想生BB 今日: 14|主題: 109046

收藏本版

發帖

返回列表

跳至頁

查看: 8553 | 回覆: 15

BB 6個月了，分享IVF+歷程+小插曲

Ngamanyau

大宅

積分: 1161

發表於 21-3-1 06:29 |顯示全部帖子

本帖最後由 Ngamanyau 於 21-3-1 06:31 編輯

我同我老公2016年尾結婚，結婚果陣我都係27 8歲度，我一向經期都好唔準3x-5x日，而我老公婚前檢查report就話精子活動能力低，不過檢查完都冇特別理會，可能始終覺得自己唔算年紀大，不過好彩我同老公婚後即時造人，冇浪費到時間,我地試左幾個月後已即時有共識，如試左1年都唔成功就去試iui or ivf.
咁試左自然一年當然冇成功過，經過1年既失望,我搵左董曉芳醫生做iui先，原因比ivf平啲同覺得自己會係幸運兒會經iui中獎

第一次食藥打針，時間金錢身體既承受已覺得呢條路唔易行，而我係董醫生最後做左2次iui 都係失敗，決定放棄iui，轉ivf。。。

私人傳訊

Ngamanyau

大宅

積分: 1161

發表於 21-3-1 06:48 |顯示全部帖子

回覆樓主:

我係瑪麗排ivf，記得好似要我試半年食排卵藥再試6次iui 先會同我做ivf，所以我決定邊排政府邊去台灣試ivf，我搵左王家瑋做，搞搞下已經2019年5月，終於去左初診，經過打針食藥好快可以係5月尾抽卵，啲藥真係勁好多，我iui時啲卵打極針都唔大所以以為自己啲卵唔識大

經歷左抽卵後既痛同便秘左7日，開心係台灣抽左33粒卵，12粒授精結果有6粒day3 1粒day5 1粒day6。係6月第一次植入左1粒day5，滿懷希望等結果，係失敗左的，之後休息一個週期係8月再戰第二次植入，呢次覺得原來ivf都唔易中，所以放左3粒day3，覺得一定中，點知都係失敗。。。。。

私人傳訊

Ngamanyau

大宅

積分: 1161

發表於 21-3-1 07:03 |顯示全部帖子

回覆樓主:

醫生話呢2次啲胚胎都好靚，成功率應該好高的

但王醫生冇太比其他方案我去搵失敗原因，只係覺得運氣問題，所以我決定自己搵原因，係台灣聯合驗血＋搵左翁醫生睇下會唔會係免疫問題，發現DD指數高，比左2個月免疫藥我食同植前植後打肝素針，之後到11月再植入第三次 3粒day3，今次終於成功了

雖然唔知係咪真係打左肝素而成功，但我當係，所以懷孕後都有keep住每日1針，產檢照到1個BB，好感動。直到第9週時有一晚突然肚痛，又想嘔，我去左那打素睇醫生，等左4個鐘，照左肚超見到BB冇事，只係開左止痛藥比我食，就走了

私人傳訊

Ngamanyau

大宅

積分: 1161

發表於 21-3-1 07:18 |顯示全部帖子

回覆樓主:

返屋企途中愈來愈痛唔止肚痛，痛到上心口，開始呼吸唔到，個人有少少移動就五臟六腑好痛，之後去左屋企附近醫院，呢個醫生細心好多，發現我個肚入面有好多液體，之後白車車左我去瑪嘉烈，係車度一郁就痛果刻痛到想死左算，又擔心BB，好無助。去到醫院入左婦產拜愈來愈呼吸困難，血壓好低，老公話我最後休克左，醫生幫我照肚超陰超，話懷疑我仲有第2個BB宮外孕，導致爆左輸卵管，要馬上做手術，我好擔心好驚醫生話唔2個鐘內做我會死，我又驚全麻對BB唔好，最後即時做左手術，切左1邊，真係爆左輸卵管體內流左2公升血，輸卵管內BB當然冇左，慶幸係陪我做手術既子宮內BB平安