單親天地今日: 1|主題: 18272

收藏本版

發帖

返回列表

跳至頁

查看: 4997 | 回覆: 1

希望大家可以比意見。。。 [複製鏈接]

zitengyimijin

洋房

積分: 63

1^#

發表於 20-11-26 05:59 |只看該作者 |倒序瀏覽 |打印

本帖最後由 zitengyimijin 於 20-11-26 06:14 編輯

九年前同前夫生左個女，個女一歲唔夠前夫因為唔想負責任所以一走了之，之後因為返工所以媽媽幫我湊。前夫走左四年，我識左丫C，同丫C一齊左兩年有左BB，丫C叫我生出嚟話佢唔會不負責任，我考慮左好耐結果生完B之後先發覺到佢原來日日返工但冇錢比我係因為佢用盡所有錢整車，發生太多事之後我同丫C分開，佢帶埋個女走左一個月就話帶個女比我見，佢帶個女上屋企當時個女病左，我見佢湊個女好細心，令我覺得丫C佢真係成個人改變左，以前完全唔會幫手湊變到好細心照顧個女，當時佢要求我唔好返工，佢比錢我湊返個女。咁我應承左，由佢帶個女返黎開始佢不斷叫我比多次機會佢，佢話佢會改過，唔會再好似以前咁對我。結果佢用左幾個月時間令我覺得佢真心改過同埋我都唔想兩個女都冇爸爸所以我接受返佢。之後直到今年我又懷孕。佢都叫我生，但我話我好驚生完之後又會好似以前咁發生咁多事，因為之前兩次都生完B之後就好多唔開心既事發生，令到我由第一胎開始已經有產後抑鬱症，睇醫生至今，佢話之前分開過一次就係覺得冇左我唔得所以先為我改變，所以保證唔會再發生。懷孕期間佢對我真係好好，結果生左一個好健康嘅B出嚟，因為之前兩胎出世時都過輕。
但係估唔到生完B出院回家開始，所有事又開始慢慢發生。。。生完BB至今只有個半月。。。真係好傷心。。。
我想問下我應該點做？我應該將兩個仔女都比佢帶走？還是我自己要返？如果我自己要返就冇經濟能力負擔。。。如果比佢帶走我又唔捨得。。。因為佢而家一心只想走，而我都接受唔到一個完全唔理我感受既人。。。佢唔理我既程度已經去到見到我自殺都可以當冇事發生走去訓教。。。我真係唔知點算好。。。生完B之後又開始厭食，生完B至今已經輕左20kg。。。生完B之後唔止我同老公之間出現咗問題。。。連我媽媽。。。即係一直幫我湊我同前夫生的女既媽媽都出咗事。。。BB出世半個月我媽媽唔舒服入咗醫院。。。醫院證實左我媽媽有癌細胞仲已經擴散到其他位置。。。呢件事發生得太突然。。。所以我真係好多野煩真係唔知點算好。。。