懷孕前後

跳至

首頁
12

尾頁
   0


別墅

積分: 550


發表於 20-8-21 15:51 |顯示全部帖子
本帖最後由 z957570 於 20-8-23 19:03 編輯

請關閉帖子


複式洋房

積分: 138


發表於 20-8-21 18:45 |顯示全部帖子
z957570 發表於 20-8-21 15:51
同老公沒有共識的避孕方式,結果又搞出人命。
有咗後覺得好大壓力,陀呢胎好辛苦,嘔到七彩,老公唔多表態 ...

給你抱抱,需然幫唔到任何事,但可以找人傾下舒發下你想想


伯爵府

積分: 17704


發表於 20-8-21 18:51 |顯示全部帖子
本帖最後由 M.A.C 於 20-8-21 18:51 編輯

事情發生左,唯有安慰你。抱抱。
古語有云,寧教打仔莫教人分妻。
我只能勸你諗清楚現實環境,好好處理。因為你巳有2個小朋友要比較多照顧。

小心身體,祝你一切平安。


別墅

積分: 550


發表於 20-8-21 20:22 |顯示全部帖子
回覆 M.A.C 的帖子

多謝你,其實我老公對我也不錯,只是很木訥,好難逼到佢講內心所想,同埋把口衰d,例如我呢排作嘔反胃,個人好忟,佢一句“係咪你心理作用咋”,我幾乎想喊出黎


複式洋房

積分: 459


發表於 20-8-21 20:26 |顯示全部帖子
z957570 發表於 20-8-21 20:22
回覆 M.A.C 的帖子

多謝你,其實我老公對我也不錯,只是很木訥,好難逼到佢講內心所想,同埋把口衰d,例如 ...

男人通常都唔識講野去氹老婆。
希望你可以舒發下情感,唔好屈住。
有咩係度發洩下會好啲,抱抱


別墅

積分: 550


發表於 20-8-21 20:26 |顯示全部帖子
回覆 kuanhoho 的帖子

謝謝,我都好想搵人抱抱


伯爵府

積分: 17704


發表於 20-8-21 20:43 |顯示全部帖子
本帖最後由 M.A.C 於 20-8-21 20:43 編輯

回覆 z957570 的帖子

看睇黎你都幾清楚你老公為人。所以你更要有心理準備,
懷孕期老公未必會細心貼心咁幫手,
但懷孕的女人又容易情緒波動,
特別身體多狀況時候,
假如你決定要3胎,你要保重自己
因為你重有另外2個小朋友要照顧。
抱抱,加油


別墅

積分: 550


發表於 20-8-21 20:57 |顯示全部帖子
回覆 mi_mama 的帖子

喺,我算係半個孤兒,細個無感受咩家庭溫暖,大咗亦唔識做人阿媽,出嚟做嘢好簡單,做得好老細會升職加人工,自己做生意做得成功賺到錢又可以買嘢氹自己開心,但做阿媽永遠都做得唔夠好,有時間陪佢嫌悶嫌玩具唔夠多,總之比時間物質活動比小孩就係父母責任,小朋友未識滿足,父母又無理由要同佢計較,有taker就自然有giver,兩個我已經覺得好吃力,再生多個,我唔知自己究竟為咩。


別墅

積分: 550


發表於 20-8-21 21:10 |顯示全部帖子
回覆 M.A.C 的帖子

係呀,我老公好簡單,就係我想點,要講得清清楚楚,最好寫個list出黎,佢能力範圍內會跟task做到足,但唔好幻想想我唔講佢識自動波。
其實上一胎有咗,都係我set一堆action plan ,佢先至會介紹我比佢屋企人識同結婚,開頭我都有d嬲,後來了解咗大家家庭背景好唔同,佢家族好大,家庭中好多嘢唔駛佢決定,佢甚至唔習慣規劃人生,覺得計劃黎都無用,聽日又會變。而因為我好細個就獨立,不斷做好多決定,所以大家步伐不同。
生多個細路唔同養多隻貓,空間分配,照顧人手分配,時間分配全部都唔同哂,原有一d計劃亦要改變,但佢唔會攤出黎同我傾,當我指出以上呢d問題,咁佢就會好委屈咁講句“如果你唔想生,咁一係算數啦”,根本討論唔到。


大宅

積分: 4256


發表於 20-8-21 21:45 |顯示全部帖子
抱抱,你諗法好清晰
大部分男人都係踢一踢郁一郁
有時見到人地老公好好
要返工又日日拖地洗廁所浪衫
放假又會篤住小朋友學習
好羨慕.....
再望下自己老公

好明白
如果可以繼續set 一堆野叫佢do
而佢又做到都好好

最難係時間人手分配
你兩個小朋友都需要比更多時間照顧陪伴
再加nb一個人好難做得晒
老公一定要更幫手 陪小朋友
而家幾週? 快d傾下
set好d野安排比佢 睇下大家o唔ok
另外姐姐 可能需要請多個?又係要諗下


別墅

積分: 550


發表於 20-8-21 22:10 |顯示全部帖子
回覆 sostepa 的帖子

你真係好聰明,屋企500呎到,大仔一間房,細仔同姐姐一間房,空間係好大問題,如果多個nb, 大細仔就要一間房,前文都講過大仔有ADHD,佢間房似狗窩,功課同書有檯唔擺,擺到一地都係,我為咗大仔的自理問題成日都好勞氣,成日要搵社工協調。佢同細仔住埋一齊,大仔唔會忽然成熟咗,細b肯定又會亂咁整爛哥哥d嘢,諗起都夠亂。姐姐照顧nb, 肯定會忽略咗細仔,望就望出年有學返,否則我都唔知一個姐姐點湊兩個b。請多個姐姐實在唔知瞓邊。
仲有,我老公係冷門工種合約制,可以完約後一年半載無嘢做果隻,而我份工應該做多一年半載都要無得撈,如果去埋生仔,應該更快無得撈。咁當然有積蓄啦,但開支都唔細, touch wood一齊無嘢做,真係會情緒好差。



男爵府

積分: 5120


發表於 20-8-21 23:05 |顯示全部帖子
既然你老公無堅持要定唔要你就自己諗清楚再決定喇。


複式洋房

積分: 389


發表於 20-8-21 23:12 |顯示全部帖子
加油!難題總會有方法解決的。
唔好太負面


男爵府

積分: 5023

2020勳章


發表於 20-8-21 23:17 |顯示全部帖子
z957570 發表於 20-8-21 22:10
回覆 sostepa 的帖子

你真係好聰明,屋企500呎到,大仔一間房,細仔同姐姐一間房,空間係好大問題,如果多 ...

你姐姐知你有左未?你細B 就算有學返你姐姐都未必制湊3個仲要其中一個係nb... 。呢個期間,工人斷約唔使返家鄉等,份工辛苦啲都即斷約。你9成要請2個姐姐先有人肯做... 一係就銀彈政策。
你老公唔決定你就要自己決定 如果唔係拖拖吓都唔係辦法...
做女人係好辛苦,抱抱。


別墅

積分: 550


發表於 20-8-21 23:52 |顯示全部帖子
回覆 honeybid2 的帖子

姐姐知道我有咗,佢ok的,不知幾開心,咁我間中都有銀彈政策。請多個工人,我老公唔會肯,住宿的確是一個問題,我連話想賣屋買間大d遠d, 老公都覺得無需要,佢唔會講出口,但睇完樓會當無睇過,所有嘢都拉牛上樹咁。
做女人真係好難,男人鐘意搞嘢,作為老婆想滿足佢,代價又要自己受,如果呢胎決定唔要,我諗我會去結紮,或者迫我老公去紮。


大宅

積分: 1372


發表於 20-8-22 00:22 |顯示全部帖子
回覆 z957570 的帖子

其實唔好成日諗負面野,活得係呢個個個世界上,總會有解決方法,最緊要唔好放棄,依家可能會比較吃力/辛苦,但係小朋友慢慢長大,一個家庭多d人開心好多⋯有兒女一齊成長⋯歡笑聲都多左,我都意外有左第三個小朋友,我當初好迷惘⋯但係呢份係上天俾自己既禮物⋯好多人想要都無,所以要珍惜,我依家倒數緊⋯就快生啦⋯你都要加油⋯無罰係解決唔到,放鬆心情,好好咁享受自己懷孕過程,做媽咪係偉大的,加油啊^^支持你


別墅

積分: 550


發表於 20-8-22 00:53 |顯示全部帖子
回覆 viann_655665 的帖子

你點跳出呢個迷惘狀態?我岩岩同老公傾緊佢份工,佢續約個月份就正正係預產期,如果到時真係唔好彩唔續約,bb又日喊夜喊,日子真係會好難過。佢支支吾吾,然後話真係都無計。
講完大家靜咗兩句,轉頭老公已經扯緊鼻鼾


大宅

積分: 1372


發表於 20-8-22 03:09 |顯示全部帖子
回覆 z957570 的帖子

其實懷孕開頭既時候,我除左迷惘,仲有百感交集,我份人都比較鐘意諗最懷打算⋯有左個刻我係好驚訝,跟住個心又開心,跟住又好驚又擔心等等所有感覺好難形容,當我驗左有bb個刻,我係洗手間既時候,我既手係震既,我老公係廳,個晚我地打邊爐,仲未開始食野既⋯我係次所出返黎個刻我心情又興奮又開心又擔心⋯個晚打邊爐未開始晚時候,我仲同我老公講,我仲未黎m...我就買左支涼茶,我老公話:係囉⋯飲支涼茶睇下會唔會通一通d月經唔洗谷住⋯咁我買完支涼茶之後我洗走我老公返屋企先,我去左藥房買左2支驗孕棒⋯叫工人放係次所收埋唔好俾我老公見到⋯跟住我想係打邊爐開始之前,我打算驗左之後安心可以飲涼茶,點知一驗就驗左兩條好淺色既線,對於我地生左兩個既媽媽有經驗當然一睇就知道中左⋯當晚我都無同我老公講,因為我未有心理準備,我只係信息左我兩個朋友,同左我兩個朋友講⋯之後過左兩日我先同我老公講⋯我老公晚反應係:佢尊重我决定,佢話我想生就生,唔想生就想另外方法⋯當時我都好開心,因為佢俾個决定權我,不過我拜佛既,我無論如何都唔會落bb...唔知道點解,一知道有左開始⋯我頭一個月開始額頭生痘痘⋯我本身係唔生痘痘既人,我接受唔到額頭不停生痘痘,跟住一路生,生到全臉,頭髮頭皮同埋條頸都係痘痘,我簡直情緒低落到完全唔想見任何人,加上害喜得好緊要,成日同老公罵交,發好多皮氣,好易就發皮氣⋯成日喊⋯時新年,疫情岩岩爆發⋯攪到自己好飲痴左線一樣


大宅

積分: 1372


發表於 20-8-22 03:22 |顯示全部帖子
回覆 z957570 的帖子

除左攪到自己好似痴左線一樣⋯仲有害喜令到我食唔到野⋯成日作嘔,成日都會亂諗野,當時我一知道自己有左就無返工,得我老公一個返工,開支都好大,屋企租金一個月差唔多兩萬,我老公一個月搵錢唔多,如果兩公婆一齊做野都夠食夠住同洗⋯但我已停工,我只好用自己儲落既錢去渡過呢個孕期,其實好多野都好擔心,擔心開支,加上2月份炒左工人,無左工人咩都要自己親力親為⋯我同我老公罵交多左,跟住慢慢自己調整自己心態⋯因為仲有兩個仔,同自己講,到時生完之後再請工人,自己同老公一齊努力搵錢,因為呢個係我地做父母責任,我生bb我媽講到明唔湊⋯得得奶奶幫手,我奶奶主力幫手煮野食俾我同煲湯俾我,我老公就負責同bb沖涼,照顧兩個仔,跟住仲要返工,放左工返黎晚上就我地兩公婆輪流湊bb...我我以前係一個好負面既人,慢慢我開始調整自己,唔好諗咁多負面既野,因為我地人一世生活係點樣係我地自己去控制⋯食幾多著幾多整定,不過我相信自己肯努力,上天一定唔會俾你難過同餓死,好多時候我地做人地老婆唔一定要靠自己老公,我地可以更強,只要堅持同堅定既信心,好多野都可以一一咁解決同經驗會帶俾我地上一課⋯當你過左每一個難關,解決左每一樣難題,你望返轉頭其實唔係真係咁難⋯加油,我得,你一樣得


大宅

積分: 1001

2020勳章


發表於 20-8-22 06:37 |顯示全部帖子
樓主,我睇你啲回覆,聽你講話屋企唔大,兩個小朋友有SEN,自己同老公份工危危乎,再生第三胎唔知為咩,感覺你多少心入面已經有決定,只係要做呢個決定好難,亦都唔忍心。我傾向覺得你隨心而行會冇咁大心理負擔,如果勉強承擔一啲而家諗起都已經咁大壓力嘅負擔,對你同對全家人都冇好處,要錫自己啊!

首頁
12

尾頁

跳至