少年成長今日: 2|主題: 15845

收藏本版

發帖

返回列表

跳至頁

查看: 9311 | 回覆: 0

邊有可能有主見！ [複製鏈接]

csir3290

子爵府

積分: 10912

1^#

發表於 21-1-17 10:45 |只看該作者 |倒序瀏覽 |打印

琴日湊咗阿仔阿女去咗學嘢，我哋兩公婆百無聊賴咁喺個商場度行順便幫佢兩個買下啲過年新衫。揀揀下突然間聽到有個爸爸都幾大聲咁話個仔，同個仔講話你咁大個仔應該自己識得揀衫係咁叫佢自己揀，我望一望其實又係兩公婆帶住個仔就入去揀衫，個阿媽就喺度幫個仔揀個仔就企咗喺隔離，可能爸爸唔滿意個仔冇乜意見或者唔主動去揀所以就咁大聲話個仔。我望一望個仔應該同我個仔差唔多大，大約四五年班，個細路應該當時都有啲尷尬因為突然間畀個老豆咁話，但係最奇怪係個仔畀爸爸話完咁開始揀啦！但係個老豆又諸多意見呢樣唔好嗰樣唔好，跟住我都冇睇落去揀完衫就同老婆走咗。

家長有陣時就係咁樣，覺得自己個細路長大應該要有主見自己話事，但係想畀佢話事之餘又唔尊重佢嘅決定，好似上面件事咁，揀衫咁細件事咁佢鍾意咪由得佢囉，橫掂都係佢著上自己個身度，咁多意見到頭來佢唔揸主意，家長又覺得佢冇主見。咁個細路仔就變得無所適從究竟想點呢！好多時又係嗰樣，家長覺得我畀意見佢都係為佢好佢應該跟我嘅意見行，佢唔跟就係唔尊重自己，有啲家長講就講到好似好尊重個細路仔咁，但係好多時我都聽到如果啲細路仔唔跟家長嘅意見，啲家長就會話咁你自己話事啦我唔再理啦。用冷暴力嘅方式去自細路仔跟自己嘅決定跟自己嘅意見，美其名就畀佢自己揀但係實際上就冇得揀。咁細路仔又點會有自己嘅主見呢！而且更加會越來越唔鐘意。

我個仔其實都有選擇困難症，講得好聽啲就係佢樣樣都冇乜所謂，有陣時同佢買衫都會遇到呢啲情況，但係我哋通常都唔會幫佢決定。為咗訓練佢自己揀自己決定，開始嘅時候我哋都知道咁多衫款佢好難揀，我哋就會揀幾個款然之後叫佢自揀，試過佢揀唔到咁我哋就算數唔買，揀唔到都冇乜問題，但係慢慢習慣咗佢而家去買衫都會有自己意見，雖然開頭佢都會講是但啦，但係我同老婆都會同佢講咁是但就算㗎啦喎，我哋唔會幫你揀㗎啱呀，我哋會同佢解釋因為我哋唔係佢肚裏面條蟲我哋唔知道佢想點，如果你成日同我哋講是但，咁我哋真係唔知點幫你揀。當然我哋都要尊重佢自己嘅諗法，為咗唔偏離太遠，我哋就會喺佢揀之前同佢講有一啲條件嘅限制例如佢太多邊一隻款嘅恤衫我哋會叫佢揀另外一種款式，又或者我條我個仔條要比較瘦咁我哋就會同佢講要揀一啲個褲頭可以交到鬆緊㗎。但係呢啲都開始揀之前同佢講咗，就正正係唔想喺佢揀嘢嘅時候我哋先至諸多意見呢樣唔好嗰樣唔好。總之你想細路仔自己有主見就要尊重佢哋嘅主見，唔係惡迫佢哋揀佢哋就會有自己嘅主見，而係要自細慢慢培養教佢哋點樣去選擇。之後尊重佢哋嘅諗法同埋意見，就算做錯決定都好，千祈唔好用一句「一早話咗你亅嚟打沉佢哋，反而係分析畀佢哋聽點解會錯咗個決定而將來要汲取教訓。咁樣細路仔先至會開始慢慢放膽去做決定。家長絕對要明白細路仔係唔會突然間變成有主見嘅人係需要慢慢培養同埋畀機會佢哋。

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 2|主題: 15845

少年成長今日: 2|主題: 15845