產前產後

跳至

首頁
12

尾頁
   0


大宅

積分: 1080


發表於 20-8-8 10:40 |顯示全部帖子
本帖最後由 Aliciariten 於 20-8-8 10:45 編輯

而家諗起仲嬲嬲地所以想share呻下。上年7月我生完一星期左右去健康院,係健康院門口突然狂出血,好似瀨尿咁,我諗hur 左10-15分鐘血。
D姑娘見到尖叫衝晒出黎,d姑娘同醫生好好人叫我唔好驚又問我暈唔暈又推我上床唔怕我整污糟晒佢張床,跟住佢地call白車。
我見到地下有最少半公升血,再加上我衛生巾,長裙,張相櫈,輪椅同床墊果d應該有1公升。果時我真係以為我會死。
我唔知原來救護員係唔會同醫院講個程況。去到急症室d人問我咩事,我話出血,佢問幾塊衛生巾,我話一塊,因為我十分鐘都換唔到,我話成地都係,我又諗唔起下身又比救護員用布包佢地睇唔到。等左2個鐘左右先送我上房。
姑娘幫我除晒衫褲鞋襪比我老公攞走,對難浸晒血掉埋,搞到之後我想去廁所冇鞋著比呀姐鬧我做咩掉鞋,最後忍到老公下次攞鞋比我先去。
之後醫生幫我照超聲波,話子宮有好多野,跟著開左抗生素。姑娘留左當時條底褲同衛生巾話比醫生睇,我叫醫生睇佢話唔洗睇,就比呀姐掉左。第二朝主診醫生巡房話我可以出院之後一個鐘又hur過血,10幾個醫生姑娘圍住我,濕到成張床換埋。醫院險查完叫我留多日,抽血,唔比飲食,話有機會做手術。下午有醫生黎話我血色素唔係跌好多唔會幫我做手術。
第三日有個高級醫生一齊巡房,主診醫生同佢講我自己opt to 唔做手術,又形容我出血係1full pat衛生巾同few drops on the floor。我又驚我話佢,叫佢同我做手術佢會唔小心做錯左,加上我都想出院湊bb,所以冇出聲。
一星期後覆診,呢個醫生就問我做唔做手術,我搵到人湊bb就做埋,費事擔心邊日又hur過。

就係咁,我諗起都覺得自己好委屈,其實係我果時唔醒目又細膽,又嘥我時間,到而家仲嬲嬲地。



複式洋房

積分: 123


發表於 20-8-8 11:57 |顯示全部帖子
回覆 Aliciariten 的帖子

咁最後因為咩事大出血?


大宅

積分: 1080


發表於 20-8-8 12:37 |顯示全部帖子
回覆 MikiCheung_FB 的帖子

吸完宮話有d組織,但我覺得係我媽煲d野太補所以hur咁多血血色素都仲幾好


別墅

積分: 855


發表於 20-8-8 19:49 |顯示全部帖子
樓主係岩岩生完無耐?


大宅

積分: 1080


發表於 20-8-8 22:18 |顯示全部帖子
回覆 miku_nishikido 的帖子

上年7月生嫁


大宅

積分: 1417


發表於 20-8-15 11:15 |顯示全部帖子
Aliciariten 發表於 20-8-8 22:18
回覆 miku_nishikido 的帖子

上年7月生嫁
所以有些人話生仔就好似一隻腳踏咗入鬼門關一樣


伯爵府

積分: 18045

2021勳章


發表於 20-8-15 17:33 |顯示全部帖子
本帖最後由 秋天與楓葉 於 20-8-15 17:43 編輯
Aliciariten 發表於 20-8-8 12:37
回覆 MikiCheung_FB 的帖子

吸完宮話有d組織,但我覺得係我媽煲d野太補所以hur咁多血血色素都仲幾好 ...

產後未夠一星期已經食補品?
產後一個月都係子宮修復期,要等惡露清晒先可以大補,包括任何行氣活血嘅食物或者藥材
例如:生化湯、酒類、川芎、黃芪、當歸、阿膠、花膠、麻油、薑......
呢類食材會擴張血管,增加出血
子宮傷口未修復有惡露排出,再食加快血液循環嘅食材或藥材,就會大出血,更嚴重會造成流血不止


你產後大出血嘅原因恐怕係太早食補品




醫生做任何醫療決定都要睇埋化驗報告,既然血液指數尚可,加上產婦剛生產無耐身體較虛弱,手術唔係必要就唔安排做手術係合理
出院後一星期無大出血就證明咗身體復原緊,而且進度理想

你出院後繼續進補增加惡露,造成容易大出血嘅機會
復診醫生檢查過後發現你有機會再大出血,所以醫生俾你揀做唔做手術






大宅

積分: 1080


發表於 20-8-16 19:28 |顯示全部帖子
本帖最後由 Aliciariten 於 20-8-16 19:33 編輯

回覆 秋天與楓葉 的帖子

生後我媽聽人講南棗唔補所以比我飲南棗湯,冇任何其他補品中藥,出血之後就冇飲啦,之後都冇再補過。

果個星期其實都係大出血過幾次嫁,所以我先想做手術。

我明岩岩生完最好唔做手術,但我係奇怪出院前個高級醫生叫我做手術,個主診醫生都唔講個真實程況比個高級醫生聽仲話我自己話唔做。


伯爵府

積分: 18045

2021勳章


發表於 20-8-16 20:33 |顯示全部帖子
本帖最後由 秋天與楓葉 於 20-8-16 20:36 編輯
Aliciariten 發表於 20-8-16 19:28
回覆 秋天與楓葉 的帖子

生後我媽聽人講南棗唔補所以比我飲南棗湯,冇任何其他補品中藥,出血之後就冇飲啦 ...

南棗係有強大補血同養血功效嘅中藥補品,南棗係補而不燥,唔係唔補
中醫界稱南棗係棗中之王
睇嚟樓主同媽媽都唔太了解中藥同補血食材
以後有需要想調理身體最好請教中醫師,否則會有反效果



大宅

積分: 1080


發表於 20-8-16 20:40 |顯示全部帖子
回覆 秋天與楓葉 的帖子

原來係咁,謝謝你嘅資訊


複式洋房

積分: 457

2021勳章


發表於 20-11-7 16:18 |顯示全部帖子
Aliciariten 發表於 20-8-8 10:40
而家諗起仲嬲嬲地所以想share呻下。上年7月我生完一星期左右去健康院,係健康院門口突然狂出血,好似瀨尿咁 ...

我都係生完一星期大出血, 但我係即時入院安排緊急手術,手術完又輸血, 成4日都無得落床, 仲要食抗生素, 攬到無得餵人奶, 好down


大宅

積分: 1080


發表於 20-11-8 00:05 |顯示全部帖子
本帖最後由 Aliciariten 於 20-11-8 00:08 編輯

回覆 bearbearlo 的帖子

因為食抗生素冇得食奶?我果時都有食抗生素但都有餵奶呀,醫生話得。


複式洋房

積分: 457

2021勳章


發表於 20-11-8 08:51 |顯示全部帖子
Aliciariten 發表於 20-11-8 00:05
回覆 bearbearlo 的帖子

因為食抗生素冇得食奶?我果時都有食抗生素但都有餵奶呀,醫生話得。 ...

係, 醫生講明呢隻抗生素唔可以餵, 仲要明明剛開始上奶, 現在食緊藥奶量直線下降⋯⋯, 已經無左谷奶既感覺了,出院返屋企又忙, 有時一日泵得一次,唔想咁樣退奶, 成日情緒低落


大宅

積分: 4377

2021勳章


發表於 20-11-27 12:04 |顯示全部帖子
其實我好贊成係醫管局的醫院順產生完,都係約私家醫生照一照子宮,確定無胎盤組織穩陣好多,俾少少錢當買個安心,我就覺得好值。產科訓練只係教檢查胎盤出來完唔完整,完整無缺就表示宮腔內無殘留組織,但有時可能有多生組識、或者殘留胎衣就未必檢查出來,但強調這並非醫療失誤,因為無可能每次放手入子宮內探測,一來這是一個極痛的檢查,另一方面會增加宮內感染機會,當然會有醫生每次都會做探宮程序保障自己,之後亦給予抗生素預防感染,所以每樣的決定都有辣有唔辣,睇你企係邊個角度去衡量。


別墅

積分: 514


發表於 20-11-28 11:24 |顯示全部帖子
回覆 Aliciariten 的帖子

謝謝你嘅資訊
Hi, This is Annmary.


大宅

積分: 3652

睛靈勳章


發表於 20-12-31 10:05 |顯示全部帖子
我生第一胎時無問題. 到生第二胎. 都係生完二星期左右在家出血. 當天本身又係要去健康院的. 幸好是未出門. 在家無端端出血. 即CALL 白車入了醫院, 入到醫院急症都係要等. 醫生CHECK 完就推了我上房. 幸好當時巳沒有再大量出血. 到醫生再推去照完超聲波後. 說有組織在子宮內. 所以當晚都幫我做了手術. 第二天就可以出院. 我自己回想第一胎和第二胎的助產仕很不同. 當時巳覺得第二胎的助產士很粗枝大葉. 所以出院後其實自己都有留意住自己身體的.


別墅

積分: 683

2021勳章


發表於 21-1-2 00:44 |顯示全部帖子
開刀係咪無呢D問題?


別墅

積分: 683

2021勳章


發表於 21-1-2 00:44 |顯示全部帖子
回覆 bearbearlo 的帖子

好慘...


別墅

積分: 683

2021勳章


發表於 21-1-2 00:45 |顯示全部帖子
子宮好多野的意思是?好多胎盤殘餘?


別墅

積分: 683

2021勳章


發表於 21-1-2 00:45 |顯示全部帖子
回覆 qkhui 的帖子

都係順產?

首頁
12

尾頁

跳至
你需要登錄後才可以回帖 登入 | 註冊