夫婦情感

跳至

首頁
12345...6

尾頁
   12


大宅

積分: 1399


發表於 20-12-4 12:01 |顯示全部帖子
經過果次之後,我地嘅感情又再一次昇華!出左黎社會之後幾年,我地各自都搵到份唔錯嘅工作,算係搵到D錢,所以我地每年都會去幾次旅行!
(注:由第一份工開始,我嘅所有收入都係卑佢管理,因為我無麥概念,而且咁麻煩嘅野,佢又好鍾意處理,所以我一直都唔會過問,全權卑佢打理)
我地所有去嘅地方,無論係食嘅、用嘅、住嘅、見識嘅、都係我地之間既第一次!所有野都好新鮮好美好!唸返起,真係無憂無慮!直到有一次,去完旅行返黎無耐,佢有左!今次,感覺完全唔同,我好興奮,好開心!唯一有少少瑕疵嘅係,我地仲未結婚,之後我地開始好忙,一邊準備結婚嘅野,一邊計畫將來!


大宅

積分: 1696


發表於 20-12-4 15:11 |顯示全部帖子
木子高 發表於 20-12-4 12:01
經過果次之後,我地嘅感情又再一次昇華!出左黎社會之後幾年,我地各自都搵到份唔錯嘅工作,算係搵到D錢, ...

等緊你第七


大宅

積分: 1399


發表於 20-12-4 15:40 |顯示全部帖子
木子高 發表於 20-12-4 12:01
經過果次之後,我地嘅感情又再一次昇華!出左黎社會之後幾年,我地各自都搵到份唔錯嘅工作,算係搵到D錢, ...

回憶遍#7
我仲記得佢入產房果日(因為我都幾怕見血)所以一直都係唸住由佢阿媽陪產比較合適。不過去到最後一刻,醫生問邊個會入產房陪產,我唔知邊度黎嘅勇氣,衝口而出:「我!」我覺得咁重要嘅時刻,應該係由我陪佢一齊渡過先啱!
入到去,佢見到係我,都覺得好出奇「點解係你既?」我無回答,不過我知道佢應該會好開心。其實產房並沒有想像中咁可怕,裝潢很簡單,一張生產專用嘅病床,同埋放有少量醫療用品既手推車係旁邊。剛開始,只有護士定時入黎檢查(因為要開到一定嘅度數先可以進入生產階段) 由早上8點幾入去,等到夜晚10點幾,呢十幾個鐘,可以話係我人生經歷得慢長既時間!


大宅

積分: 1399


發表於 20-12-4 15:46 |顯示全部帖子
木子高 發表於 20-12-4 15:40
回憶遍#7
我仲記得佢入產房果日(因為我都幾怕見血)所以一直都係唸住由佢阿媽陪產比較合適。不過去到最後一 ...

回憶遍#8
睇到佢個樣,我好心痛,但又咩都幫唔到。
我仲搞笑到,講笑話卑佢聽,唸住可以分散注意力,事實證明,我做多左!
心唸(BB 媽媽好辛苦啊!你乖D啦,快D出黎啦!)
終於,係夜晚11點幾,姑娘再入黎檢查果時,突然間大叫「快,快D準備,可以喇!」跟住,我見到有一個感覺好有經驗嘅女醫生走左入黎「先生,你先到出面等陣,轉頭安排好會再叫你!」無耐,聽到醫生叫我,先戰戰兢兢咁行入去,經過病床,我嘅目光刻意避開「果個方向」佢地嘅動作好快,將一切要用到嘅器材都排放好,正式開始進入直路!佢痛苦嘅表情比啱先更加誇張,抓住我隻手嘅力道,我好清楚,事後睇返,我隻手都瘀左。


大宅

積分: 1399


發表於 20-12-4 16:14 |顯示全部帖子
木子高 發表於 20-12-4 15:46
回憶遍#8
睇到佢個樣,我好心痛,但又咩都幫唔到。
我仲搞笑到,講笑話卑佢聽,唸住可以分散注意力,事實 ...

回憶遍#9
正當我NO99咁企係度。隔離產房「先生!你企響度,無用咖!幫手搽下汗同鼓勵下喇!」
哇!原來隔離房都有個同我一樣既先生,企響度唔知做麥噶!
聽完咁講,我即刻肉緊起黎,叫到好似睇世界杯咁「老婆!加油!老婆!加油!...」
經過一番努力,終於見到BB個頭出左黎,哇!我好似中左金多寶咁,hight(emoji)到呢!叫到成間醫院都聽到咁濟!估唔到,我竟然唔驚,之前嘅擔心係多餘嘅!
BB出左世,姑娘抱住BB,講左一句「好似爸爸窩!」我第一次係陌生人面前流下男兒淚!望住BB,再睇下佢「老婆,辛苦妳喇!」我再一次輕輕咁係佢額頭錫咗一啖!同第一次(偷錫)佢感覺完全唔同,呢次係感恩,係愛啊!!!


大宅

積分: 1399


發表於 20-12-4 16:45 |顯示全部帖子
木子高 發表於 20-12-4 16:14
回憶遍#9
正當我NO99咁企係度。隔離產房「先生!你企響度,無用咖!幫手搽下汗同鼓勵下喇!」
哇!原來隔離房 ...

回憶遍#10
之後坐完月,因為順產,所以恢復得好快!年紀亦都有幫助恢復,當時佢22歲。不過意外嘅係,佢生完BB,竟然瘦左又靓左!開始有人妻味!自從BB出左世,餵奶,換尿片,沖涼,洗頭,完全難唔到我!尤其係BB未戒夜奶之前,每晚都都係我黎負責,雖然好累,不過我樂在其中!
時間過得好快,大B一歲多D,我地兩公婆再一次去完旅行返黎,佢又有左!(^_^)v
有過一次經驗,今次由作動到入產房,我地都完全掌握到節奏同流程。前後大約三個鐘搞掂!
同上次一樣,佢恢復得好快!更不可思義嘅係,佢又瘦左,身材好更好更有女人味!(注:150幾cm-40幾kg) 比起以前,足足輕左1/3 =.=#
難以置信!


大宅

積分: 2906


發表於 20-12-4 17:56 |顯示全部帖子
木子高 發表於 20-12-4 16:45
回憶遍#10
之後坐完月,因為順產,所以恢復得好快!年紀亦都有幫助恢復,當時佢22歲。不過意外嘅係,佢生 ...

真係瘦。我都15x .最重6x kg,減左30磅。而家都有50.....kg


伯爵府

積分: 15537


發表於 20-12-4 18:36 |顯示全部帖子
回覆 木子高 的帖子

你一個情節都講得咁仔細,一定好愛佢先會有咁深刻既印象喇!講到好似青春小說咁
有你每一天在我身邊,活著是多好和幸福,多謝你!我愛你


男爵府

積分: 8215

畀面勳章 BK Milk勳章


發表於 20-12-4 19:02 |顯示全部帖子
做咩唔一個故仔出晒


大宅

積分: 1399


發表於 20-12-4 19:15 |顯示全部帖子
green1apple 發表於 20-12-4 18:36
回覆 木子高 的帖子

你一個情節都講得咁仔細,一定好愛佢先會有咁深刻既印象喇!講到好似青春小說咁 ...

因為真實,所以細緻!


大宅

積分: 1399


發表於 20-12-4 19:17 |顯示全部帖子
chkkkkk567 發表於 20-12-4 19:02
做咩唔一個故仔出晒

我係即場回憶寫ga
同埋每次post都有字數限制


大宅

積分: 1399


發表於 20-12-4 19:20 |顯示全部帖子
ckcpooh 發表於 20-12-4 17:56
真係瘦。我都15x .最重6x kg,減左30磅。而家都有50.....kg

加油!減到肥,唔單止健康,著衫都靓D,影相都自信喇!


大宅

積分: 1399


發表於 20-12-4 19:46 |顯示全部帖子
木子高 發表於 20-12-4 16:45
回憶遍#10
之後坐完月,因為順產,所以恢復得好快!年紀亦都有幫助恢復,當時佢22歲。不過意外嘅係,佢生 ...

回憶遍#11
之後佢仲開始左做埋gym,不知不覺間,佢嘅自信亦都慢慢返左黎。記得當初,每次影相,佢都會盡量避免。到依家同佢出街,當經過一D有反光可以照到自己嘅地方,佢都會不自覺地照下自戀下!平日IG、Facebook、微信都有好多靓相分享!有運動嘅、有化妝品嘅(佢返Counter)有食物嘅(真心佢煮野食好叻!基本上無論中餐定西餐都難唔到佢,可能係因為佢屋企D親戚朋友都係大廚,亦都可能D肥妹對食比較有要求)我身邊D朋友仔、同事仔,都好羨慕我!讚我有眼光,取左個又靓又叻既老婆!發夢都無唸過會有咁嘅一日。當初一齊全因為佢對我嘅好!我係佢嘅全世界!昔日嘅醜小鴨竟然變左天鵝!


伯爵府

積分: 17367


發表於 20-12-4 20:18 |顯示全部帖子

回覆樓主:



大宅

積分: 2225


發表於 20-12-4 21:07 |顯示全部帖子

回覆樓主:

你太太都為你付出左好多...(emoji)(emoji)


大宅

積分: 1399


發表於 20-12-4 22:01 |顯示全部帖子
木子高 發表於 20-12-4 19:46
回憶遍#11
之後佢仲開始左做埋gym,不知不覺間,佢嘅自信亦都慢慢返左黎。記得當初,每次影相,佢都會盡量 ...

回憶遍#12
好景不常,上年嘅社會運動加今年嘅疫情,我地做零售業嘅,首當其衝,生意一落千丈,根本搵唔到食!就係今年7月左右,佢轉左份工,去左做保險。
佢嘅啊頭係我舊同事,都認識左差唔多7年。係大約5年前,佢去左做保險,呢幾年見佢發展得唔錯,再加上佢卑人嘅感覺係穩重又擔當. <—(正能量人士)而且呢十幾年黎,我老婆佢手頭上都累積左好多國內同本地嘅客人,資源豐富,可以放心卑佢跟我舊同事學野。我老婆佢好快上手,一連幾個考試都係一take pass!自從佢正式攞到牌後,短短4個月就差唔多可以追到個龍獎(聽聞個獎都幾勁)佢經常見客,經常開會,有陣時仲搞到1,2點先返屋企。


大宅

積分: 2906


發表於 20-12-4 22:09 |顯示全部帖子

回覆樓主:

再追...


子爵府

積分: 11658


發表於 20-12-4 22:26 |顯示全部帖子
其實樓主寫呢啲出嚟.....係想寫回憶錄?
直覺上你最後會放棄呢段婚姻。


大宅

積分: 1399


發表於 20-12-4 22:29 |顯示全部帖子
木子高 發表於 20-12-4 22:01
回憶遍#12
好景不常,上年嘅社會運動加今年嘅疫情,我地做零售業嘅,首當其衝,生意一落千丈,根本搵唔到 ...

回憶遍#13
見到佢咁上進,咁努力,我都好戥佢開心!不過唔知係咪因為佢工作壓力好大,定係太累,我地之間嘅溝通少左,同樣親密嘅接觸亦都少左!(補充:雖然我地都一齊左10幾年,但係果方面從來無少過,佢大食我鹹濕,可以話係姣婆遇着脂粉客)
一直以來,佢都係一個有頭無尾嘅人(除左工作,佢工作起黎會好投入,好得人驚,佢係舊公司果時,係出曬名既Top sales,仲上過報紙添)日常生活,我就成日幫佢執手尾,留呢樣留果樣,10幾年黎都係咁。每晚臨訓前,都係我幫佢攞手機插電。就係上個月嘅一晚,係插電嘅時候,突然收到一條訊息。當時已經凌晨兩點幾,好奇心驅使下,我開左黎睇。


大宅

積分: 1399


發表於 20-12-4 22:41 |顯示全部帖子
dayedaye 發表於 20-12-4 22:26
其實樓主寫呢啲出嚟.....係想寫回憶錄?
直覺上你最後會放棄呢段婚姻。

其實,越寫到後面,一定會係有傷感既!
感謝你為我設想,不過放心!
依家我已經跨越左,若果真係要寫到最後,咪就係依家嘅我咯!
我會勇敢面對,我對佢用自己都好有信心!
心中有愛,會勝過一切!

首頁
12345...6

尾頁

跳至