coolman008 發表於 20-9-10 13:11
Thx
點解我對細碧一的印象也沒有,我好喜歡粤語長片
定你認錯佢係大碧?鄭碧影都拍好多戲,但冇咩見佢拍打嘅,大碧就多,以前有所謂三碧,中碧叫梁碧玉,但唔多出名。
有冇印象有套戲叫金銀珠寶到門來?任姐同鄧碧雲做兩公婆,任姐係教書先生,因為救寶嫂鄭碧影,假稱佢老公寶哥蕭仲坤搭佢拎錢俾老婆,將用嚟過年嘅錢俾晒鄭碧影,於是任姐同大碧姐冇錢過年捱肚餓,走去珠哥梁醒波守果個糧倉偷蕃薯,珠哥老婆就係任冰兒。大細碧有時都同場拍戲。
花旗太太生活在花旗國,留意時差,你問我未必即時答到。