母乳餵哺

跳至

首頁
1

尾頁
   0


大宅

積分: 1082


發表於 20-11-18 22:35 |顯示全部帖子
好多人話ftm泵奶係多餘,我都好認同,但真係冇辦法都要咁做。

個仔出世頭一星期全埋身,每日啜接近20個鐘。唔係講笑,除左食飯去廁所,其餘時間佢都係啜緊。

一星期後我入左院,用樽餵奶發現佢食得好快之後就開始左我嘅全泵之路。

人地話坐月唔掂水,需然老公呀媽都有幫手,但我都要狂洗奶樽奶泵。一日泵8次每次搞個幾2個鐘,冬天凍到死一個人半夜起身泵。我一個人湊仔,成日要放低佢喊坐係隔離泵。塞奶發燒試過,泵唔出係到喊更加係家常便飯。有段時間每日泵1公升,有時奶多到隔日幫bb奶奶浴又試過,cut奶後泵唔夠又喊過。

全人奶到13個月,腰痛得好犀利。講下我泵奶姿勢,由於我出奶太唔順,我係要跪坐係到,放2個樽係大髀上面,彎腰,兩隻手一邊擠一邊泵。唔擠係冇奶出嫁。長期彎腰泵奶,彎腰湊bb,再加上缺鈣,我條脊骨同腰都好痛。之後開始加奶粉。

Keep 住泵,奶愈黎愈少,奶粉愈加愈多。去到後黎每日只泵得60ml,4日夾埋餵一餐,實在太少所以只好放棄,完結左15個月嘅全泵之路。

呢15個月嘅母乳路好辛苦,但值得。各位努力緊嘅媽媽加油!!我先休息啦。


男爵府

積分: 6707


發表於 20-11-21 09:58 |顯示全部帖子
好厲害(emoji)(emoji)我都係全人奶,我都努力中


大宅

積分: 1082


發表於 20-11-23 22:24 |顯示全部帖子
悅甜mama 發表於 20-11-21 09:58
好厲害(emoji)(emoji)我都係全人奶,我都努力中

幾多個月呀?加油加油


男爵府

積分: 6707


發表於 20-11-23 22:37 |顯示全部帖子
28日大


大宅

積分: 3497

2021勳章


發表於 20-11-24 18:33 |顯示全部帖子

回覆樓主:

我都係全泵媽,請問點解會愈泵愈少既?我好驚keep唔到咁耐,想愈泵愈有,請教有咩心得?


大宅

積分: 1082


發表於 20-11-26 15:59 |顯示全部帖子
回覆 JoeyPC 的帖子

開頭狂泵,佢食一餐就泵一次都追到,後黎開始減泵就跌得好犀利,跟住13個月開始就唔知做咩開始泵唔出。
泵多d同飲好大量嘅水都有幫助呀4,5L1日,多奶茶都有d用。


大宅

積分: 3497

2021勳章


發表於 20-11-26 21:55 |顯示全部帖子
Aliciariten 發表於 20-11-26 15:59
回覆 JoeyPC 的帖子

開頭狂泵,佢食一餐就泵一次都追到,後黎開始減泵就跌得好犀利,跟住13個月開始就唔知 ...

謝謝妳,我現在一日泵6~7 次,半夜都起身泵,希望愈泵愈有啦,近排唔夠奶,阿b飲慣人奶又唔肯飲奶粉


男爵府

積分: 7491

2021勳章 笑得好勳章 BB防敏心得分享勳章 親子王國15週年勳章


發表於 20-12-1 16:36 |顯示全部帖子
你好叻
我做全奶媽 7 個月
之後開始返 PT
無耐轉全職
好懷念做全奶媽既時候呀


複式洋房

積分: 447


發表於 20-12-2 10:40 |顯示全部帖子
悅甜mama 發表於 20-11-21 09:58
好厲害(emoji)(emoji)我都係全人奶,我都努力中

加油呀,但係記住每一次喂完奶都一定要排清兩邊,無論BB食邊邊都好,都一定要兩邊排清,如果唔係好易會阻塞乳腺。


男爵府

積分: 6707


發表於 20-12-2 16:09 |顯示全部帖子
其實我內心好交戰,bb 每日食8餐,當中有5-6餐都埋身,但其實有時都唔知係佢飽唔飽,因為佢食到最尾會梅吓梅吓,但個胸又未淋曬,所以苦惱緊究竟泵出嚟用樽食好定埋身餵好?


大宅

積分: 1178


發表於 20-12-2 23:55 |顯示全部帖子
Aliciariten 發表於 20-11-18 22:35
好多人話ftm泵奶係多餘,我都好認同,但真係冇辦法都要咁做。

個仔出世頭一星期全埋身,每日啜接近20個鐘 ...

好有同感,我也是全泵媽,bb現在14個月大,奶量也越來越少。我也嘗試幫bb轉奶粉,好讓自己唔好咁大壓力。但bb唔肯飲奶粉,系米隻奶粉唔中意飲,還是我方法錯?請問你是如何幫bb轉奶粉?現在bb又唔肯飲奶粉,鮮奶也試過,也試過多隻品牌奶粉,但奶量越來越少,見到bb食曬支人奶唔夠仲哭,都不知如何是好!


大宅

積分: 1082


發表於 20-12-4 01:33 |顯示全部帖子
hihihicheung 發表於 20-12-2 23:55
好有同感,我也是全泵媽,bb現在14個月大,奶量也越來越少。我也嘗試幫bb轉奶粉,好讓自己唔好咁大壓力。 ...

我bb開頭都唔飲奶粉,之後沖淡少少又用水樽餵先開始飲d,遲下慣左再沖番正常


大宅

積分: 1082


發表於 20-12-4 01:37 |顯示全部帖子
悅甜mama 發表於 20-12-2 16:09
其實我內心好交戰,bb 每日食8餐,當中有5-6餐都埋身,但其實有時都唔知係佢飽唔飽,因為佢食到最尾會梅吓 ...
我仔都係次次梅下梅下1,2個鐘我先開始泵,但如果有得重新黎過我會繼續埋身,埋身最快最方便又唔怕奶壞抗體又最多。

我諗佢太細未食得好好,大d會食得叻d。如果你太攰佢又冇咩尿你就泵出黎試下。


男爵府

積分: 6707


發表於 20-12-4 03:51 |顯示全部帖子
Aliciariten 發表於 20-12-4 01:37
我仔都係次次梅下梅下1,2個鐘我先開始泵,但如果有得重新黎過我會繼續埋身,埋身最快最方便又唔怕奶壞抗體 ...

bb而40日大,每日8餐,埋身比泵奶樽係6:2,見佢埋身好似進步咗,下次見姑娘度重,睇吓重量有冇進步,再睇下需唔需要調整,我太累,最多早晚泵一次。

首頁
1

尾頁

跳至
你需要登錄後才可以回帖 登入 | 註冊