懷孕前後

跳至

首頁
12

尾頁
   2


別墅

積分: 640


發表於 20-8-15 04:07 |顯示全部帖子
我個case係約8週胎兒生長速度慢,約0.4cm, 心跳亦很慢
醫生話我個情況唔樂觀,睇埋下星期可以決定做藥流定刮宮,(醫生建議藥流因胎細)

知道左都喊左好耐,亦明白要勇敢面對。由於自己已踏入高齡,加上第一胎咩都唔識,想用藥流但自己一個驚搞唔掂,但刮宮又超傷身,唔知有冇同路人或過來人分享下我應該要點做,讓我知道並不孤單,謝謝!


大宅

積分: 1959

認識瑞士牛牛第一回


發表於 20-8-15 07:54 |顯示全部帖子
Lytsang6 發表於 20-8-15 04:07
我個case係約8週胎兒生長速度慢,約0.4cm, 心跳亦很慢
醫生話我個情況唔樂觀,睇埋下星期可以決定做藥流定 ...

只要心跳一日未停,都唔洗處理吧?
我流產過三次,三次都無心跳的,藥同刮宮都試過,俾我再揀我會揀藥,始終感覺係無咁傷身,但兩樣各有好壞嘅。刮始終快,同無咁痛苦。

祝福。


別墅

積分: 640


發表於 20-8-15 08:29 |顯示全部帖子
回覆 shanshan827 的帖子

多謝你,現在只有等待。唔知有冇奇蹟出現。但醫生講到心跳等自然停真係好無助


複式洋房

積分: 234


發表於 20-8-15 08:35 |顯示全部帖子
用藥嘅傷害係最低架~刮始終有d風險,有d人又話會刮傷或者感染


別墅

積分: 640


發表於 20-8-15 16:14 |顯示全部帖子
回覆 菜媽 的帖子

好丫,睇吓下星期醫生點判


複式洋房

積分: 218


發表於 20-8-15 18:47 |顯示全部帖子
Lytsang6 發表於 20-8-15 04:07
我個case係約8週胎兒生長速度慢,約0.4cm, 心跳亦很慢
醫生話我個情況唔樂觀,睇埋下星期可以決定做藥流定 ...

抱抱你,你並不孤單。我都連續兩次小產,當時好徬徨。

我之前都係先用藥,用藥之後開始排組織,個人好虛好虛,完全冇力。姑娘仲你個樽仔我,叫我見到個胎要執返上嚟俾佢地化驗。但最終太混亂,完全執唔到任何組織上嚟。

一共流咗4日,流完後兩個星期之後再複診,先發現個胎原來仲喺子宮裏面,最後都要清宮。我唔知邊樣傷身啲,不過我做手術清宮後走出醫院果一刻個人心情覺得輕鬆咗好多,我哋又再重新出發。

醫院等塞藥期間,隔離床有個生咗雙胞胎嘅媽咪,佢知道我流產等做手術,叫我唔駛驚,佢話之前都流產過,同病房又有幾個媽咪都話自己流產過,嗰刻覺得自己並不孤單。


複式洋房

積分: 218


發表於 20-8-15 18:51 |顯示全部帖子
Lytsang6 發表於 20-8-15 04:07
我個case係約8週胎兒生長速度慢,約0.4cm, 心跳亦很慢
醫生話我個情況唔樂觀,睇埋下星期可以決定做藥流定 ...

如果有詳情想問,可以PM我。今次BB係漏咗嘢,佢執齊行李又會再嚟搵你。

點評

renee_131    發表於 20-8-24 20:16


別墅

積分: 640


發表於 20-8-15 19:05 |顯示全部帖子
回覆 katengan 的帖子

謝謝你!我真係好感動,我不是一個面對我真係好擔心又驚唔知下一步係點做
你係私家定公家藥流?如果想公家我要看急症嗎


複式洋房

積分: 218


發表於 20-8-15 19:59 |顯示全部帖子
Lytsang6 發表於 20-8-15 19:05
回覆 katengan 的帖子

謝謝你!我真係好感動,我不是一個面對我真係好擔心又驚唔知下一步係點做

公立藥流。產檢發現冇心跳後寫紙即日入急症室。

我第一次去過問法國醫院,佢哋話其實做吸宮係簡單手術,私家同公立做一樣,最後我去返公立。

首先入咗急症室,然後寫紙去婦產科,約一星期後見醫生,醫生要照陰超做確認有冇長大,記住要帶埋之前啲超聲波相片。

確認後再俾日子上病房塞藥,塞完藥瞓幾個鐘就出院,喺屋企等排出組織,個幾星期再回病房覆診驗尿。

有d人塞藥就排清曬,我係比較唔好彩嘅例子。

我覺得塞藥過程比較漫長,會驚排唔乾淨,跌咗d組織落廁所又唔知執唔執好。吸宮一日就處理晒。私家有位就可以即日做手術,公立個過程就漫長dd。




別墅

積分: 640


發表於 20-8-15 20:13 |顯示全部帖子
回覆 katengan 的帖子

我都驚藥流睇得唔清,我向來係唔好彩,所以想選擇吸宮,但又好怕傷,好矛盾


別墅

積分: 640


發表於 20-8-15 20:14 |顯示全部帖子
本帖最後由 Lytsang6 於 20-8-15 20:16 編輯

回覆 katengan 的帖子

最後你有冇吸宮?私家?


複式洋房

積分: 218


發表於 20-8-15 20:16 |顯示全部帖子
Lytsang6 發表於 20-8-15 20:14
回覆 katengan 的帖子

最後你有冇吸宮?私家?

本帖最後由 katengan 於 20-8-15 20:20 編輯

兩次都係藥流唔清,要再吸宮。
吸完約三十幾日再嚟M,不過M量少d,不過有正常排卵,冇晒事,又一條好漢。


別墅

積分: 640


發表於 20-8-15 20:17 |顯示全部帖子
回覆 katengan 的帖子

請問你當時幾週?最後選擇在私家吸嗎?貴嗎?


複式洋房

積分: 218


發表於 20-8-15 20:27 |顯示全部帖子
Lytsang6 發表於 20-8-15 20:17
回覆 katengan 的帖子

請問你當時幾週?最後選擇在私家吸嗎?貴嗎?

一次10w , 一次6 w ,兩次都公立。私家問過手術費約兩萬。


別墅

積分: 640


發表於 20-8-15 20:45 |顯示全部帖子
回覆 katengan 的帖子

你好勇敢呀!我高齡第一胎,已經冇咩勇氣可以繼續行落去


複式洋房

積分: 239


發表於 20-8-15 20:53 |顯示全部帖子
樓主,好明白你心情,我上年都試過,10wk去私家照突然無左心跳,佢俾我㨂喺佢度藥流定轉介返公立,我揀左佢公立,但我無去急症,拎住封信去專科門診排期,佢俾左個快期(好似兩三日)返去門診照陰超, confirm 無心跳之後再安排幾日後入院藥流。
藥流嗰日塞左藥子宮會受縮得好勁, 上晝塞藥下晝就開始一直勁m痛咁(不過自己諗收縮得勁希望佢排得清啲),有止痛藥可以食,我痛得比較勁,醫生就叫我留一晚觀察,我自己後來睇返就覺得留院都係好事,因為其實每次起身都好多野流出黎,但如果自己望我都唔知邊啲係組織,喺醫院姑娘就好好會幫我check 。到半夜有醫生巡房就話應該排左組織


複式洋房

積分: 239


發表於 20-8-15 20:57 |顯示全部帖子
第二日出院醫生會俾期你返去照陰超confirm 排清, 嗰時就同自己講可以重新出發喇

雖然明白發生呢啲事一定會唔開心,好好俾自己宣洩左啲情緒佢再出發,要俾自己保持希望啊,身邊會有好多人陪住你的,加油(emoji)(emoji)


別墅

積分: 640


發表於 20-8-15 21:16 |顯示全部帖子
回覆 Dolking 的帖子

好多謝你,我睇完感到好溫暖
我現在8 week, 要等一星期,即9week 再轉介去公立。又要等一星期先可藥流嗎?即等到10 week先再睇,其實等待真係好漫長。你哋真係好堅強,我自己一個係屋企真係唔識處理,可以要求住一日院嗎?我一唸起眼淚不禁流

謝謝大家同路人互相扶持


複式洋房

積分: 239


發表於 20-8-15 21:31 |顯示全部帖子
Lytsang6 發表於 20-8-15 21:16
回覆 Dolking 的帖子

好多謝你,我睇完感到好溫暖

我諗間間醫院做法都有啲唔同,不過應該都有一部份做藥嘅人都係自己喺屋企拎啲組織擺入樽,睇下大家有無經驗分享下。


大宅

積分: 1611


發表於 20-8-15 21:57 |顯示全部帖子
Dolking 發表於 20-8-15 21:31
我諗間間醫院做法都有啲唔同,不過應該都有一部份做藥嘅人都係自己喺屋企拎啲組織擺入樽,睇下大家有無經 ...

本帖最後由 uckukuku 於 20-8-15 21:59 編輯

有啲醫院個藥好似唔係塞嘅係食嘅
我就係瑪麗塞藥,其實有講入院一天,朝九晚六,如排不出就自己返屋企等
我好好彩對個藥反應幾好,中午左右宮縮到打冷震,之後好似中槍咁多血爆到一床都係,兩點幾就排咗出嚟,排完無暈無唔舒服 血都少咗好多,所以當晚就出院了,了咗件心事唔駛返屋企焦急地等
我唔敢踎馬桶,索性係沖涼位去廁所,反正尿和血沖得走,如有疑似胎盤但又唔識睇就嗌姑娘辨認,最後執到,係屋企都可以用呢招自己執

醫院都有俾個樽我話再排啲咩可疑東西都可執起,我留起咗,之後再中就用嚟做產檢尿樽 XD 現在生咗啦

好好休息和調理,BB執齊嘢真是會回來的!


首頁
12

尾頁

跳至
你需要登錄後才可以回帖 登入 | 註冊