夫婦情感

跳至

首頁
34567...9

尾頁
   5


侯爵府

積分: 23664


發表於 20-7-19 16:27 |顯示全部帖子
一嚿大番薯 發表於 20-7-19 14:49
係呀,暫時呢到係我嘅避難所。係支持我我精神嘅平台。喺呢到我先可以暢所欲言..多謝你地陪我傾計,感覺無 ...

互相幫助,世界先會變美好


大宅

積分: 2005


發表於 20-7-19 16:44 |顯示全部帖子
一嚿大番薯 發表於 20-7-18 16:31
多謝你。我會加油。
贍養費我決定都唔要了。只係我地其實剛搬新屋。層樓佢供。之前發生事後佢有好好咁話佢 ...

如果你想知道手續可以pm我。
加油,未來的日子要堅強,為母則強,加油


複式洋房

積分: 311


發表於 20-7-19 17:03 |顯示全部帖子

回覆樓主:

本帖最後由 lav2011 於 20-7-19 17:03 編輯

唔知係咪我get錯,我覺得你老公的行行係想逼你唔好提佢做錯嘅野,等佢有喘息空間,多過佢真係想離婚,佢嘅然成層樓$32000都供到,佢要即時搬出去有幾難,加上就算供一半,已佔你人工的大部份,佢其實會唔會係唔想你再提。不過唔肯跪低,其實知錯,只是唔想你再提,都唔想勾起自己不忠的回憶。

不過,有一句,長輩話的,有仔女在心的男人,就算出去玩,都唔會放棄頭家。


別墅

積分: 741


發表於 20-7-19 17:34 |顯示全部帖子

回覆樓主:

你不要覺得自己推佢走
我感覺你老公係仲有小三,但佢之前亦想修復同你關係
但見你仲提住,佢覺得做左咁多野你都唔接受佢而感到洩氣從而又走番去小三嗰度
不忍耐等多陣等你消化,跟你一起走過婚姻既關口而選擇走左去呢個係佢既選擇,不是你錯
我都認同上面個jm講,如果佢心有小朋友既,有頭家既 不會輕易講离婚
所以你要加油!!向前看!
其實佢話要离婚 ,你又唔急再婚
你又要照顧小朋友,比番個波佢等佢攪离婚啲嘢啦!!!
唔好咁傻!!!


大宅

積分: 2224


發表於 20-7-19 19:34 |顯示全部帖子
ZakuChan 發表於 20-7-19 15:58
樓主,其實如果佢响屋企,不如你落街行吓,一來免卻衝突,二來又唔洗等你心裡難受,橫掂你都已經下定決心 ...

多謝你呀。不過因為我湊住個bb,所以有時我自己想抖下氣都難。我唔同佢,或者始於媽媽嘅角色唔同。佢鍾意唔返屋企就唔返,一有唔啱就執嘢走。鍾意隨時落街就落街。
我有次出左去佢又返左黎,即刻話我“都唔知你掉底個仔去左邊“其實真係好傷心。好似做人媽媽,已經長期照顧住佢,有一下自己行開左其他人就會怪你。但佢地長期無特別照顧住bb,可能一次照顧佢就已經好好咁。
或者我都真係要放開啲,自己出去抖抖氣。


大宅

積分: 2224


發表於 20-7-19 19:37 |顯示全部帖子
soso1227 發表於 20-7-19 16:15
回覆 一嚿大番薯 的帖子

如果剛剛買,賣樓會蝕好多,而且怕你C6要分$,不如出租,再考慮回娘家住或另租住 ...

其實係,新買架,同埋裝修都用左好多錢,如果賣真係會好蝕。我會同佢傾下睇下應該點,畢竟唔係我一個可以話到事。

佢應該真心好想得到解脫,同覺得我無信任所以三番四次講離婚,我成全佢就好。祝佢生活愉快。


大宅

積分: 2224


發表於 20-7-19 19:37 |顯示全部帖子
bebichhichi0128 發表於 20-7-19 16:44
如果你想知道手續可以pm我。
加油,未來的日子要堅強,為母則強,加油
...

多謝你呀,呢到好多有心嘅jm都p左好多律師資料俾我,好感動。雪中送炭。


大宅

積分: 2224


發表於 20-7-19 19:55 |顯示全部帖子
lav2011 發表於 20-7-19 17:03
唔知係咪我get錯,我覺得你老公的行行係想逼你唔好提佢做錯嘅野,等佢有喘息空間,多過佢真係想離婚,佢嘅 ...

我自己都開始搞唔清,佢其實冷靜落黎都講過好幾次,佢連分開幾耐先離都講晒。
我估佢都係唔想我提,但其實我無提,但只係我唔係㩒粒制就無晒事,有時諗起會唔開心,自己沉左。但我無話過佢,只係自己消化。佢一見我咁,又唔耐煩問我咩事,唔講又唔耐煩,講又話我令佢好辛苦,其實我都受夠喇。

我個人偏向如果無感情,我唔會因為仔女而夾硬喺埋一齊,因為我係一個需要愛嘅人,我同佢做左幾日同屋主,其實已經覺得好難受。我自己受唔到大家互當透明唔講嘢。所以如果真係唔work,我都唔需要佢睇在仔女份上而夾硬同我一齊,因為得個驅殼大家都辛苦。


大宅

積分: 2224


發表於 20-7-19 21:28 |顯示全部帖子
seaker 發表於 20-7-19 17:34
你不要覺得自己推佢走
我感覺你老公係仲有小三,但佢之前亦想修復同你關係
但見你仲提住,佢覺得做左咁多野 ...

或者我衰硬頸,同埋主要係大家同屋主關係令我好難受。大家互當透明好辛苦,夜晚個仔喊到癲左醒兩個鐘唔瞓,佢都無理過我地。我自己同個仔搏鬥,所以我自己都好氣餒想快啲解決佢。可能我都急,因為想擺脫呢種生活。
之前有叫佢搞,佢話佢唔會搞叫我整好就俾佢簽,唉其實我都唔想再同佢嘈,再嘈又係令自己唔開心,所以我搞到嘅就自己搞就算了。費事再乞兒多次


子爵府

積分: 11136


發表於 20-7-19 21:34 |顯示全部帖子
但而家係佢叫離婚,點解佢唔去攪,而係乜都要你做?

樓主,試下狠啲心,放低小朋友3~4天比佢湊!


複式洋房

積分: 311


發表於 20-7-19 21:40 |顯示全部帖子
一嚿大番薯 發表於 20-7-19 19:55
我自己都開始搞唔清,佢其實冷靜落黎都講過好幾次,佢連分開幾耐先離都講晒。
我估佢都係唔想我提,但其實 ...

明白,我都同意如果無感情,我都唔會為仔女一齊,其實有bb前,係咪都係咁樣,已經無話題?


大宅

積分: 2224


發表於 20-7-19 21:57 |顯示全部帖子
wingyaumama 發表於 20-7-19 21:34
但而家係佢叫離婚,點解佢唔去攪,而係乜都要你做?

樓主,試下狠啲心,放低小朋友3~4天比佢湊! ...

我都唔知自己點解會咁。而家不似人形,但求搞好佢放生大家。所以我無深究佢搞定我搞。

未生之前,覺得佢一定會係好爸爸,神隊友。生完之後,我覺得自己湊仔嘅路好孤單。佢無乜參與放工返黎都係㩒電話。機不離手。去廁所差緊電都要拎入去,其實我個心都好灰。有段時間就不停玩啲app嘅game,之後就上網,之後就原來係同個女仔傾計啦我諗。佢抱唔夠十分鐘就話bb重就交返俾我。但佢做gym舉幾十磅就無問題。我都安慰自己,bb細無乜互動所以佢無咁投入。咁後來係好左嘅,肯同bb玩。

我自己又緊張,成日驚佢睇唔掂因為有次叫佢睇住,唔夠一分鐘我出黎,見佢又㩒緊電話,個仔成個跌出黎


大宅

積分: 2224


發表於 20-7-19 22:05 |顯示全部帖子
lav2011 發表於 20-7-19 21:40
明白,我都同意如果無感情,我都唔會為仔女一齊,其實有bb前,係咪都係咁樣,已經無話題?
...

其實有bb之前,大家都開心,至少我覺得開心,係會鬧交但好快無事,無事時我同佢係好開心嘅(我單方面覺得)

不過其實發生呢件事時,我都以為我地好好架,無鬧交佢又無提過有咩唔開心,有講下時事。但原來佢出面同呢個女仔傾得咁埋。仲講我嘅不是。所以其實我覺得開心又點。原來都係自己一廂情願嘅諗法。諗起都覺得自己白痴。佢同人傾心事,同我只傾政治。佢會關心人唔開心,我呢…

所以其實再諗返之前係點都無意思,我係白痴。無諗過佢會咁。

呢刻佢仲三番四次講離婚,佢同呢個人傾已經唔係啱嘅事,仲要反過黎怪我之後點解要敏感唔開心。唉…所以算啦,無謂夾硬為個仔而一齊


男爵府

積分: 6446


發表於 20-7-19 22:42 |顯示全部帖子
一嚿大番薯 發表於 20-7-18 19:01
或者我真係好有問題,唔識放開唔識原諒唔識釋懷同無信任。我之前無體諒佢無錢仲話要買新傢俬所以令佢有壓 ...

其實佢已經唔愛你,你做乜嘢佢都唔滿意,每件事都係錯,呼吸都有錯。死纏爛打係留唔住一個唔再愛自己嘅人,唔好再眨低自己,你要加油、爭氣!


男爵府

積分: 8345


發表於 20-7-19 22:52 |顯示全部帖子
cometingliu 發表於 20-7-19 22:42
其實佢已經唔愛你,你做乜嘢佢都唔滿意,每件事都係錯,呼吸都有錯。死纏爛打係留唔住一個唔再愛自己嘅人 ...

同意,樓主唔好再妄自菲薄喇,佢唔愛你唔代表你差,我哋唔係棄婦,你要活得比佢好!努力呀!


大宅

積分: 2224


發表於 20-7-19 23:03 |顯示全部帖子
cometingliu 發表於 20-7-19 22:42
其實佢已經唔愛你,你做乜嘢佢都唔滿意,每件事都係錯,呼吸都有錯。死纏爛打係留唔住一個唔再愛自己嘅人 ...

係,我都開始覺得我自己呼吸都唔合佢心意。無剛喺娘家返屋企,我返到去佢喺到,工人姐姐都去完街準備瞓。

我想換衫洗手settle 好,所以迫住問佢可否幫忙睇一睇個仔,佢叫我搵姐姐....
然後又出左去了。

其實...我都唔識再講了。大家成年人,睇一睇個仔唔會阻佢好耐,佢都有份但點解可以話唔理就走左去。我其實好傷心好傷心。

所以呢個係點解我自己都想快啲解決件事嘅原因。日日對住一個同屋主,無交流,好似啱啱咁連幫一幫我都唔肯,其實呢個屋企我都唔想再返黎。好辛苦。

有次我返左娘家,我係嚴重到問工人幾點返我先返。因為我好怕呢種一開門又係得返我同個仔。其實我真心攰


大宅

積分: 2224


發表於 20-7-19 23:10 |顯示全部帖子
chupachups15 發表於 20-7-19 22:52
同意,樓主唔好再妄自菲薄喇,佢唔愛你唔代表你差,我哋唔係棄婦,你要活得比佢好!努力呀!
...

知道,多謝你。可能當我以為同佢好地地嘅時候,佢原來喺出面識左個女仔。然後人地又後生又同佢傾得埋又化行晒妝,我就覺得自己只係一個中年怨婦,對佢再無吸引力。佢唔會搵我傾心事,到今日亦都無話諗過add下我fb睇我啲嘢,其實我有一刻,覺得有時想佢聽下我心聲嘅途徑都無,衰到要喺whatsapp啲動態到打出黎,目的只係想搵返自己嘅存在感。你睇我幾cheap...所以我承認,可能因為呢件事,我係無晒自信心。


男爵府

積分: 8345


發表於 20-7-19 23:20 |顯示全部帖子
一嚿大番薯 發表於 20-7-19 23:10
知道,多謝你。可能當我以為同佢好地地嘅時候,佢原來喺出面識左個女仔。然後人地又後生又同佢傾得埋又化 ...

本帖最後由 chupachups15 於 20-7-20 09:47 編輯

當年,我揭發前夫出軌兩年,係兩年,我完全唔察覺。我一直以為我們的第三者是他的工作,點知原來他搭上了一個細他24歲,又整容又隆胸,化妝濃到似隻妖怪,說話嬌聲嗲氣,成副狐狸精格嘅狐狸精

我哋有我哋大婆樣大婆格,千祈唔好將自己同小三比,知嘛

男人不珍惜我們,我們更要自強!

他連兒子也不理,真可恥


大宅

積分: 2224


發表於 20-7-19 23:27 |顯示全部帖子

回覆樓主:

我唯一覺得自己唔差嘅事,就係湊仔湊到佢肥肥白白touch wood好少病痛。我自己餵人奶其實我好proud of自己。除左咁,我唔覺得自己有任何價值。

或者呢刻我係灰到去世界盡頭,所以我睇乜都灰同貶低得自己太緊要。
我都好想之前嗰個我返返黎,其實以前我都唔係咁差,返工都有人會approach我add我fb。只係我覺得結左婚我唔會俾呢啲機會自己同任何人。同埋都無乜好傾。我以為佢都一樣。但我睇錯左。所以係失望嘅可能期望大失望越大,連帶我反應都咁大。

或者之後我都放開自己,識返啲新朋友同事。填滿自己嘅人生。希望我仲有市場啦....


大宅

積分: 2224


發表於 20-7-19 23:40 |顯示全部帖子
chupachups15 發表於 20-7-19 23:20
當年,我揭發前夫出軌兩年,係兩年,我完全唔察覺。我一直以為我們的第三者是他的工作,點知原來他搭上了 ...

知道多謝你。喺呢到先搵返少少自己。其實我睇佢個樣,好衰地覺得佢係整容樣,化到好行妝嘅一個mk feel女仔, 可能我偏見。然後諗我老公無理由會啱呢啲。不過世事就係咁。

首頁
34567...9

尾頁

跳至