吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 法國醫院開刀產後經驗分享～

懷孕前後今日: 5|主題: 329675

收藏本版

發帖

返回列表

跳至頁

查看: 12444 | 回覆: 15

法國醫院開刀產後經驗分享～ [複製鏈接]

KKpenguin

大宅

積分: 1583

1^#

發表於 21-2-23 20:32 |只看該作者 |倒序瀏覽 |打印

本帖最後由 KKpenguin 於 21-2-23 21:19 編輯

2月頭係法國醫院開刀，前2日要去法國醫院交樣本驗Covid 19, 前一晚8pm 前入院，準備第2朝開刀，姑娘都建議朝早洗頭沖涼多次，之後就要換衫準備推去做手術。

第一次做手術係會好緊張，首先姑娘會俾支咸咸地既液體飲左先，之後推去手術室等候區等，都等左大約半個鍾。

麻醉師就過黎講解麻醉程序，本身係勁怕痛勁怕打針既人，麻醉師超nice, 話背脊支針只係會少少痛同痺，手臂種豆支針就反而再痛少少，當時都放心左d, 同埋到個一刻，只係想快d 見到BB, d 勇氣係會湧出黎既。之後就見到婦產科醫生，過黎話手術室準備好我地就開始啦。

0 0 0

私人傳訊

KKpenguin

大宅

積分: 1583

2^#

發表於 21-2-23 20:44 |只看該作者

KKpenguin 發表於 21-2-23 20:32
2月頭係法國醫院開刀，前2日要去法國醫院交樣本驗Covid 19, 前一晚8pm 前入院，準備第2朝開刀，姑娘都建議 ...

入到手術室，感覺有好多人好忙碌咁負責唔同既野，我成個人就咁攤大2隻手訓係度，左手有姑娘量血壓，右手就麻醉師開始係手臂吉支針，麻醉師真係好好，每一步都好溫柔講我會感覺到d 咩，佢話手臂支針有少少痛，但都已經係最痛呢下，事實係只係痛過抽血感覺少少。

之後就到打背脊個支針，最難係要打側個人屈到C 字咁，隔離有姑娘會幫手襟住，麻醉師好似噴左好多凍既水係背脊（冇記錯係消毒），之後就話打支針會有少少痺，係真係得少少痺，但呢個屈埋既動作都要維持一d時間，加上麻醉師話千其唔好郁，個人係會超緊張，打完會問郁唔郁到隻腳，係好快已經郁唔到，咁就成功麻醉左啦

私人傳訊

KKpenguin

大宅

積分: 1583

3^#

發表於 21-2-23 20:56 |只看該作者

KKpenguin 發表於 21-2-23 20:44
入到手術室，感覺有好多人好忙碌咁負責唔同既野，我成個人就咁攤大2隻手訓係度，左手有姑娘量血壓，右手就 ...

之後就插尿喉，唔痛但係有d 唔舒服既，不知不覺感覺訓著左咁，一開眼就見到我老公係隔離，之後記憶只係記得個婦產科醫生講“恭喜哂，BB 出左世啦” 之後就有姑娘抱BB 過黎問係咩性別同對腳帶資料，再加埋同BB 影相

之後又訓著左咁（完全冇左其他媽媽講感覺到醫生推BB 出黎既感覺同記憶，但我老公話我當時係開住眼的

），記憶就去到出手術室，去返等候區保暖，要個人體溫夠一定溫度先返得病房。

返到房老公已經等緊，之後好快就有相睇，過左2，3個鐘下半身就有返感覺。

傷口亦會開始痛，姑娘叫最好郁到就係床左右邊郁下，如果唔係第2日落床仲痛

私人傳訊

KKpenguin

大宅

積分: 1583

4^#

發表於 21-2-23 21:07 |只看該作者

KKpenguin 發表於 21-2-23 20:56
之後就插尿喉，唔痛但係有d 唔舒服既，不知不覺感覺訓著左咁，一開眼就見到我老公係隔離，之後記憶只係記 ...

因為係勁怕痛，所以好聽姑娘話忍住痛都試下左右郁下，去到第2日朝早拆左尿喉同手臂支針，就得老公黎扶住落地，最痛我覺得係由訓係度起身屈身，落地感覺都還OK.

第2日下午就已經可以慢慢行去哺乳室餵BB 啦

每日冇記錯8am 開始每大約4個鐘就有餵bb 時段，d 姑娘都好nice 好有耐性教點餵BB

住左5日4夜，都去左餵奶時段十幾次，返到屋企埋身餵都容易，係初初唔岩位置個乳頭會損，之後慢慢就唔會lu, BB 又知道點啜

出院既時候淨係帶包被同防疫帽，就接BB 出院啦～

私人傳訊

yumiyumiyumiyum

大宅

積分: 1738

5^#

發表於 21-2-23 21:13 |只看該作者

想請問你埋單幾錢呀

私人傳訊

KKpenguin

大宅

積分: 1583

6^#

發表於 21-2-23 21:14 |只看該作者

KKpenguin 發表於 21-2-23 21:07
因為係勁怕痛，所以好聽姑娘話忍住痛都試下左右郁下，去到第2日朝早拆左尿喉同手臂支針，就得老公黎扶住落 ...

法國醫院本身會包埋沖洗瓶，床墊（有用到一張我自備的，因為醫院包既數量唔夠）產婦衛生巾我覺得自備多一包已經夠，網褲用醫院既（都係自備多左一包），束腹帶醫院已經有（醫生之前提過唔使買）

其他要帶：保溫杯（炒米茶），抹身用既小盤（Aeon 12蚊店買個size 幾好），薑水要老公每日煲好拎黎，毛巾，拖鞋，橡筋（綁頭髮），睡衣，餵奶Bra，乳墊，牙膏牙刷，防疫產品，應該差唔多係咁