夫婦情感

跳至

首頁

尾頁
   2


民房

積分: 23


發表於 20-11-30 00:54 |顯示全部帖子
超長文……


我同我老公今年已經一齊第十九年,喺我哋拍拖第八個月時,佢有第三者,
佢選擇同第三者一齊要同我分手。

我同我老公都係對方嘅初戀,
我哋同年,我外貌中上,有身材c cup,
性格平易近人,一直都好多人追,
但係我鍾意我老公,所以我選擇咗佢。

第三者大我哋四年,外貌可以用醜嚟形容,
外表比真實年齡大八歲以上,
衣著打扮亦有師奶feel,而且係飛機場。
(唔係因為佢係第三者就故意踩低佢,佢的確外表係咁差,老公都認同。)

我老公同第三者識咗一個星期就選擇同佢一齊,
當時我問我老公,我有咩比唔上個第三者,
佢話第三者成日讚佢,讚到佢好好,
第三者令到佢好有虛榮心,依啲嘢係我畀唔到佢。

呢件事令到我有抑鬱症,我自殺,
老公知道咗之後搵返我,佢覺得要負責,所以同返我一齊,
雖然係同我一齊返,但嗰兩個月佢日日喺我面前同第三者傾電話,
有一日仲問我,放佢同第三者一齊一個月,之後再同返我一齊得唔得,
我當然唔畀,佢再問我,咁佢哋做兄妹可唔可以,
然後嗰晚佢哋仲見咗面,當晚我再自殺,
老公之後話好後悔,唔會再同第三者見面聯絡。

喺之後嘅日子,佢對我真係好好,冇再對我唔住,
成日讚我,話我份人真係好好,
啲同事都好羨慕佢老婆咁好,
佢仲成日讚我身材好,讚我靚,
我依十幾年一直覺得好幸福。

我因為有抑鬱症,之後發展成抑鬱+驚恐+焦慮症,
加上體弱多病,所以我十幾年嚟都返唔到工,亦生唔到小朋友。

幾日前同老公傾計,傾大家嘅理想型,
佢話當初個第三者完全係佢嘅理想型,
唔靚,唔會多人追,個胸平平地夠可愛,一直唔鍾意大胸,
而且性格一流夠開朗,願意工作又願意生小朋友。

我聽到之後好心寒,
一直以嚟佢讚我性格好,讚我靚讚我身材好,
但原來都唔係佢所鍾意,
我唔想開朗咩?係佢令到我有抑鬱㗎,
我唔想工作唔想生小朋友咩?我都想我身體健康啊!

我突然間覺得佢好陌生,佢同我一齊係咪因為責任啊…
我喊到癲咗,佢仲話選擇咗同我一齊咪得囉,唔覺得有咩問題。


大宅

積分: 1236


發表於 20-11-30 00:59 |顯示全部帖子
beckyng444 發表於 20-11-30 00:54
超長文……

但當初你用自殺黎威脅佢同你一齊
留得住人 留唔住心呀
不過佢現在對你好嗎


民房

積分: 23


發表於 20-11-30 01:08 |顯示全部帖子
回覆 fungbee 的帖子

我冇諗過自殺威脅佢同返我一齊,我當時真係難過到想死,
諗住自己喺屋企死咗算,
咁啱朋友打電話畀我,
我喊到癲咗,
我朋友知道我自殺,
係我朋友通知佢。

依十幾年佢都對我好好嘅,
所以我先覺得佢究竟係咪因為責任所以先繼續同我一齊。


公爵府

積分: 29789

2021勳章


發表於 20-11-30 01:18 |顯示全部帖子
beckyng444 發表於 20-11-30 01:08
回覆 fungbee 的帖子

我冇諗過自殺威脅佢同返我一齊,我當時真係難過到想死,
我會將責任視為愛的一種。
無需去分得那麼清,是責任還是愛,享受當下他給你的好「處」。

Love is when the other person’s happiness is more important than your own  ~ H. Jackson Brown


民房

積分: 23


發表於 20-11-30 01:29 |顯示全部帖子
回覆 858D 的帖子

我好容易諗埋一邊,亦都好硬頸…我覺得好難過,原來一直以嚟嘅讚美說話都係假,
原來喺佢心目中,最好嘅始終都係嗰位第三者…
對我嚟講,責任唔等如愛,我接受唔到同我一齊原來係責任。


大宅

積分: 2328

2021勳章


發表於 20-11-30 01:40 |顯示全部帖子
beckyng444 發表於 20-11-30 01:29
回覆 858D 的帖子

我好容易諗埋一邊,亦都好硬頸…我覺得好難過,原來一直以嚟嘅讚美說話都係假,


其實你都唔駛咁激動丫. 你老公貪個第三者亦都唔係"愛"
佢又唔係中意個第三者, 佢貪佢唔靚, 走唔甩, 易控制
性格開朗tum 到你老公開心, 貪佢會賺錢同時又做生仔機器. 老老實實, 我唔會想自己因為呢啲原因而做左人地理想型囉.

你都唔好恨呢啲啦. 而且不嬲幻想總是美好. 所有人都係掛住啲得唔到的東西ga la.

點評

varievarie    發表於 20-11-30 23:22


大宅

積分: 2441

2021勳章


發表於 20-11-30 01:57 |顯示全部帖子
回覆 beckyng444 的帖子

其實靚與唔靚 身材好定唔好 全部都係出於你老公自己既審美角度與定義啫 聽過有男人講 D cup都算細啦 我地覺得好靚既明星 男人又未必覺得靚 唔洗咁在意


大宅

積分: 3174

2021勳章


發表於 20-11-30 02:42 |顯示全部帖子

佢同你講嗰個係理想型,1 佢放低哂心中無鬼先會同你講 2 理想型還理想型,唔代表唔滿意現在,唔代表佢對你嘅讚美都係假

快睇以為係最近經歷,認真睇多次 第三者已經係剛一齊嘅事,呢十幾年佢對你唔差,為何要將自己困禁在十幾年前...
男人同咗你一齊唔一定覺得那個第三者好啲,只不過想當年他覺得那些條件令他心動過啫


禁止發言

積分: 8215

2021勳章 畀面勳章 BK Milk勳章


發表於 20-11-30 06:20 |顯示全部帖子
提示: 作者被禁止或刪除 內容自動屏蔽


複式洋房

積分: 374


發表於 20-11-30 07:29 |顯示全部帖子
chkkkkk567 發表於 20-11-30 06:20
有冇諗吓如果當年放下,可以換來健康的一生,仲可能會有小朋友呢?

好多太太都係因為執著而破壞自己人生,用小朋友、家人做藉口唔願離開已變心老公,其實唔想被第三者取代自己位置先係原因。


大宅

積分: 3230


發表於 20-11-30 08:12 |顯示全部帖子
beckyng444 發表於 20-11-30 00:54
超長文……

樓主,首先,生命無價,先要愛惜自己才能愛身邊的人。
不要為任何人任何事放棄生命。


十幾年前你老公放棄第三者,選擇同你一齊,唔多唔少都是因為你自殺,他覺得自己承擔不起。至於你把自己同第三者做了個比較,你認為自己外在條件勝過她,但在我看來,你忽略了一個重點,你老公覺得他得到第三者的欣賞,而這種優越感你比唔到他。你老公這十九年對你怎樣?如果你們的恩愛的,他現在坦承當年的她才是他的理想型,他也許已經把你視為他的知己,他可以同你傾心事。從你的文字裡,我反而同情你老公,雖然他早已放下了她,但這些年來他心深處可能感到些少遺憾(尤其如果他很想要小朋友)。

如果現在你和老公相處沒有問題,我建議你思考下你對他的態度,欣賞他,多些表達你對他的愛。
你老公的理想型,只是“當年的她”,你應該令老公更愛“現在的你”,不要因為老公對你提起“理想型”而鑽牛角尖,更不必有情緒的激動。


最後,直接問你一句,你覺得你的情緒健康如何?我建議你關注自己的情緒,或者尋求專業人士幫忙。


男爵府

積分: 5449


發表於 20-11-30 08:18 |顯示全部帖子

回覆樓主:

你老公本身可能無自信,有自信唔洗人讚攞成就感,結左就唔好想太多重問咩理想型,之前果個因為得唔到所以覺得佢好


男爵府

積分: 9199


發表於 20-11-30 09:04 |顯示全部帖子
beckyng444 發表於 20-11-30 00:54
超長文……

我以男性的角度, 又分享一下 :

1/ 第三者令到佢好有虛榮心 --->
感覺你老公都幾幼稚, 第三者咩都無競爭性, 唔靠把口靠什麼? 你老公真係易比人逗到...., 除非你當時的性格不好才有機會比人埋身. 我以前都試過, 有個女仔樣貌身材也麻麻, 但千依百順, 我們未開始, 但真的不是我想的一類, 就算點幫我點令我有虛榮心出現都沒用, 但對方實在太熱情, 可以問可否錫我, 我緊係唔比啦.........在當時未拍拖的我, 又難有藉口拒絕, 2個月後認識了太太, 2個女仔, 怎樣選擇呢? 我以當時閉起眼, 心裡想那位便是那位, 就是這樣的選擇, 選擇了便要恨心和決心, 不能拖泥帶水.

2/ 幾日前同老公傾計 ---->

男人想分享想法給太太, 也不能太直接, 不然令太太不開心, 又攪到自己, 會是太on 居的事情. 我婚後也遇個一位, 應該可以令自己動心的女仔, 我太太有時也會比人話靚, 但她的靚真係高好多, 係推門入餐廳, 到你離開, 她也會成為男性的注目, 以前你唔會發覺, 但當一位咁既人坐係你身邊, 原來真係有種虛榮心, 不知她為何沒拍拖, 家有米, 獨女, 本以為花瓶收兵, 起初有點不喜歡她, 但之後發現她性格很好, 很大體文靜, 很喜歡靜靜地坐在你身邊不出聲, 期待你找她教她, 她就好像在等你這樣的, 我心感, 她應該是我以前想找的女仔, 但我也沒有因為咁, 而嘗試跟她進一步的試探.

人是要負責任的, 而且太太已很好, 足夠便夠, 人要知足. 我們認識了2個多月便離開了此公司, 或者其中也有點唔想跟她接觸太久吧, 哈哈, 我也想不清...., 因為之後會很多機會跟她單獨出差的.... (我比其他男人怪, 其他男人會求之不得)

兩年後再次遇上她, 她突然對我很熱情, 心諗應該以前是有機會的, 回家把這事也當趣事告知太太, 當然也要有技巧啦, 我跟太太說, 早知當時找她做二奶來服待你啦, 其實也是得啖笑, 太太只回了一句, 你是否想得太多.....

其實做人做事, 不要介意太多, 你老公處理沒技巧, 那就避談以前的故事吧, 又或把沒技巧的人印(記)在你老公的額頭上, 令自己不要太計較他說的話, 人是向前走的, 令自己失去狀態是沒意思的, 只會令自己沉下去, 失去的便會更多.

我以前太太經常說健康不好, 不想生孩子, 因為我愛太太, 所以我說不生也不要緊, 因為我覺得家庭是由2個人來建立出來, 這句說話也是真心的, 孩不孩子只看有沒有緣份吧, 就算現在生了孩子, 我也希望當他自立後, 可拖著太太的手, 繼續拍拖, 享受我們餘下的人生.






點評

小菜豆    發表於 20-12-1 09:52


男爵府

積分: 5774

2021勳章


發表於 20-11-30 09:15 |顯示全部帖子
beckyng444 發表於 20-11-30 01:08
回覆 fungbee 的帖子

我冇諗過自殺威脅佢同返我一齊,我當時真係難過到想死,

十幾年前既野,兩夫妻傾吓偈你又認真起上黎諗呢諗路 佢個心既想法唔重要亦控制唔到,佢呢十幾年個人同行動都已經係同你一齊對你好好仲要照顧埋情緒病既你,其實你仲想點... 連一點點想法都唔可以留俾他人?


大宅

積分: 2272

2021勳章


發表於 20-11-30 09:54 |顯示全部帖子
honeybid2 發表於 20-11-30 09:15
十幾年前既野,兩夫妻傾吓偈你又認真起上黎諗呢諗路 佢個心既想法唔重要亦控制唔到,佢呢十幾年 ...

X2


大宅

積分: 1500

2021勳章


發表於 20-11-30 10:14 |顯示全部帖子
PTMCYS 發表於 20-11-30 09:04
我以男性的角度, 又分享一下 :

1/ 第三者令到佢好有虛榮心 --->

本帖最後由 cupid0627 於 20-11-30 10:33 編輯

同意呀,完全唔明白點解有男人會同老婆講,另一個女人先至係佢嘅理想對象型
好多姊妹話十幾年前嘅事,樓主唔需要介意,但係我好明白樓主嘅諗法
因為我都好執着,男朋友話佢前妻係好情人,我會係好老婆,我都癲咗


男爵府

積分: 7475


發表於 20-11-30 11:02 |顯示全部帖子
首先你要冷靜, 不好意思, 單從你的字句, 我很驚你, 你給人很有壓迫感, 老公有第3者, 就要去死, 同老公傾下計, 又話唔滿意對方所說內容, 唔掛得之佢要不停對你講讚美說話啦, 其實你老公活得不開心

我不看人外面, 幾靚都會老, 最緊要系個性格同人品


大宅

積分: 3843

2021勳章


發表於 20-11-30 11:22 |顯示全部帖子
cupid0627 發表於 20-11-30 10:14
本帖最後由 cupid0627 於 20-11-30 10:33 編輯

同意呀,完全唔明白點解有男人會同老婆講,另一個女人先 ...

我老公唔使講都知佢想要咩理想型:係有錢,有學歷,有身材,温柔體貼,有咩事可幫倒佢唔使佢煩。我以上一樣都冇

點評

小菜豆    發表於 20-12-1 09:54


子爵府

積分: 11275

2021勳章


發表於 20-11-30 11:38 |顯示全部帖子

回覆樓主:

呢個post的回應好正。

早兩日fb睇到段帖,希望分享下

這些人都活的很累

1. 重感情的人
2. 愛胡思亂想的人
3. 心軟的人
4. 學不會放下的人
5. 太懂事的人

本來自己都有感情煩惱,睇完反而釋然了。
[img align=right]http://i116.photobucket.com/albums/o21/keiyan76/CEO.gif[/img]


別墅

積分: 707


發表於 20-11-30 11:41 |顯示全部帖子
樓主自我感覺太過良好...

首頁

尾頁

跳至
熱門主題
你需要登錄後才可以回帖 登入 | 註冊