心聲留言

跳至

首頁

尾頁
   0


男爵府

積分: 6005


發表於 21-2-19 16:13 |顯示全部帖子
本帖最後由 滿足 於 21-3-17 13:35 編輯
rachel_ching 發表於 21-2-12 12:17
大家一齊傾偈



男爵府

積分: 6005


發表於 21-2-19 16:14 |顯示全部帖子
笨啤啤 發表於 21-2-12 18:37
係咪人到左某個年齡,都會少左朋友?
其實自己係咪要學會一個人獨處?
...
我相信好多人都會少左朋友嘅 ~~
係呀,我覺要學會獨處嘅時間呀,心情都會好啲 ~


男爵府

積分: 6005


發表於 21-2-19 16:18 |顯示全部帖子
rachel_ching 發表於 21-2-14 00:14
有時候, 人愈大未必係會愈少朋友, 但有時候我明白係香港有邊個會唔忙, 但忙極連whatsapp打幾句關心問候都 ...
人同人相處,不嬲都有機會係,你對人好,人地未必咁對番自己,你心淡絕交,都好正常嘅,有機會再識過啲朋友仔咯


男爵府

積分: 6005


發表於 21-2-19 16:19 |顯示全部帖子
小馮 發表於 21-2-15 22:59
我同你傾計
好呀,你呢?悶嗎?疫情嘅生活,有無唔同左呀?


洋房

積分: 47


發表於 21-2-19 16:23 |顯示全部帖子
滿足 發表於 21-2-19 16:14
我相信好多人都會少左朋友嘅 ~~
係呀,我覺要學會獨處嘅時間呀,心情都會好啲 ~
...

有時候一個人獨處果陣,忽然會有唔少負面思想。


男爵府

積分: 6005


發表於 21-2-19 16:58 |顯示全部帖子
笨啤啤 發表於 21-2-19 16:23
有時候一個人獨處果陣,忽然會有唔少負面思想。
獨處時,我都有唔少負面思想架,係幾難捱下,唯有分散注意力咯,睇下電視、上下網、聽下歌咯,你呢?


洋房

積分: 47


發表於 21-2-19 18:36 |顯示全部帖子
滿足 發表於 21-2-19 16:58
獨處時,我都有唔少負面思想架,係幾難捱下,唯有分散注意力咯,睇下電視、上下網、聽下歌咯,你呢?
...

我都係上網睇下電視,然後睇到悶就會係床上面發下夢,然後再睇下電視,再打下電動,如果真係獨負面思想,執房~斷捨離,好似煩惱都會少左 D~



男爵府

積分: 6005


發表於 21-2-22 15:29 |顯示全部帖子
笨啤啤 發表於 21-2-19 18:36
我都係上網睇下電視,然後睇到悶就會係床上面發下夢,然後再睇下電視,再打下電動,如果真係獨負面思想, ...
又係呀,斷捨離下,煩惱真係少D架~


複式洋房

積分: 439


發表於 21-3-5 15:14 |顯示全部帖子
滿足 發表於 21-1-29 19:20
近排生活苦悶,身邊無曬人咁,慣左傾計嘅我,好唔慣不喜勿插呀 ~~

我都冇晒朋友嚕。以前好介意,依家要活在當下,多左來呢度唔開心可以呻下。


洋房

積分: 91


發表於 21-3-6 10:42 |顯示全部帖子
笨啤啤 發表於 21-2-17 13:10
又或者...同你講:睇開D,等等既說話~
有時真係會覺得難聽過粗口~

本帖最後由 horizon08 於 21-3-6 10:44 編輯

同意!!不過我個fd唔係講睇開D,係我呻完D野,佢就搬自己D野出黎話“我嗰次.......,我係咪仲應該嬲過你/唔開心過你先??!!你話係咪先??”
幾次都係咁,好無癮,搞到你心情仲差!!有次佢又係咁,我終於忍唔住話“我宜家唔係想同你比較!!”
我以後都唔會再同佢講呢類嘢!!相識多年,但發覺愈來愈唔夾,成日扮講笑或自以為直腸直肚,說話就不理人感受,不斷啄住人、 challenge 人!我都愈黎愈寧願變孤獨精好過


洋房

積分: 91


發表於 21-3-6 10:58 |顯示全部帖子
滿足 發表於 21-2-19 16:18
人同人相處,不嬲都有機會係,你對人好,人地未必咁對番自己,你心淡絕交,都好正常嘅,有機會再識過啲朋友 ...

唔知咁樣係咪叫要求高??總覺得好朋友應該永遠傾談時都感覺舒服 (例如不會不斷 challenge你、不會你講某D野時,佢露出D不以為然不屑的表情),大家諗法價值觀喜好相近,有咩事會同對方講(例如突然在 whatsapp group消失了兩個月,肯定係有事發生,但回來後你問佢發生咗咩事,佢一句無事就算)~~

我要求好高嗎?我發覺我一把年紀仲未搵到真正的好朋友(更莫說甚麼閨蜜了),一向以為 friend 的朋友,相處耐咗,總會喺某D位感覺到同自己的“理想朋友”有落差


男爵府

積分: 6005


發表於 21-3-7 12:44 |顯示全部帖子
本帖最後由 滿足 於 21-3-7 13:50 編輯
horizon08 發表於 21-3-6 10:58
唔知咁樣係咪叫要求高??總覺得好朋友應該永遠傾談時都感覺舒服 (例如不會不斷 challenge你、不會你講某D ...

有時太理想化,朋友應該點,實會好失望,呢啲我都有好多經歷,因為每個人都有唔同性格、缺點,所以期望少啲,對人對己,都會開心啲,亦係保護友誼嘅方法之一 ~~~

你講到對方發生乜事,唔同你講,裡面可以係好多原因嘅,真正原因係點,只有對方知,當然我好明白你嘅無癮感覺,覺對方唔同你講,唔當你係好朋友啦,但無法架,佢唔想講,又可以點呢?唯有包容下咯 ~~~

至於,你話對方不屑嘅表情,咁睇下你有幾了解佢喇﹔講開又講,我上排都發生左一件咁嘅事,表面上我係無反應嘅,因為我仲想做朋友,但內裡係經歷左頗長時間嘅嬲怒,只係對方唔知啫,而家心情已平伏左喇。


係,仲未答你,其實我同你,對朋友都要求太高啦,唱歌歌頌嘅友誼,只係美化,人無完美,想有長久啲朋友,我地要去學習調節自己心態先得~~~ 我知講好易,但都要試下去做咯。


男爵府

積分: 6005


發表於 21-3-7 12:52 |顯示全部帖子
horizon08 發表於 21-3-6 10:42
本帖最後由 horizon08 於 21-3-6 10:44 編輯

同意!!不過我個fd唔係講睇開D,係我呻完D野,佢就搬自己 ...
我都試過架,係類似嘅事,同你諗法一樣,而家唔係鬥慘咯,何必要搬自己啲嘢,話自己慘過人吖,所以跟住我學識收口咯,講左心情仲差﹗






男爵府

積分: 6005


發表於 21-3-7 12:56 |顯示全部帖子
my555 發表於 21-3-5 15:14
我都冇晒朋友嚕。以前好介意,依家要活在當下,多左來呢度唔開心可以呻下。
...
啱,要活在當下,係啦,嚟呢度呻下都好舒服。


洋房

積分: 91


發表於 21-3-9 10:25 |顯示全部帖子
滿足 發表於 21-3-7 12:44
有時太理想化,朋友應該點,實會好失望,呢啲我都有好多經歷,因為每個人都有唔同性格、缺點,所以 ...

本帖最後由 horizon08 於 21-3-9 10:38 編輯

多謝你開解!不屑樣嗰樣,我自己寧願佢有不同觀點嘅時候,同我分享吓自己嘅睇法,總之係理性及尊重人的討論便可!我另外有個 fd仲鍾意一句“no comment”掟埋黎!我明可能佢哋唔講的出發點係免引發爭拗的機會,但“好朋友”俾啲咁嘅面口、說話我,我接受不到,亦只令我倆距離更遠!

突然失蹤無解釋嗰樣,我自己就諗除咗兩夫妻私人啲嘅野外(睇佢之後嘅whatsapp, 夫妻無出問題),其他家庭、工作等方面的事,有咩困難或唔開心,其實都可同好友傾訴~當然佢唔講我無法,不過,又係囉,令到我感覺原來同佢距離又唔係咁近~~


洋房

積分: 91


發表於 21-3-9 10:25 |顯示全部帖子
滿足 發表於 21-3-7 12:44
有時太理想化,朋友應該點,實會好失望,呢啲我都有好多經歷,因為每個人都有唔同性格、缺點,所以 ...

你話期望少啲,我都同意!相對黎講,我亦學懂交心少啲~~

或許講到底就係,我其實一直都未搵到一個真正嘅好友 人大咗,我寧願自己一個,都希望盡量避開令自己心情更差既人或事,亦不想花太多心力去遷就


洋房

積分: 91


發表於 21-3-9 10:31 |顯示全部帖子
滿足 發表於 21-3-7 12:52
我都試過架,係類似嘅事,同你諗法一樣,而家唔係鬥慘咯,何必要搬自己啲嘢,話自己慘過人吖,所以跟住我學 ...

係!!佢可以分享自己嘅經歷,俾我知佢明我嘅感受咪得囉!但點解次次要講到候慘過我?佢爭在未同我講呢句: “你呢單有乜好唔開心、有乜好嬲吖?!”

你有你當時嘅唔開心,我有我呢刻嘅不快,我唔明比較黎做乜!所以我都學識收口,唔呻好過呻!


男爵府

積分: 6005


發表於 21-3-12 12:25 |顯示全部帖子
horizon08 發表於 21-3-9 10:25
你話期望少啲,我都同意!相對黎講,我亦學懂交心少啲~~

或許講到底就係,我其實一直都未搵到一個真正 ...
都可以咁講,期望少啲,如果你覺交心少啲,個人係開心啲嘅,咪跟自己個心去做咯,做人最緊要自己開心,我地又無去傷害人。
係嘅,我其實都疏遠左少少個朋友,係少少咯,因為以前太密啦,朋友嘅嘢,相處舒服可以密啲,否則遠少少,對大家都好啫。


男爵府

積分: 6005


發表於 21-3-12 12:33 |顯示全部帖子
horizon08 發表於 21-3-9 10:25
本帖最後由 horizon08 於 21-3-9 10:38 編輯

多謝你開解!不屑樣嗰樣,我自己寧願佢有不同觀點嘅時候, ...
不屑...算啦,佢仲有佢自己角度,你點講都無用架,我自己咪又係身受其害,幸好,我依然顧我,自己做好自己咯,自己有進步就夠,唔需要求對方認同。大家加油啦 ~~~

你朋友唔作評論,無嘅,擺明坦白咯,只係你會好無癮架啫,以後類似嘅話題,就搵其他人傾啦,話不投機,半句多呀,JM ~~~


男爵府

積分: 6005


發表於 21-3-12 12:40 |顯示全部帖子
horizon08 發表於 21-3-9 10:31
係!!佢可以分享自己嘅經歷,俾我知佢明我嘅感受咪得囉!但點解次次要講到候慘過我?佢爭在未同我講呢句: ...
有啲人比較開,係會覺得你點慘都好過佢嘅,所以你講乜都係咁,出盡力去講,對方都覺自己乜都最慘架啦,我都無言﹗個世界明明係,你有好嘅,對方都有好嘅,只係大家好嘅方面,係有不同啫 ~~~

首頁

尾頁

跳至
熱門主題
你需要登錄後才可以回帖 登入 | 註冊