自由講場 今日: 3723|主題: 1298904

田蕊妮最近接受張寶華訪問，親揭約滿無綫離巢的真相。田蕊妮指其實離開TVB這個決定想了好一段時間，她直言TVB的滲透力好廣，令有更多人認識，電視台有優勢。

[size=1.3]© 由 東方新地 提供 田蕊妮最近接受前無綫新聞主播張寶華的網台訪問。

田蕊妮卻對TVB拍劇制度及模式，令她生厭：「我演戲嘅心好純粹，就係喜歡演戲，由亞視到拍電影再加入無綫都一樣心態，想拍好每一個作品去回報畀觀眾。 如果大家知道拍電視嘅製作模式，其實我哋係廿四小時不停嘅流程，因為要減低成本，時間愈短成本愈低，我哋不停外景接廠景、廠景接外景，同埋唔知點解就算你拍咗啲劇放一兩年先播，但拍攝過程都係要咁急嘅，就係大家講嘅工廠式。」

[size=1.3]© 由 東方新地 提供 田蕊妮在訪問中談工作、婚姻、未來計劃，有問必答。

田蕊妮話對自己工作要求高，與無綫拍劇的工作模式，產生很大矛盾：「好似你喺工廠打工，啤緊一舊膠，但係你就想喺嚿膠度雕花，你好似難為咗人，我不停諗我應該繼續配合你，乜都唔好諗，交啲行貨，有嚿膠咪得囉﹗」但田蕊妮指自己好想有進步，所以內心好大矛盾、好掙扎﹗

[size=1.3]© 由 東方新地 提供 田蕊妮坦言厭惡了過去無綫的拍劇模式，曾想離巢後到外國修讀演戲，但卻遇上新冠肺炎全球爆發。之後現在到老公杜汶澤「喱騷」工作，近日正忙於為舞台劇《聖荷西謀殺案》綵排。

田蕊妮令她決心離巢的觸發點是因為遭禁聲，她指在19年為劇集《她她她的少女時代》宣傳時，當時正發生社會運動，宣傳人員叫各演員上台或做訪問時唔好講「加油」二字，以免太敏感，田蕊妮話：「心諗唔係呀嘛，我句『加油』未必同人哋講㗎，我同自己講『加油』都得啩，我喺呢間工廠已經啤膠，仲要自我審查，去到咁嚴重，講『加油』都唔得，創作唔可以咁，我哋演緊每一個角色都係一種創作，如果我再繼續喺度，唔止喺度啤膠，會變成嗰個機器，就係咁好肯定自己一定要走﹗」

[size=1.3]© 由 東方新地 提供 19年田蕊妮出席《她她她的少女時代》最後一個宣傳活動，這亦是她在無綫的告別作。

田蕊妮在劇中人到中年面對婚變、女兒離家、重新找工作等種種衝擊，如何激勵自己和身邊中年人，勇敢面對失敗，為自己再活一次。