c.vieri 發表於 21-1-18 08:39
啊男主角d戲份會唔會少左d呀
返黎救完老婆又走,佢2公婆梗係時辰八字相沖
小說裡面其實都係聚少離多,一個要保家衛國嘅軍人冇可能一日哺住個老婆嘛,唔係三皇子呢種媽寶爸寶,當守城告急,以為佢開竅幫手救助傷兵,點知去走埋去叫王儇走,又話城守唔住架啦,我係王儇就兜巴星佢,難為佢大隻騾騾,貪生怕死個樣真係令人睇佢唔起,慶功宴上借醉想搵蕭綦麻煩,以為可以激嬲蕭綦,點知自己丟架,司馬昭之心,路人皆見,又係果句:不作死,不會死。
話呢套劇權謀低能,我反而覺得呢套劇幾真實,由細愛錫王儇到大嘅人,一個一個利用佢犧牲佢:父親愛佢但更愛權,舅舅錫佢但更錫自己個仔,錦兒關心佢但更關心三皇子更想取代王儇,謝宛如同佢係閨蜜但佢謝家人間接因佢而死,王皇后由細睇到佢大但佢更要保住自己王家同太子,一個一個都選擇要殺王儇,只有蕭綦對佢最真最愛護,可惜抱負所在,王儇注定要自己面對好多腥風血雨。
同瑯琊榜一樣,呢班人全部都係親戚朋友,原本係親密不間嘅關係,因為野心權力而變成最能夠傷人嘅武器,人性最終都係自私嘅,算計人嘅人同時亦被人算計,以為機關算盡,到頭來峰迴路轉。
花旗太太生活在花旗國,留意時差,你問我未必即時答到。