吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 最後決定放過大家..

夫婦情感今日: 42|主題: 42417

收藏本版

發帖

返回列表

跳至頁

樓主: 一嚿大番薯

最後決定放過大家..

1 234 5...9

Pianocake

大宅

積分: 3238

發表於 20-7-18 21:55 |顯示全部帖子

樓主你每月都唔夠俾開支仲要講面子？面人人都想要，但都要睇實際情況，你根本半層樓都供唔起仲死撐，其實賣樓分錢對你最好。

私人傳訊

一嚿大番薯

大宅

積分: 2224

發表於 20-7-18 22:00 |顯示全部帖子

simpleAA 發表於 20-7-18 20:28
回覆一嚿大番薯的帖子

希望你諗清楚，錢唔好唔要，你曾經覺得自己好乞衣，即係佢都唔想比你，況且你話佢 ...

計劃下自己條數，點可以維持自己同個仔生活，先再搵佢傾，佢都好識計數，第二次已經講好如果我供返佢叫我自己搵銀行搞返啲供款。我承認我自己都好硬頸唔衰得，唔想佢睇死我搞唔掂，所以今次我自己點撲都好問銀行借都會供返一半層樓。生活費我諗佢點都會俾些小，佢都錫個仔嘅。不過真係要搵佢傾，只係我而家怕左再傾，好怕一見到佢又用啲唔耐煩嘅樣望住我。我而家可以唔喊都唔會再喺佢面前喊，我到呢刻都覺得自己好乞兒。好似無論我有幾傷心點喊，佢都無反應。我係好硬頸，所以我都唔想佢同情我好似施捨俾我咁。大家可能會覺得我好傻，但對我黎講呢樣係我僅有嘅尊嚴。

私人傳訊

ManyanChun_FB

大宅

積分: 4026

發表於 20-7-18 22:06 |顯示全部帖子

一嚿大番薯發表於 20-7-18 14:15
發生事之後，大家嘈嘈吵吵，發覺件事已經唔再只因為第二個女人嘅出現。或者佢令我明白到其實大家真的再走不 ...

樓主加油啊，勉強無幸福啊，重新上路啊，祝一切順利啦，保重身體

私人傳訊

一嚿大番薯

大宅

積分: 2224

發表於 20-7-18 22:11 |顯示全部帖子

Pianocake 發表於 20-7-18 21:55
樓主你每月都唔夠俾開支仲要講面子？面人人都想要，但都要睇實際情況，你根本半層樓都供唔起仲死撐，其實賣 ...

其實係嘅，你話得我啱。我都唔知自己咁執著為乜。執著的確可以累死自己。

可能呢個家，係我一直好憧憬嘅，我地由結婚租樓，我已經一直心儀呢個屋苑，然後一直好想同佢可以真係組織一個家，到最後終於買到，可以有個家落腳唔洗再租人地方住咁無歸屬感。之後裝修揀色揀傢俬，全部事我都好期待。到裝修好覺得好開心。所以我好唔捨得呢個屋企。我承認我太執著。

其實你講得啱，只係搬黎幾日已經發生呢件事，所以其實個感覺都已經變左質。我留戀黎都無意思。又或者我仲好鍾意呢個人，覺得係同佢一齊建立嘅唔想未住夠就賣。所以我仲好執著。時間或者幫到我，可能有日我會頓悟。

私人傳訊

一嚿大番薯

大宅

積分: 2224

發表於 20-7-18 22:19 |顯示全部帖子

ManyanChun_FB 發表於 20-7-18 22:06
樓主加油啊，勉強無幸福啊，重新上路啊，祝一切順利啦，保重身體

多謝你呀，勉強無幸福，呢句好適用於我。所以我都的起心肝唔再勉強大家。諗返其實事發時佢話自己衝動講離婚，到上次今次冷靜過後都係覺得唔work話要分開生活..其實我都要放過佢放過自己。而家諗返上次佢又講離婚我仲夾硬攬埋去當無事，就覺得自己好白痴好乞兒。人地已經三番四次raise out左問題，覺得其實行唔到落去我仲死lur..好。
勉強無幸福，的確啱。我會重新上路呀多謝你呀

私人傳訊

ManyanChun_FB

大宅

積分: 4026

發表於 20-7-18 22:22 |顯示全部帖子

一嚿大番薯發表於 20-7-18 22:19
多謝你呀，勉強無幸福，呢句好適用於我。所以我都的起心肝唔再勉強大家。諗返其實事發時佢話自己衝動講離 ...

傻豬，唔好諗咁多啦，個個都緊會有迷失嘅時候㗎，最緊要唔好再錯落去，要搵返自己呀，唔係盞俾人睇唔起呀，我哋呢度成班姊妹都會支持你㗎

私人傳訊

一嚿大番薯

大宅

積分: 2224

發表於 20-7-18 22:36 |顯示全部帖子

ManyanChun_FB 發表於 20-7-18 22:22
傻豬，唔好諗咁多啦，個個都緊會有迷失嘅時候㗎，最緊要唔好再錯落去，要搵返自己呀，唔係盞俾人睇唔起呀 ...

多謝你

迷失過後，我今次真心醒喇。我會諗好安排，搵好律師了。估唔到平時睇得bk多，今次到自己係主角

我早幾日仲白痴到買左啲性感內衣呀其實，而家掉得。

我會加油啦多謝你

私人傳訊

ManyanChun_FB

大宅

積分: 4026

發表於 20-7-18 22:37 |顯示全部帖子

一嚿大番薯發表於 20-7-18 22:36
多謝你迷失過後，我今次真心醒喇。我會諗好安排，搵好律師了。估唔到平時睇得bk多，今次到自己 ...

叻女

私人傳訊

simpleAA

伯爵府

積分: 15114

2024年龍年勳章牛年勳章

發表於 20-7-19 00:38 |顯示全部帖子

本帖最後由 simpleAA 於 20-7-19 00:39 編輯

一嚿大番薯發表於 20-7-18 22:00
計劃下自己條數，點可以維持自己同個仔生活，先再搵佢傾，佢都好識計數，第二次已經講好如果我供返佢叫我 ...

不如你搵律師傾下，問下律師可以爭取幾多，呢啲人唔使同佢客氣，爭取到幾多就幾多，你唔係乞衣，係你同個仔應得嘅，記住層樓盡量唔好賣，賣咗你得一半住邊

私人傳訊

善宜

子爵府

積分: 10717

發表於 20-7-19 01:00 |顯示全部帖子

一嚿大番薯發表於 20-7-18 14:53
多謝你，我會好好計劃自己以後嘅路。

另外請問有無有經驗嘅jm可share平價律師搞離婚？因為佢叫我自己搵， ...

我四年前嘅離婚律師大概4000左右，唔知依家有冇加價

私人傳訊

lav2011

複式洋房

積分: 311

發表於 20-7-19 01:26 |顯示全部帖子

我覺得個仔佢是有份養，收佢錢好合理，你不用唔好意思，只是我覺得你們都是意氣當中，我真係唔太覺得佢好想離婚，雖然佢提，佢只是愛自己多過愛你，或者是唔夠愛你，先至會好幸苦。

不過無論如何，你加油，一個女人要帶小孩，要返工，其實係唔易，加上小朋友仲好細。

私人傳訊

free2020

侯爵府

積分: 23797

發表於 20-7-19 01:43 |顯示全部帖子

一嚿大番薯發表於 20-7-18 14:25
其實嗰次佢都已經提出左大家都辛苦想冷靜，係我自己唔爭氣死纏。今日，我靜落黎，認同佢。

我好少喺到開po ...

你好叻，做人最緊要撇脫，放過別人、放過自己，重新生活先係最重要

私人傳訊

一嚿大番薯

大宅

積分: 2224

發表於 20-7-19 02:09 |顯示全部帖子

善宜發表於 20-7-19 01:00
我四年前嘅離婚律師大概4000左右，唔知依家有冇加價

唔該晒。原來都咁貴，我仲以為可以有平啲。

私人傳訊

一嚿大番薯

大宅

積分: 2224

發表於 20-7-19 02:32 |顯示全部帖子

free2020 發表於 20-7-19 01:43
你好叻，做人最緊要撇脫，放過別人、放過自己，重新生活先係最重要

多謝你讚我。我就係之前唔識灑脫，所以先一次又一次以為大家可以無事。或者係明知唔係真係無事但我都死唔想放手。發生事之後，佢衝動又好冷靜又好都提過好多次離婚，但我都依然痴返埋去，唔開心完仲要俾佢用啲唔耐煩嘅態度語氣怪我自己拎黎煩。被佢講成我放大件事唔識原諒唔夠愛... 或者因為我太鍾意佢唔捨得佢。所以我先搞成今日咁。

今日或者係我小心眼，我自己多疑所以問左佢一個問題。但我諗其實佢都無需要咁大反應話我令到佢好辛苦，然後好認真地同我講，佢唔係我想要嘅人，我都唔係佢要嘅人。又話大家好難再落去，我問佢想點佢話大家分開生活一年。

私人傳訊

一嚿大番薯

大宅

積分: 2224

發表於 20-7-19 02:43 |顯示全部帖子

free2020 發表於 20-7-19 01:43
你好叻，做人最緊要撇脫，放過別人、放過自己，重新生活先係最重要

本帖最後由一嚿大番薯於 20-7-19 03:33 編輯

佢話我唔夠愛，所以無包容無原諒。咁佢呢？佢又有包容過我嘅唔開心同不安感嗎？佢一次又一次話我份愛其實唔係愛，話我唔夠愛佢所以先要拎黎唔開心同無信任。佢其實何嘗又對我有包容過。淨係怪我放大件事，淨係對我講佢唔係嗰啲會一直氹我嘅男人。其實我從來無要佢係咁氹我，我只係想佢喺我呢段時間可以理解我多啲，同釋除我疑慮。其實依佢話我唔夠愛，咁佢又有幾愛。佢把尺又係點...

或者我都樣衰夠。佢搵人傾心事或者我要理解。佢整瘀我講粗口我都要明白係我令到佢咁激動。之後佢道歉我就要收口唔提先為之好..佢無錯，只係佢要嘅嘢我做唔到吧。

私人傳訊

free2020

侯爵府

積分: 23797

發表於 20-7-19 02:53 |顯示全部帖子

一嚿大番薯發表於 20-7-19 02:43
佢話我咁夠愛，所以無包容無原諒。咁佢呢？佢又有包容過我嘅唔開心同不安感嗎？佢一次又一次話我份愛其實 ...

一個將唔好既事都推女方身上既男人，一早應該放下，佢唔值得擁有你，有時候一段婚姻，一個男人永遠比唔到安全感個女人，咁問題一定係個男人身上（當然撇除多疑女人亂諗外），如果男人珍惜女人愛女人，唔會令女人有懷疑、令佢受傷害。
你地其實都係愛對方唔夠，真愛唔會有咁多矛盾、懷疑，以前你有幾不捨、黐纏又好，最後你選擇放過大家，已經係好大既進步，真正係為自己諗，有d人放唔低，死守、糾纏、或最後攪到傷害對方既案件多不勝數，所以我讚你，係真既，到最後你比自己重生，唔係好值得人讚咩？努力，希望你搵到真正愛你既人。

私人傳訊

一嚿大番薯

大宅

積分: 2224

發表於 20-7-19 02:59 |顯示全部帖子

free2020 發表於 20-7-19 01:43
你好叻，做人最緊要撇脫，放過別人、放過自己，重新生活先係最重要

所以我諗大家行到今日，大家都真心辛苦，之前覺得佢無論點都會同我一齊，我自己都係。但今日佢對我講嘅一番話，令我覺得佢已經都唔想再留戀。或者佢係想我清醒。所以我更加要灑脫。男人通常怕做衰人唔敢開口講離婚，但佢都肯講幾次。所以我仲lur乜鬼。留返最後少少尊嚴俾自己。
諗深一層，其實層樓雖然對我好大意義。但都因為呢層樓，令佢覺得好大壓力，覺得我唔體諒佢無錢仲要買新傢俬。間接推左佢搵一個新相識嘅女人傾訴。入伙後就搞成咁，本來期待已久嘅新居，如今感覺全非。或者我可以再灑脫啲，照佢意思賣左佢。我會好好考慮。反正我其實份人工太低。學咩人扮嘢供一半。

私人傳訊

free2020

侯爵府

積分: 23797

發表於 20-7-19 03:01 |顯示全部帖子

一嚿大番薯發表於 20-7-19 02:59
所以我諗大家行到今日，大家都真心辛苦，之前覺得佢無論點都會同我一齊，我自己都係。但今日佢對我講嘅一 ...

我都建議賣左新樓，分返錢，好過以後個個月擔心佢幾時唔供

私人傳訊

一嚿大番薯

大宅

積分: 2224

發表於 20-7-19 03:15 |顯示全部帖子

lav2011 發表於 20-7-19 01:26
我覺得個仔佢是有份養，收佢錢好合理，你不用唔好意思，只是我覺得你們都是意氣當中，我真係唔太覺得佢好想 ...

可能我太了解佢，或者以前會覺得佢講完其實唔係真係想，但當佢三番四次，認真衝動都試過叫離婚時，其實我自己心裡有數。或者我都聽到攰，連我自己都唔想再挽留。

佢話我唔原諒放唔底，呢段婚姻都經唔起呢個小風波其實都好脆弱。但其實事發後反而係佢先講離婚，其實令到婚姻脆弱嘅我諗係佢。

湊b真心攰，我開始左返工，時間上又要安排。佢呢刻狂喊，點幾整左到而家佢都未瞓返。佢狂喊我又抱又氹都搞佢唔掂。其實個心好孤單得我一個面對，但呢個先係開始。以後嘅路應該好艱難，不過我認命。我以前好無用架，好軟弱，可能有人依賴慣。但做左阿媽之後，唔到我軟弱。我會堅強啲

私人傳訊

一嚿大番薯