
事實真係矛盾!

-面好想放下,但另-面卻常想起!

不是不想原諒,但就是控制不到自己!

正正是這麼的 折磨!


複式洋房

積分: 309


發表於 20-7-16 23:35 |顯示全部帖子
約會空姐 發表於 20-7-16 22:05
我唔係好明,你岀post問人點樣可以忘記,又形容你老公刻意唔提,又好似想斬纜。
同時你又不斷私家偵探上身 ...

同意,但真係要控制得到,我而家學下其他嘢希望可以散下心,順路增值自己

首頁

尾頁

跳至
你需要登錄後才可以回帖 登入 | 註冊