影視娛樂

跳至

首頁
12345...24

尾頁
   1


超級版主

積分: 150330

牛年勳章 2021勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 21-1-14 13:09 |顯示全部帖子
chocolatebean 發表於 21-1-14 11:09
回覆 rose-mag 的帖子

我冇睇慶呀! 一套被稱為神劇, 睇左4集左右跳左

慶餘年又未去到神劇,始終都係播咗一季,第二季唔知會點,好似將夜1好睇,2就好難睇。慶餘年係比較特別,忠奸冇樣睇,表面以為忠,其實係奸,人物多又關係複雜。

上陽賦宋將軍演員叫劉端端,有6呎高,為咗考入中戲,佢一個月內減肥44磅,最後如願以償,佢仲係歌手同音樂制作人,多才多藝。佢有套雪中悍刀行拍緊,又係慶餘年嘅劇組,睇劇軌我幾期待。

慶餘年二皇子個古怪劉海造型好過癮,你留意吓宋將軍都係左邊有劉海
16106009929587640301839181279080.jpg

16106009930195314127290745315270.jpg

花旗太太生活在花旗國,留意時差,你問我未必即時答到。


珍珠宮

積分: 48991

牛年勳章 2021勳章 2018復活節勳章


發表於 21-1-14 13:21 |顯示全部帖子
rose-mag 發表於 21-1-14 02:00
第一集「捱過」後,後面就唔會覺得有太大違和,楊祐寧個角色越後越覺得佢冇用,同埋真係同楊個氣質唔夾, ...

周一圍係果時睇海上牧云記,佢樣唔係好得不過做戲幾好。
章子怡唔知硬係覺得佢個樣好似怪怪地咁,有時有d大頭戲影住佢,好似完全唔認得果個係佢咁。
楊佑寧個角式⋯完全投入唔到,睇左2集唔覺得佢溫文儒雅囉。

追完流金歲月有時間先再睇呢套


子爵府

積分: 14330

2021勳章 畀面勳章 BK Milk勳章


發表於 21-1-14 14:27 |顯示全部帖子
rose-mag 發表於 21-1-14 13:09
慶餘年又未去到神劇,始終都係播咗一季,第二季唔知會點,好似將夜1好睇,2就好難睇。慶餘年係比較特別, ...

睇到17,真係幾好睇,節奏快。第一眼見到宋將軍就覺得好熟面口,原來係2皇子。我一直都吾鐘意睇周一圍,覺得佢吾靚仔,但呢套睇佢演技又吾錯,真係演到內斂。


超級版主

積分: 150330

牛年勳章 2021勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 21-1-14 14:43 |顯示全部帖子
Connielai 發表於 21-1-14 14:27
睇到17,真係幾好睇,節奏快。第一眼見到宋將軍就覺得好熟面口,原來係2皇子。我一直都吾鐘意睇周一圍,覺 ...

第17集全集得王儇夢中一個鏡頭見到豫章王,打仗場面好緊張,然後見到個窩囊癈嘅三皇子嚟到,見到佢鞋口鞋面仲慘過死老豆果個樣,見住打仗攻城,佢作為皇子,唔識打都算,仲叫王儇跟佢走,心諗有冇咁乞人憎?有冇得咁癈?一對比豫章王心懷國家百姓,郡主又點會唔識揀,而且點可能咁冇廉恥,當日自已遲大到,錯過咗就錯過咗,有d責任係要擔架,作為男人,三皇子更不如太子。

花旗太太生活在花旗國,留意時差,你問我未必即時答到。


超級版主

積分: 150330

牛年勳章 2021勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 21-1-15 03:55 |顯示全部帖子
本帖最後由 rose-mag 於 21-1-14 22:31 編輯
c.vieri 發表於 21-1-13 21:21
周一圍係果時睇海上牧云記,佢樣唔係好得不過做戲幾好。
章子怡唔知硬係覺得佢個樣好似怪怪地咁, ...

周一圍樣真係麻麻,但戲幾好,我冇睇海上牧雲記,呢套周演得好內歛,眼神好多內心戲,見網上好多人被圈粉。佢演對王儇動心、救人、一路照顧好有愛得嚟好內歛,好多時說話點到即止,為咗顧及王儇感受,眼神、動作都粗中有細,呢個角色所表現出嘅反差絕對係女性殺手之冠,沙場上勇猛狠辣,對下屬體恤,對妻子忠貞、無微不至,既睿智狡猾,又溫柔沉著,想唔圈粉都難。

章子怡氣場有D太大,演少女過份成熟(唔關年紀事),而係有種太世故嘅感覺,佢樣係幾清,笑起嚟幾討喜,佢應該冇點整容,同初出道果套《我的父親母親》時個輪廓唔差太遠,不過我睇《臥虎藏龍》都覺得呢個女仔個樣係清純,但望落去城府好深。而家睇上陽賦都有呢個感覺,佢演唔出少女味除咗係年紀外貌之外,仲有係氣場太大,作為一個自小於宮中長大,備受各方疼愛嬌縱嘅天之嬌女,的確需要有傲氣,佢最初幾集的確係演得到果種刁蠻張揚嘅個性,但又不失活潑天真,隨著劇情發展,好快王儇就被逼面對殘忍嘅現實,佢一夜之間長大,明白及接受人生無常,更因為見到寧朔城居民及士兵嘅生活,佢唔再係養在深宮中嘅嬌花,經歷生死後變得堅強。書入面王儇同豫章王一別三年,呢三年佢獨守空房,怨恨呢個名義上嘅丈夫實在非常合理,而且佢見到世態炎涼,心態上同之前好大分別,兩夫妻再聚時佢已經18歲;但劇入面講只係分別3個月,再見三皇子時,兩人分別只有半年,心態轉變之大好似有點突兀,如果話三年就會合理D。

楊祐寧。。。已經講咗好多,好似好衰咁不斷話佢,不過的確係成套劇暫時一大敗筆,氣質唔夾,點演都死,而且唔只氣質唔夾,氣道都唔似一個皇子,古裝劇真係唔係個個識得演。咁多年,楊祐寧只係得《傾世皇妃》同《天龍八部》,後者演喬峰,形象粗豪還可以,但《上陽賦》三皇子係一個白月光,楊祐寧同三皇子嘅人設:京城美少年,風華第一、風儀俊雅、才貌非凡、溫雅如玉。。真係差得太遠啦,唔掂囉。

反而最初睇太子覺得又係一個人頭豬腦,點知睇下睇下又覺得其實佢唔差,係就係頭腦簡單又冇主見,但居然對自己妻子好好,演員話好似第一次演古裝,呢樣真係睇唔出,佢行路、舉手投足都做得好好。

另一個上面有JM提過:宋將軍,佢都好多戲,演豫章王手下猛將,因為護送王儇回京,有幾集非常多戲,呢個演員本身戲幾好,外形又高大,把聲好有個性。

當然好戲嘅仲有于和偉同袁弘啦,蔣愷演扮豬食老虎嘅皇帝都好好睇。呵呵,我寫下寫下變咗勸看文添~我開咗小說睇,小說唔係太長,不過小說同劇嘅結局唔同。

花旗太太生活在花旗國,留意時差,你問我未必即時答到。


子爵府

積分: 14594

2021勳章


發表於 21-1-15 14:15 |顯示全部帖子
唔知點解好多人覺得周一圍麻麻,但我睇完<長安十二時辰>後幾like佢,仲特登搵番演員的誕生睇,我明白點解章子怡會揀佢。

其實今次周的蕭綦和長安的蕭規角色有啲啲似,都係cool而不表露感情的人,果時我覺得佢好能夠表現出呢種特點,係個人氣質加埋演技塑造出來。佢在劇中,我認為比主角雷佳音仲要出彩。

我再無睇過佢其他劇,但係,單係長安,果時我就相信章子怡的選擇沒有錯。 


子爵府

積分: 14594

2021勳章


發表於 21-1-15 14:18 |顯示全部帖子
楊祐寧唔掂,除左個人之外,劇本寫佢都唔係幾夠全面,令我覺得呢個角色好浮游不定。佢個樣又唔係話樣衰既,有時樣好唔好都好睇劇本寫成點。


子爵府

積分: 14594

2021勳章


發表於 21-1-15 14:22 |顯示全部帖子
Connielai 發表於 21-1-14 14:27
睇到17,真係幾好睇,節奏快。第一眼見到宋將軍就覺得好熟面口,原來係2皇子。我一直都吾鐘意睇周一圍,覺 ...

其實overall我覺得套劇唔錯的,講真,章子怡演技真係無庸置疑的,其他果啲乜花物花根本唔係果個水平。
但話套劇係咪一點缺點都無,咁又當然唔係。我覺得係可以睇落去。
有時睇內地啲平台鬧套劇鬧到咩咁,就覺得好唔理性。


子爵府

積分: 14594

2021勳章


發表於 21-1-15 14:28 |顯示全部帖子
我一路睇呢套劇,覺得男女主角的故事同紅高粱入面,九兒同余佔鰲有點似。都係, 九兒原本有個青梅竹馬的愛人, 原本又想私奔, 但個男既都因為各種原因而no show, 結果九兒心碎了.

同一時間, 余佔鰲出現在九兒的生命中, 第一眼見九兒就愛上左佢, 但也知道九兒有愛人.
但余都三番四次咁救九兒, 結果九兒也因為余的男子氣慨而愛上佢.

當然, 劇情走向還是很不同的, 但, 我就是喜歡這類型的男女主故事.


子爵府

積分: 14594

2021勳章


發表於 21-1-15 14:29 |顯示全部帖子
我真係幾鍾意呢套劇的配角.
于和偉固然係, 劉端端、袁弘都好, 所以無懸念咁會開同追呢套.


超級版主

積分: 150330

牛年勳章 2021勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 21-1-15 14:55 |顯示全部帖子
青青河邊草 發表於 21-1-14 22:15
唔知點解好多人覺得周一圍麻麻,但我睇完<長安十二時辰>後幾like佢,仲特登搵番演員的誕生睇,我明白 ...

覺得周一圍麻麻應該第一個因為外型,始終唔係小鮮肉,唔係靚仔,更加唔係時下好興果種病弱嬌柔蒼白嘅小奶狗,呢一兩年興嘅耽改劇佢唔會有得演,另外佢之前曾經有段時間個人比較囂張,外型同氣質好油膩,上訪問節目曾經話佢老婆拍果種戲唔叫做戲,言語間貶低自己老婆,令人對佢印象唔好,佢老婆幫佢解話,話佢不擅辭令,唔想將私人生活公開。

我有睇過佢幾套戲,我覺得佢係有天份有思想嘅演員,佢冇演偶像劇主角嘅條件,但唔代表佢演技差,但佢唔係一直順風順水,中間有演錯咗嘅角色,近年幾套就幾好,呢次上陽賦一開播就俾人話佢同楊祐寧醜樣,拖低成套劇,但隨住套劇播下一集又一集,無論係蕭綦個角色本身,定周一圍嘅演技都受人喜愛,所以我話如果唔拘泥於女主角年齡同男主角顏值的話,呢套絕對唔應該錯過,起碼到而家播咗17集,劇情好緊湊,人物好豐滿,即使係配角都好高分。

花旗太太生活在花旗國,留意時差,你問我未必即時答到。


子爵府

積分: 14594

2021勳章


發表於 21-1-15 15:14 |顯示全部帖子
我睇到第八集啦,大婚真係好好睇。尤其係,蕭想拉王的手,但王動也不動,蕭唔理佢,自己行。咁簡單動作已好表現出人物性格。


珍珠宮

積分: 41840

2021勳章


發表於 21-1-15 15:27 |顯示全部帖子
青青河邊草 發表於 21-1-15 14:15
唔知點解好多人覺得周一圍麻麻,但我睇完<長安十二時辰>後幾like佢,仲特登搵番演員的誕生睇,我明白 ...
是章子怡親自選男主的? 你唔講唔知

我只睇佢套 煥臉, 真係唔吸引, 個樣太昂直, 比人好鈍好朱油膏, 一D都唔SMART唔MAN


子爵府

積分: 14594

2021勳章


發表於 21-1-15 15:33 |顯示全部帖子
chocolatebean 發表於 21-1-15 15:27
是章子怡親自選男主的? 你唔講唔知

我只睇佢套 煥臉, 真係唔吸引, 個樣太昂直, 比人好鈍好朱油膏, 一D都唔 ...

據話係章子怡揀, 因為佢係有份投資. 也有話事權.

周一圍我真係只睇過長安, 單論長安, 我覺得佢好得. 可能我Like呢類型, 樣唔係標準靚仔樣, 但做出果種不羈氣質。
章子怡本身係一個好強的女演員, 佢既角色預左係食住男一.
如果男一都係果啲典型靚仔小生樣, 我就覺得根本唔搭.
睇章子怡同梁朝偉的感覺.
但章子怡同張震呢啲, 你捉佢唔住的野馬Feel的男人配戲, 就會好夾.
長安中, 周一圍角色就係呢種, 所以我覺得章係有眼光。


珍珠宮

積分: 41840

2021勳章


發表於 21-1-15 15:33 |顯示全部帖子
我反而中意譚凱呢位演員, 佢做燕雲台好有型


超級版主

積分: 150330

牛年勳章 2021勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 21-1-15 15:34 |顯示全部帖子
青青河邊草 發表於 21-1-15 15:14
我睇到第八集啦,大婚真係好好睇。尤其係,蕭想拉王的手,但王動也不動,蕭唔理佢,自己行。咁簡單動作已好 ...

本帖最後由 rose-mag 於 21-1-15 15:50 編輯

你睇多幾集,更加不得了,細微嘅動作表情,甚至反應都暴露咗兩個人嘅小心思,王儇慢慢俾蕭綦嘅細心同人品溶化,久別重逢見到三皇子後,兩個男角色嘅對比可以話天同地,白月光原來只係得不到嘅遺憾,真正令人動心嘅係鐵漢柔情。

我呢,呢兩日翻睇咗11到17集兩次,跳咗其他人,只揀王蕭兩人互動嘅鏡頭仔細睇,另外打仗同武打鏡頭都好多,亦好認真。等你睇到再慢慢傾


珍珠宮

積分: 41840

2021勳章


發表於 21-1-15 15:35 |顯示全部帖子
青青河邊草 發表於 21-1-15 15:33
據話係章子怡揀, 因為佢係有份投資. 也有話事權.

周一圍我真係只睇過長安, 單論長安, 我覺得佢好得. 可 ...

所以唔會找羅晉


子爵府

積分: 14594

2021勳章


發表於 21-1-15 15:38 |顯示全部帖子
chocolatebean 發表於 21-1-15 15:33
我反而中意譚凱呢位演員, 佢做燕雲台好有型

佢係邊個? 皇帝?


子爵府

積分: 14594

2021勳章


發表於 21-1-15 15:39 |顯示全部帖子
chocolatebean 發表於 21-1-15 15:35
所以唔會找羅晉

找羅晉? 咪玩, 劇組怕鬼左佢老婆呀. 陣間又call齊馬上網黑自己老公.
之前<安家>已不斷踩羅晉靠孫儷.


珍珠宮

積分: 41840

2021勳章


發表於 21-1-15 15:39 |顯示全部帖子
青青河邊草 發表於 21-1-15 15:38
佢係邊個? 皇帝?
佢冇做上陽架!燕雲台做阿蛇老公

首頁
12345...24

尾頁

跳至
熱門主題
鄧倫 ... 2 3 4 5 6 .. 907
你需要登錄後才可以回帖 登入 | 註冊