跟住我又係咁逼我老公要佢調理身體。我又好心急好想快啲再試,但係我覺得我同我老公乜乜嗰陣時佢真係好似喺度交功課,感覺係好難受。之後試咗幾個月都唔成功我直頭係會無端端坐喺度喊。跟住我老公係直接講如果我哋再咁樣落去可能兩個都會癲,就算真係有咗都會太過緊張。之後我哋就冇再積極試,我有時間就同friend去行山。跟著同老公關係好返,乜乜3次就bingo咗,依家啱啱pass 咗Nifty pro 先敢講。所以你除咗要好積極咁樣去預備做好多嘢之外,記得都要留意下自己同埋老公嘅情緒啊,我覺得情緒唔好其實都係會影響咗成功率㗎。