夫婦情感

跳至

首頁
12345...9

尾頁
   5


子爵府

積分: 11136


發表於 20-7-18 17:22 |顯示全部帖子
層樓雖然係你個名,但係到真係離婚時,佢其實可以反悔,追討返層樓嘅一半業權!
贍養費同生活費唔好放棄!詳細我都唔知點解,不過我記得有人講過就算唔稀罕贍養費但點都要收返一蚊做象徵式以作保留!
小朋友佢都有份,無論點佢都應該要付出,唔好自己一個人攬曬上身!


大宅

積分: 2224


發表於 20-7-18 17:29 |顯示全部帖子
bobo88hk 發表於 20-7-18 16:40
層樓邊個名?你唔好心軟呀 你都無做錯 唔好放棄贍養費呀 傻豬 小朋友咁細 佢要付責任架 同媽咪講左未呀?
...

今日本來大家一齊去我媽到。今朝我問完佢又變成咁。我收喺心佢又要問叫我坦白,到我坦白問清楚我心嘅疑慮佢又覺得我多疑唔信佢令佢辛苦。話大家行唔到落去。所以佢叫我自己返去同媽咪講。我都唔知點講。朋友其實我都已經無再對佢地講,我都唔想成日發放負能量俾佢地,始終呢啲事係要我自己解決,同埋我自己先最清楚自己個心係點。但佢成日覺得我搵朋友數佢,又屈我同佢staff數佢。我為乜要咁做,我之前坐月有唔開心對家人講佢又怪我。其實我自己都怕左。頭先我朋友過黎拎嘢,佢帶個仔落樓見到我應該又覺得我喺到數緊佢...
所以我係無處可訴先喺bk呢到開post..因為無人識我..


大宅

積分: 2224


發表於 20-7-18 17:36 |顯示全部帖子
艾莉豬 發表於 20-7-18 16:54
琴日見到你回覆我,估唔到最終都係要離(emoji)。點都好,支持你,你要撐住,你仲有阿仔陪你,加油。贍養費 ...

我自己都估唔到,或者大家性格真係合不來。呢件事佢覺得唔係好大件事,所以覺得我唔應該放大。對於我,我覺得佢對人有意思先會做出呢啲行為所以我唔開心,我承認我敏感,今日見到有啲嘢我有疑問所以問佢。我發誓我好平靜咁問,不過佢好唔耐煩,覺得我好似咬住佢唔放咁,又覺得我唔信佢。我就覺得我只係問同埋我未平伏到覺得佢應該俾啲allowence我,佢其實可以耐心答但佢選擇唔耐煩。其實或者根本無對錯。只係大家要求嘅嘢唔同吧。佢啱嘅,再咁落去都唔係辦法。上一次其實佢已經帶出左呢個point..只係我自己又唔捨得喺到死捉住佢傾,其實的確,傾黎做乜...其實再拉扯的確大家都痛苦


大宅

積分: 2224


發表於 20-7-18 17:42 |顯示全部帖子
wingyaumama 發表於 20-7-18 17:22
層樓雖然係你個名,但係到真係離婚時,佢其實可以反悔,追討返層樓嘅一半業權!
贍養費同生活費唔好放棄! ...

知道,多謝你。我諗佢未去到反轉豬肚,不過其實我都已經唔知,我諗佢可能都會俾返些小生活費。不過對我黎講,已經無乜意義。我自己唔會提出,如果佢提出嘅就照佢意思,一蚊又好幾多都好。我唔會再糾纏喺錢到。只希望佢唔好賣樓因我想同仔繼續住,或者到佢18歲再作打算。


大宅

積分: 2224


發表於 20-7-18 17:45 |顯示全部帖子
FanFan520 發表於 20-7-18 17:21
留多個錢防身,錢係你最好既朋友
贍養費係佢應該要俾去養個小朋友
都唔知佢俾得幾耐,唔好唔要

明白。我都會為自己好好打算。目前我唔會向佢提出,或者我會等佢提出。我諗佢未去到一蚊都唔俾個仔..但我唔會再同佢討價還價了。之前試過感覺自己好乞兒。


珍珠宮

積分: 30981

2024年龍年勳章 2024勳章


發表於 20-7-18 17:52 |顯示全部帖子
回覆 一嚿大番薯 的帖子

千祈唔好覺得自己乞兒,只係為咗小朋友啫,媽媽為自己小朋友着想係好正常既!加油!


男爵府

積分: 9428


發表於 20-7-18 17:57 |顯示全部帖子
本帖最後由 beebee67890 於 20-7-18 18:03 編輯

傻妹,你同佢講咗乜都唔要未?bb仲咁細嚟緊越嚟越大洗費好多,加下香港5係好景,未來呢一兩年都要捱,唔好自動放棄,個仔佢都有份,應份的,因為你而家好煩,佢又成日追住你傾安排,所以你好想快啲解決,寧願乜都唔要,遲啲冷靜落嚟真係分開咗可能諗法又未必一樣,佢揀得拋低你哋變番單身,完全冇諗過個仔仲咁細,為父為夫佢都係不仁不義,你留錢畀佢去拍拖做乜,多少要攞D,用淨留起佢冇壞


洋房

積分: 84


發表於 20-7-18 18:43 |顯示全部帖子
一嚿大番薯 發表於 20-7-18 17:45
明白。我都會為自己好好打算。目前我唔會向佢提出,或者我會等佢提出。我諗佢未去到一蚊都唔俾個仔..但我 ...

你一定要為小朋友爭取最大利益
小朋友愈大用錢愈多,d 興趣班補習費等等全部都係錢。
我建議你計清楚條數同佢講清楚,呢d係你應得,點解覺得自己好乞兒?
如果離婚之後佢乜錢都唔洗俾,乜都唔洗負責還自己自由,咁我係佢都想早d離啦。
你想放過自己,但唔係令自己生活比之前難囉。


洋房

積分: 68


發表於 20-7-18 18:48 |顯示全部帖子
一嚿大番薯 發表於 20-7-18 17:36
我自己都估唔到,或者大家性格真係合不來。呢件事佢覺得唔係好大件事,所以覺得我唔應該放大。對於我,我 ...

絕對明白你嘅心情,我都係過來人,我有時都會問起佢果d野,雖然只係打機互相協助,有時d野佢做得over左,我會好嬲發癲,佢就覺得我小題大做,佢哋根本唔明我哋嘅心係有幾難受,不過我老公唔會收收埋埋, d對話任比我睇,同埋佢哋冇交換電話,只係Facebook message 傾,亦冇曖昧既對話,所以我比你好小小,呢排佢知我唔開心 傾少左,陪多左我同仔女。不過你老公做到咁絕,冇野洗乜咁大反應呀。分開都係好事,始終拖拖拉拉只會令自己更唔開心,有時單身仲好,唔洗為佢既事煩惱。


大宅

積分: 2224


發表於 20-7-18 19:01 |顯示全部帖子
肥肥寶 發表於 20-7-18 16:49
講到係你錯,你推佢出去包二奶?賤男

或者我真係好有問題,唔識放開唔識原諒唔識釋懷同無信任。我之前無體諒佢無錢仲話要買新傢俬所以令佢有壓力。所以佢搵人傾。呢刻我唔開心點解之前發生事,我仲未開心返悶悶不樂,我選擇唔講,佢自己又要問我,但又係唔耐煩咁問。講左佢知,又係鬧交,話我點解要自己攞黎唔開心。今日我選擇坦白問佢我心入面嘅疑慮,佢又係唔耐煩我點解成日唔信佢。我只係暫時未放低到佢就話我呢一世都唔得,令佢好辛苦。或者我呢個人真係令佢好痛苦。所以對上一次佢問我咩事唔開心,其實嗰次佢已經想放棄,只係我又攬住佢所以免強又一齊返。今次我問完佢其實結果都一樣。係大家性格問題做成


子爵府

積分: 13734


發表於 20-7-18 19:16 |顯示全部帖子
一嚿大番薯 發表於 20-7-18 17:29
今日本來大家一齊去我媽到。今朝我問完佢又變成咁。我收喺心佢又要問叫我坦白,到我坦白問清楚我心嘅疑慮 ...

數佢都無問題啦 小朋友只係10個月就要離婚
你記住你無做錯 做咩要比面佢 好來好去唔係用係你依家情況 個男人根本無嘗試做挽救工作 依家係佢唔鍾意就短時間內拋妻棄幼子
仲有係佢講離婚 當然係佢搞 你都唔心急 洗咩幫佢搞曬等佢安心去玩 唔好咁傻呀!


大宅

積分: 2224


發表於 20-7-18 19:17 |顯示全部帖子
basketboy 發表於 20-7-18 17:52
回覆 一嚿大番薯 的帖子

千祈唔好覺得自己乞兒,只係為咗小朋友啫,媽媽為自己小朋友着想係好正常既!加油 ...

多謝你呀 自我感覺好低賤好乞兒,好似每次就算我收喺心定坦白問,結果都一樣。發生事到呢刻,每次都係佢提離婚或冷靜。佢想傾就叫我傾安排,唔想傾就執嘢走。我就好被動但被佢講成乜都依我講黎做。所以其實我已經唔想再同佢傾安排了,唔想佢多個位話乜都要聽我。所以我諗住係佢俾幾多就幾多啦。我搵好律師就自己搞埋佢俾佢簽。佢都講到咁其實我都已經好樣衰。


大宅

積分: 2224


發表於 20-7-18 19:29 |顯示全部帖子
beebee67890 發表於 20-7-18 17:57
傻妹,你同佢講咗乜都唔要未?bb仲咁細嚟緊越嚟越大洗費好多,加下香港5係好景,未來呢一兩年都要捱,唔好自動放 ...

係,或者你講中左我心情。本身已經好亂,再加上呢件事大家已經拉扯左好耐。我唔開心唔講,佢又係唔耐煩問我咩事,我坦白問好聲好氣又係唔耐煩我唔信佢。佢何嘗唔係成日形住我唔開心,成日前設我係點。所以我承認我自己都好想如佢三番四次咁講,大家不如分開生活離婚快啲解決。唔想再拖落去傷害大家,令大家痛苦。今次似乎係我想放過大家。因為佢令我覺得佢對住我佢好辛苦。所以今次我真係想灑脫啲。始終佢一有事就會選擇走左去,一係唔返屋企,一係唔返黎食,再唔係就分房瞓,當我透明。其實佢咁都好影響我情緒。所以我都想得到解脫。唔想再過啲咁嘅生活


大宅

積分: 2224


發表於 20-7-18 19:36 |顯示全部帖子
FanFan520 發表於 20-7-18 18:43
你一定要為小朋友爭取最大利益
小朋友愈大用錢愈多,d 興趣班補習費等等全部都係錢。
我建議你計清楚條數 ...

係,或者你講得啱。始終我自己最concern係個仔嘅生活大於自己嘅一切。或者我仲覺得佢未去到咁衰一蚊都唔俾嘈個仔。我諗佢會俾不過只係我唔會再同佢講價。我都唔想再開多條線出黎嘈。因為我好怕再同佢傾..


男爵府

積分: 8345


發表於 20-7-18 20:00 |顯示全部帖子
一嚿大番薯 發表於 20-7-18 16:07
知道,多謝你。我都終於醒覺,之前仲一直執迷不悟。但一路行過黎,發現原來發生事後,佢連俾時間我消化, ...

我係搵律師搞嘅,我有朋友自己去家事法庭遞文件搞,我唔太知程序,但有樣嘢好肯定,法官會好在意小朋友嘅福利。由於我朋友又係唔需要前夫嘅贍養費,於是朋友要上庭向法官解釋邊個/點樣支持小朋友將來嘅生活費



大宅

積分: 2224


發表於 20-7-18 20:23 |顯示全部帖子
艾莉豬 發表於 20-7-18 18:48
絕對明白你嘅心情,我都係過來人,我有時都會問起佢果d野,雖然只係打機互相協助,有時d野佢做得over左, ...

嗯…佢其實已經表明左佢唔係呢種男人。佢只會覺得我成日唔信佢。所以今日我就算平靜問佢佢都會覺得我又唔信佢而衍生之後佢話大家唔夾,佢覺得咁樣佢好辛苦。平心而論,呢段時間佢對我係好左多左msg我關心我,放工返黎無再只對住電話,會同個仔玩多左,夜晚我餵奶佢聽到個仔喊會入黎睇下我地,以前佢真係無咁嘅可能之前佢忙緊同人text..我內心係覺得佢有為我做啲嘢令我開心,但始終我真係唔係㩒個制就無事,而佢又覺得其實佢瞞住我搵人傾心事打俾人係好少事,我唔洗放到咁大。我自己都唔係會嬲一世嘅人但佢覺得我係,所以佢覺得再咁落去無意思。或者佢無講錯。所以我都唔再糾纏


伯爵府

積分: 15073

2024年龍年勳章 牛年勳章


發表於 20-7-18 20:28 |顯示全部帖子
回覆 一嚿大番薯 的帖子

希望你諗清楚,錢唔好唔要,你曾經覺得自己好乞衣,即係佢都唔想比你,況且你話佢第一次同第二次講嘅嘢(唔肯供樓)已經唔同咗,你而家覺得佢唔會咁衰點都會比些少,你信佢唔緊要,但如果佢有咗另一半又唔同咁講法,可能有人已經影響咗佢嘅決定,而家做嘅決定最緊要保護自己同小朋友


大宅

積分: 2224


發表於 20-7-18 21:27 |顯示全部帖子
bobo88hk 發表於 20-7-18 19:16
數佢都無問題啦 小朋友只係10個月就要離婚
你記住你無做錯 做咩要比面佢 好來好去唔係用係你依家情況 個男 ...

事發後佢有送過花俾我,有多左msg我關心我,大家有好返過。但當我有唔開心,佢唔耐煩問我,覺得我又攞黎唔開心。佢覺得自己盡左力我都係咁。喺佢黎講,我唔信佢就已經無辦法行落去,所以佢都講左離婚好幾次。在我方便,我的確未放得底晒,或者放底左七成但有時會諗起唔開心,又好似今日咁我有疑問都坦白問佢,但的確又trigger左佢覺得我唔適覺得好辛苦。佢覺得我呢世都會係咁,所以佢覺得無辦法再一齊。佢話我唔夠愛所以無包容原諒,我諗如果我唔愛,就直頭唔會有任何感覺感受。我諗大家都無錯,只係觀點角度。當然我會好心痛,不過總好過再拖落去等佢又再講離婚,我唔想再面懵


大宅

積分: 2224


發表於 20-7-18 21:38 |顯示全部帖子
chupachups15 發表於 20-7-18 20:00
我係搵律師搞嘅,我有朋友自己去家事法庭遞文件搞,我唔太知程序,但有樣嘢好肯定,法官會好在意小朋友嘅 ...

唔該晒你嘅資訊。我搵到間$3800,對我黎講一蚊都係錢,不過啱啱收到政府一萬蚊都叫做俾到出黎。但我唔知有無啲再平啲嘅。我承認我一直依賴開佢變左而家連離婚都唔知點搞。

我唔想再wer爛塊面,唔想再糾纏住佢,唔想再過住呢種同屋住但零交流,唔知佢返唔返黎嘅感覺。所以我係有啲想快啲住放生大家。

咁或者我再好好計下自己條數先再搵佢傾,因為如果我供返一半層樓要13000,我份糧而家只得16000,仲要被迫放無薪假。我唔食唔洗都唔夠俾個仔,仲有請緊個姐姐仲有一年約,係我負責佢人工嘅..或者遲啲真係要搵多份part time做下但真係要諗清楚始終有個仔咁細。


大宅

積分: 2224


發表於 20-7-18 21:48 |顯示全部帖子
simpleAA 發表於 20-7-18 20:28
回覆 一嚿大番薯 的帖子

希望你諗清楚,錢唔好唔要,你曾經覺得自己好乞衣,即係佢都唔想比你,況且你話佢 ...

係嘅,或者我一向都太天真覺得佢真係可靠。其實第一次同第二次嘅分別都的確已經好大。第二次佢嘅態度都係差嘅,話覺得點解要佢suffer,佢已經盡力令我開心而家係我自己原諒唔到放唔底。佢一開始堅決賣樓分錢。只係我自己覺得我期待左好耐,好想同佢組織嘅新家庭,我真心唔想放棄。嗰下我俾佢咁講我自己又好驚佢真係同我離婚賣樓,然後自己又好樣衰地又阻住佢又攬住佢,夾硬又一齊返。
今日,再一次上演,望住佢對我講嘅嗰堆說話,佢好冷靜已經唔再係衝動。有一下我本來又想攬返佢又扮無事,但最後我嘅尊嚴話我知我唔應該再咁落去。佢已經想放棄到咁我仲為乜夾硬黎。我會再計劃

首頁
12345...9

尾頁

跳至