想生BB 今日: 2|主題: 109324

收藏本版

發帖

返回列表

跳至頁

查看: 5307 | 回覆: 10

連續六次IUI- - - -生第二胎分享

常綠葉

大宅

積分: 4098

發表於 21-2-2 13:38 |顯示全部帖子

本帖最後由常綠葉於 21-2-2 13:41 編輯

因為之前一直太忙冇時間分享二胎做IUI經歷，但再唔記低分享，我怕自己唔記得。
2019年中開始努力二胎，但因為剛剛停人奶，怕卵子質素唔系咁好，所以就去咗抽血做檢查。做完檢查後我一切正常，但我老公d精子質素竟然比上一次做IUI更差（動力！所以即時去睇返上一次做IUI個醫生，但睇完我個醫生話都唔算差，可以直接再試做IUI。咁就系黎緊cycle開始食排卵藥，day 10返去照卵泡大少等等⋯⋯
第一cycle失敗，覺得都正常，因為我上次都系第二個cycle 先中，咁就繼續再試。
第二cycle失敗，咁我又覺得正常既，醫生話好多人三次先中。

私人傳訊

常綠葉

大宅

積分: 4098

發表於 21-2-2 13:39 |顯示全部帖子

第四cycle 失敗，醫生強烈叫我諗清楚做唔做IVF，佢覺得以我情況，抽一次卵，做完一次IVF，應該重可以有卵子留返第三胎...如果重想再生的話...
第五cycle失敗，咁我同老公都開始想試下做IUI，因為每月返去做照卵泡同IUI都好花時間同開始有d壓力！醫生就建議我下個cycle check下輸卵管通唔通，照下子宮情況....
咁就停左一個月，食避孕藥，day 10返去做通水，結果係一切正常⋯⋯咁我覺得既然一切正常，又想再試多三次IUI先.....醫生聽到都好無奈，但佢話尊重我決定。
第六cycle，成功中獎！

私人傳訊

常綠葉

大宅

積分: 4098

發表於 21-2-2 13:40 |顯示全部帖子

我都唔知係咪因為做完輸卵管通水後，清晒啲雜物障礙，所以先中？定因為我第五次IUI後我同老公食多左supplement定多左運動呢？
我自己第五次IUI後改變係：
1）飲炒麥芽水，因為第一胎係餵奶，冲涼時發現重有dd奶，怕會影響卵子質素，所以飲炒麥芽水收奶！第一胎懷孕經歷時有分享做法，大家有需要可以去返之前個post度睇下。
2）每日食維他命D 1000iu，我哋呢邊陽光少好容易缺乏維他命D，缺乏維他命D又係會影響卵子質素。
3）黑枸杞水，之前第一胎中，中醫話黑枸杞水可以改善卵子體質同調理子宮內膜。

私人傳訊

常綠葉

大宅

積分: 4098

發表於 21-2-2 13:40 |顯示全部帖子

我老公改變：
1）每日都飲蛋白奶粉＋香蕉＋奶，做smoothie飲，改善精子質素。
2）每晚都做20-40分鐘運動。
3）黑枸杞水，令精子質素提高。
PS: 我老公一直都有食supplement：鈣，zinc，茄紅素，maca，維他命D。但之前一直驗過幾次精子，都係唔多合格，動力唔夠，正常精子得4%... 但做完呢三樣改變，最後IUI時精子質素真係明顯改善左，可以參考下個比較圖。

希望我既分享，可以比d鼓勵大家，千萬唔好咁容易放棄，但同時唔好比太大壓力自己。我明白當中過程會令自己同老公有唔少壓力，但都係要提醒自己要平常心。祝各位生個健康牛BB⋯⋯