吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 好嬲呀！！教唔到個囡都控制唔到個老公，唔知點算！ ...

少年成長今日: 2|主題: 15845

收藏本版

發帖

返回列表

跳至頁

查看: 15778 | 回覆: 13

好嬲呀！！教唔到個囡都控制唔到個老公，唔知點算！ [複製鏈接]

joanne02

大宅

積分: 1576

減齡達人勳章

1^#

發表於 21-2-5 17:34 |只看該作者 |倒序瀏覽 |打印

話說，我囡初小，生性膽小。之前比老公幾次好大聲咁鬧完就對大聲更加敏感。其實，我囡對大人既情緒都好敏感。
到最近呢個星期，就算我一惡少少，佢都已經好驚咁，仲不停對我講對唔住。

我比佢咁既態度我覺得自己直頭好似怪獸咁。
之但係可惜佢又唔係乖喎，做功課唔專心鐘意拖拖拉拉，成日要我叫返佢返黎。
今日我同自己講唔好再咁易嬲，做好榜樣。
但佢做一條題目要我不停提佢專心、專心、專左6次啦。
我忍唔住啦，就嚴肅咁話比佢知有咩問題。
之後佢就開啟左佢驚青mode,不停對唔住對唔住，越講我越嬲。
之後我就咁由佢手上接過工作紙佢都講對唔住。
想點呀，我係咪真係咁得人驚呀。
好嬲呀。
我想改善，但冇理由佢講左6次都唔聽既時候我大聲d就咁架麻。
心平氣和同佢傾又傾過，我而家都唔知可以點。

個老公又改唔到話唔聽，我可以點呀？
我自己都有情緒架！

0 0 0

私人傳訊

lam0903

男爵府

積分: 6329

2^#

發表於 21-2-5 21:46 |只看該作者

joanne02 發表於 21-2-5 17:34
話說，我囡初小，生性膽小。之前比老公幾次好大聲咁鬧完就對大聲更加敏感。其實，我囡對大人既情緒都好敏感 ...

樓主，請回想返當初女兒出世時候想佢會係點。好多人都會話快樂健康成長。所以不如大家好好溝通下唔好只為學習而產生太多磨擦。否則長此下去，任何一個都會情緒大爆發。慢慢來，我麵努力學習，加油(emoji)(emoji)

私人傳訊

joanne02

大宅

積分: 1576

減齡達人勳章

3^#

發表於 21-2-6 08:38 |只看該作者

lam0903 發表於 21-2-5 21:46
樓主，請回想返當初女兒出世時候想佢會係點。好多人都會話快樂健康成長。所以不如大家好好溝通下唔好只為 ...

謝謝你。我今日同佢講我地用番乖乖記錄表。希望可以改善我地既關係。

私人傳訊

lam0903

男爵府

積分: 6329

4^#

發表於 21-2-6 09:25 |只看該作者

joanne02 發表於 21-2-6 08:38
謝謝你。我今日同佢講我地用番乖乖記錄表。希望可以改善我地既關係。

好，唔同人唔同方式，總之a plan唔得就轉b，無一定方式

私人傳訊

GreenMaDad

男爵府

積分: 7997

5^#

發表於 21-2-6 20:37 |只看該作者

樓主女兒情況好像幾嚴重，我明白大家都希望小孩讀到書，但現在的情況持續下去而小朋友將來會變得好自律，好專心，讀到書又心理健康的情況近乎零，我估要做一些重大改變，例如轉到國際學校，或超級愉快的學校。

私人傳訊

joanne02

大宅

積分: 1576

減齡達人勳章

6^#

發表於 21-2-6 23:07 |只看該作者

GreenMaDad 發表於 21-2-6 20:37
樓主女兒情況好像幾嚴重，我明白大家都希望小孩讀到書，但現在的情況持續下去而小朋友將來會變得好自律，好 ...

今日情況好似好啲了。
我諗我首先自己要調節下自己先。
我今日提出佢唔願寫字何能同佢揸筆有關，我建議我地每日只花兩分鐘去練番好揸筆姿勢，由根本去解決。
佢居然自己話要繼續再寫，其間我不停讚佢佢仲好開心添。

佢情緒方面我都會再密切觀察下。
時間控制方面，我會試下比個計時器去量化佢。

疫情下我自己成日放假都唔出街，可能因為咁自己情緒都有啲問題。
我會好好管理下自己的。

私人傳訊

CMMANDY

公爵府

積分: 27187

牛年勳章

7^#

發表於 21-2-7 05:04 |只看該作者

本帖最後由 CMMANDY 於 21-2-7 05:14 編輯

樓主, 人人能力不同, 做吾到, 吾係佢既想, 更什既, 係阿囡明白, 自己的能力, 令爸爸媽咪失望, 佢什至有d 自責, 小小年紀

, 爸爸媽媽, 妳可以容讓她, 吾及人嗎? 她可能吾係一教就識, 什至教幾次, 也未必明白, 爸爸媽咪, 可吾可以, 俾多d 耐性, 時間, 笑容和體諒孩子, 多一點讚賞, 令孩子有信心, 嘗試去挑戰新事物, 無咁易氣餒, 什至放棄

家係溫暖的地方, 吾好令孩子感到, 家像老虎籠中, 有隻老虎釘實我, 長期恐懼中
樓主, 字裡行間, 明白妳們為孩子, 家庭好的, 但最原始的家, 係有愛和溫暖安全的, 辛苦妳, 調整自己來, 大部分的人, 也不是天才, 知識要慢慢來的, 吾洗急的, 更加吾洗同任何人比較

私人傳訊

lojo11

翡翠宮

積分: 89919

2024年龍年勳章牛年勳章

8^#

發表於 21-2-9 10:59 |只看該作者

心痛個女小小年紀就處於一個咁嘅情況.... 試下唔好再鬧了, 都鬧到佢失晒暈... 咩揸筆, 咩姿勢唔好咁執著... 有時太多規限, 佢建立唔到自己嘅主意同信心... 無左自己想點嘅諗法....有的可能係"父母嘅諗法"...

私人傳訊

wan_sosin

珍珠宮

積分: 39871

9^#

發表於 21-2-11 18:39 |只看該作者

回覆樓主:

初小好細個好細個，咁細小朋友真係佢自己都未明白自己想點，樓主你自己講得啱，先改變一下自己，小朋友情緒一旦受傷，要好返唔容易！
我有朋友個女情緒好敏感，加上讀書能力真係弱啲，父母不斷不斷要求，樣樣都管，最後有情緒病長期要見心理學家，而家都十幾歲了，無乜好轉！

我仔中學，有好多時都仍然要提醒佢，中學都依然是小朋友，何況小學得幾歲人！
小學嘅功課成績，去到將來睇番係無甚義意，好多大個咗慢慢就會識！專注力都會隨長大而進步