自由講場

跳至

首頁
12345...7

尾頁
   43


大宅

積分: 4791


發表於 20-10-21 19:11 |顯示全部帖子
eledak 發表於 20-10-21 12:59
本帖最後由 eledak 於 20-10-21 13:00 編輯

如果識拼音。。

佢連ea 都記唔住

Br 就亂撞

剩fast 又記返


水晶宮

積分: 62082

2020勳章


發表於 20-10-21 19:45 |顯示全部帖子
你要當佢幼稚園學生咁教,買啲幼教工具,中文拆字、圖形,英文phonics、scramble game,由最簡單既開始。

老實,如果學習能力真係咁低,幫佢轉間程度淺既關愛學校,令佢唔好放棄學習,抗拒學習就好麻煩。我識有個朋友仔係SEN,小學完全放棄狀態,個底超差,尤其英文同數學,上到中四連monday都串唔到,20內加減都錯。


珍珠宮

積分: 46111

2020勳章


發表於 20-10-21 21:10 |顯示全部帖子
rainting 發表於 20-10-21 11:36
我女今年8歲,讀小三,由K3開始老師覺得佢有讀寫困難,直到小一我女直情抗拒做功課,經兜兜轉轉睇精神科 ...

每個人都有強項弱項, 可留意囡囡有冇其他天份, 可能係音樂、運動、表演、推理、語言.....


珊瑚宮

積分: 124441

畀面勳章 BK Milk勳章


發表於 20-10-21 21:24 |顯示全部帖子
大笨鐘 發表於 20-10-21 11:59
佢有讀寫障礙,就唔會要佢抄,抄寫會令佢辛苦,試吓 phonics、串字,中文就拆字。搵吓咩方法對佢比較 work ...

係呀,我女小一個時抄冇咩用,我同佢好似唱歌咁,不停用口串,中文都係拆字等佢加深記憶,之後去補習冇耐就默到句子


珍珠宮

積分: 48600


發表於 20-10-21 22:06 |顯示全部帖子
回覆 rainting 的帖子

首先要休息夠瞓得夠,精神長期唔夠,佢地冇可能專注到,情緒行為都好受影響。做功課温書前,先俾佢地落公園玩跑跑跳跳盡情放電一個鐘。玩完至番屋企開工,咁會令佢地專注力好好多。呢樣我囝細個時睇既心理學家教的。
功課上唔好俾壓力佢,佢肯完成功課肯温書肯學就夠,真心講,對住我地呢類仔女,係唔可以求分數,心態係,學到幾多就幾多,只要肯學甚至有少少進步,都要讚賞佢,學啲野學得好唔好或入唔入到腦,自信心係好重要,連阿媽都覺得仔女唔掂,佢地又何來覺得自己有咁既能力去學果樣野?心態最緊要。必要時真係要擦阿囝阿囡鞋架。好似我囝咁,細個勁驚英文,我係都要佢學到,暑假買咗新課本會先同佢一齊預習,教咗佢一轉,字典都一齊查好哂,到開學番學老師再教,果啲已經係我囝學過既野,佢勁入腦又明顯學得開心咗。至此佢唔再驚英文。每次一有少少進步,我就擦哂佢鞋話佢不嬲都叻架啦!係學到野,係睇自己俾幾多力落去啫。跟住默書見佢記到多幾隻字,又同阿囝講,阿囝不嬲出名記性好架啦,您睇邊次公公湊您去邊度整鞋您過咗好耐都仲記得仲識帶媽咪去話俾媽咪知,您睇,您記性咁好,呢樣係您長處嚟架,趁仲有就好好發揮,等自己有樣野可以叻啲。呢啲說話,至少對我囝明顯發揮作用。其實終歸一句,都係先令佢地對自己能力有番自信心啫,求合唔合格只會進一步打沉佢地,相反,求進步只要有進步,無論多定少,進步同佢地好似集郵咁一齊儲,自信點都實在建立到。加油!

利申:我囝已經廿幾,雖然大年紀讀大專,但至少依家完完全全係靠佢自己能力繼續升學。唔係大學生,但我已感到自豪,阿囝好叻。


珍珠宮

積分: 48600


發表於 20-10-21 22:10 |顯示全部帖子
同埋學習温書方式試下有趣啲,冇咁悶又少份壓力,對佢地學習同入腦好大幫助。
文科中英文學吓拼音都有幫助,將啲發音形容得生動啲,加啲幻想,盡量揾啲野嚟聯繫拼音與拼音之間既關聯,好似formula或接龍作故仔咁,佢地容易啲學。


大宅

積分: 2395


發表於 20-10-21 22:13 |顯示全部帖子
rainting 發表於 20-10-21 12:49
回覆 199707100304 的帖子

學校有調適,抄寫會少,測驗改正會少,有縮小既默書範圍咁,而家小三又無網上家課欄 ...

本帖最後由 BB12345678 於 20-10-21 22:14 編輯

有無做讀障評估?識得個小朋友有讀障,佢睇到既完全同人地睇到既唔一樣。我哋睇到一個個字,但果位小朋友睇到既係一堆堆跳下跳下既野


大宅

積分: 4241

2020勳章


發表於 20-10-21 22:44 |顯示全部帖子

回覆樓主:

阿囡到中一先發現adhd加讀寫障礙,宜家專科話吃藥,我都擔心長期吃,對身體差


大宅

積分: 1337

2020勳章


發表於 20-10-21 22:47 |顯示全部帖子
eledak 發表於 20-10-21 12:25
點解我會咁問,因為我是phonics 老師。。
就算冇讀寫障,如果冇學phonics, 要串字都唔易。。
一學識左,根 ...

你講得啱 我小朋友學左幾年併音,而家小二,好多字都係拆個音黎默,一份默書,好快就溫晒
併音係我堅持一定要學既野


伯爵府

積分: 18384

2020勳章


發表於 20-10-21 22:53 |顯示全部帖子
fanny3315 發表於 20-10-21 21:24
係呀,我女小一個時抄冇咩用,我同佢好似唱歌咁,不停用口串,中文都係拆字等佢加深記憶,之後去補習冇耐 ...

我個仔好怕抄寫㗎!要佢抄喊都似,仲邊有情緒溫習吖?點入到腦喎?真係要投其所好,令佢覺得溫習唔好太悶。我個仔係靠聽嘅,所以我成日叫佢讀出聲,有時我又讀比佢聽!
未經許可,請勿轉載


珍珠宮

積分: 48600


發表於 20-10-21 23:02 |顯示全部帖子
回覆 POLLY88 的帖子

唔會長期食既,一般去到十二三歲,醫生都開始成日問停唔停葯,我囝細個時都係咁。


大宅

積分: 2395


發表於 20-10-21 23:20 |顯示全部帖子
~仔仔媽咪~ 發表於 20-10-21 23:02
回覆 POLLY88 的帖子

唔會長期食既,一般去到十二三歲,醫生都開始成日問停唔停葯,我囝細個時都係咁。 ...

我家16歲ADHD仔仲食緊藥


珍珠宮

積分: 48600


發表於 20-10-22 00:10 |顯示全部帖子
回覆 BB12345678 的帖子

佢本身情緒行為問題仲嚴重嗎?醫生一般十幾歲開始想小朋友靠自己控制自己,因為葯真係唔會預佢食一世喎。


男爵府

積分: 8048


發表於 20-10-22 00:31 |顯示全部帖子

回覆樓主:

我女幼稚園時check到專注力不足,讀寫障礙同埋手眼不協調,跟住帶佢上堂,佢幼稚園小學都係愉快學習嘅學校,係認字差d, 默書冇人咁叻,寫字冇人咁靚,學琴睇唔到琴譜咁囉,但原來冇問題架喎,一樣小學完成八級琴,入到b1中學,只要唔好俾咁大壓力佢地,多d陪伴,唔好俾佢覺得孤身作戰,我女就係人板一個


大宅

積分: 2647


發表於 20-10-22 04:04 |顯示全部帖子
回覆 哈利媽 的帖子

我嘗試以我認知及經驗試下解答你問題. 我教英語大約三年,教過好多小朋友(我估應該過百個)。Phonics來講主要是2至6歲學。如果你小朋友當初有正規學過,基本上一直上都不會有太大問題。你小朋友是第一次聽個字唔識拼出來,還是已經睇過認過個字仍然拼不出?如果是前者,這就是正常,因爲如果未見過個字,單憑聽發音而串錯是絶對有可能的。因爲英文同字都可以不同音, ea 可發long e, short e 以至long a 音...當然發不同音有時有根據可循,但有時係可以冇得解釋,總之就係咁發個音。所以學識Phonics不代表你就可以一聽個字就百分百串啱,因為phonics 的rules有太多exceptional case...

例如lead引領呢個字,裡面個ea發long e sound, 但同一個字意思變左鉛lead的話,入面個ea變左發short e sound..read,現在式的話,入面個ea發long e sound, 變左過去式,同樣串法,read入面個ea就變左發short e sound了..所以,同字可以不同音,同音也可以是不同字,拼音可幫到7,8成,其餘的訧需靠多閲讀多運用了。

學左係一定會方便左,估到7至9成有7至9成準確度已唔錯。你小朋友如果學完之後串字仍然唔太ok, 最大可能係佢之前學得唔好,可以係因為教得唔好,可以係師生比率太高1個吋好多個導師照顧不來,也可以係因為佢冇心機學(sorry我咁講但呢個都係一個可能性)。而家咁大個再補底都冇壞,可以試下自學,加油!


珍珠宮

積分: 35717

2020勳章


發表於 20-10-22 07:16 |顯示全部帖子
一杯凍奶茶 發表於 20-10-21 12:25
有事我同女溫書,溫到有啲字click住咗,我就會叫佢,搵個方法畫啲圖畫出嚟,方便你記住佢,例如HAIR

拎住 ...

呢個方法對樓主個小朋友work d, 如果抄寫有用的話,1早就work左

讀寫困難的小朋友要用特別的方法教,如這jm的方法,佢地係記到野但要用啱方法


男爵府

積分: 9231

2020勳章


發表於 20-10-22 07:25 |顯示全部帖子
eledak 發表於 20-10-22 04:04
回覆 哈利媽 的帖子

我嘗試以我認知及經驗試下解答你問題. 我教英語大約三年,教過好多小朋友(我估 ...

多謝意見,我覺得佢真係細時學得唔好,慢慢又怕咗冇信心,最大問題又唔願意花時間運用多啲,依家咁大先再學唔知仲有冇用
一個舊會員新嘅秘密身份, 哈哈!


大宅

積分: 2647


發表於 20-10-22 07:43 |顯示全部帖子
哈利媽 發表於 20-10-22 07:25
多謝意見,我覺得佢真係細時學得唔好,慢慢又怕咗冇信心,最大問題又唔願意花時間運用多啲,依家咁大先再 ...

點會冇用?學海無涯。
揾我教成人英語的成人都大把。成人學英語係爲工作或興趣,中學生爲往後學業咁解啫.
學習嘅野,當然早好過遲,但遲都好過冇。

問題係肯唔肯學,同有冇時間學。
我執過唔少學衰左的學生。有d小朋友可以學左兩年連基本野都錯。但有時又難怪出面d導師,佢地月薪制,教成點都收同一樣$,所以未必對學生有要求。家長唔識又冇測試小朋友,就會以爲出去學咁耐學識了。
我執番正的小朋友,矯正佢地錯的地方。我執咬字,口型,拼讀,逐樣執。會花d時間但見到佢地學番啱,大家都好開心。

鼓勵下你小朋友,而家咁大個自學都得,上YouTube 已有片學。加油!


伯爵府

積分: 18384

2020勳章


發表於 20-10-22 08:41 |顯示全部帖子
哈利媽 發表於 20-10-22 07:25
多謝意見,我覺得佢真係細時學得唔好,慢慢又怕咗冇信心,最大問題又唔願意花時間運用多啲,依家咁大先再 ...

如果已經好大個,佢又頂得住悶,可以直接學國際音標
未經許可,請勿轉載


水晶宮

積分: 68119

2020勳章


發表於 20-10-22 08:45 |顯示全部帖子
rainting 發表於 20-10-21 11:36
我女今年8歲,讀小三,由K3開始老師覺得佢有讀寫困難,直到小一我女直情抗拒做功課,經兜兜轉轉睇精神科 ...

我仔都成日遊魂、做咩都拖拖拉拉、學校已經好淺、再係咁我都情願佢食藥
個個老師都俾佢激到癲左

首頁
12345...7

尾頁

跳至
你需要登錄後才可以回帖 登入 | 註冊