我想為法國醫院平反一下,我啱啱2月頭喺法國順產第二胎,第一胎做到全人奶,呢胎都想做到。之前都睇咗好多話法國醫院唔多支援母乳餵哺,所以都有心理準備。
但我發現係同傳聞唔一樣!佢係只定咗5個餵奶時間,但我同護士講想全人奶,佢哋就會配合,只要BB一喊就會召你去餵奶房餵奶,feed on demand, 不過我呢次生完太累,咁樣餵咗夜之後發現自己定唔順,第二日同護士話返,佢哋建議日間先feed on demand, 夜晚11pm後就餵水奶,第二朝8點又再feed on demand 咁,我覺得佢哋咁安排好好。