少年成長今日: 1|主題: 15847

收藏本版

發帖

返回列表

跳至頁

查看: 4981 | 回覆: 9

教呀女揾對像 [複製鏈接]

csir3290

子爵府

積分: 10923

1^#

發表於 20-8-2 11:56 |只看該作者 |倒序瀏覽 |打印

昨日幫阿女開11歲生日會，小朋友真係大得快眨吓眼就已經11歲。之前都講過作為家長真係好矛盾，成日都唔想小朋友大得咁快離開自己身邊，但係又好想佢快啲長大學識照顧自己。作為爸爸嘅我就更加擔心阿女第時會拍拖會慢慢離開我身邊，會有人取代我成為佢身邊最親近的男性。更擔心將來佢會唔會識錯人畀人呃係感情路上會行得好崎嶇。

喺佢成長嘅期間，我就係佢身邊最親密嘅男性。所以我希望喺佢時細個嘅時間裝備佢，等佢知道乜嘢係一個好男人將來拍拖結婚識男朋友嘅時候會知道乜嘢先至係適合自己嘅男性。所以我更加時刻提醒自己要做一個好男人嘅榜樣。除此之外，要更加在意開佢嘅眼界，培養佢嘅品味，等佢冇咁容易俾人氹同俾人呃。

另外，細路仔早拍拖其中一個原因就係喺屋企搵唔到足夠嘅愛，所以就想向外尋求，越係得唔到愛就越容易畀人氹。所以喺家庭入面一定要畀佢搵到足夠嘅愛，安全感同埋關心，呢個好似係一個防護罩咁等佢冇人冇咁容易畀人氹。我有時都會提醒阿女識男朋友一定要㨂個脾氣好嘅尤其是第時拍拖或者老公一定要識個脾氣好嘅。所以我成日都提醒自己唔好咁容易發脾氣樣樣嘢都要有商量。我之前都提過我已前都係一個心急容易忟憎發脾氣嘅人，但係有咗阿女之後真係成日要提醒自己，問心我而家嘅脾氣真係好咗好多心平氣和咗好多。聽過好多拍拖嘅情侶或者係兩公婆都係因為個男人脾氣唔好搞到自己生活得好唔開心，所以時刻都要等阿女知道脾氣好係兩個人相處其中一個好重要嘅因素。

跟住就要教佢乜嘢叫做有交帶。所以無論去邊我都一定會打電話同老婆講，每一日放工返屋企前亦都會打電話返去同佢哋講，除咗等佢兩個細路知道將來長大都要做個有交帶嘅人之外，等阿女亦知道識男仔應該都要識個有交帶有責任感嘅人。

總之其實講嚟講去就係希望做到一個榜樣，希望阿女將來拍拖搵對象嘅時候可以有一個基本嘅依據，究竟乜嘢係適合自己嘅人。不過問心梗係唔想阿女咁快離開自己身邊。