whatsuphk 發表於 21-5-24 23:33 
本帖最後由 whatsuphk 於 21-5-25 15:35 編輯
謝謝資訊，樓主都幾熟行情，係同行?香港都要考5少牌，HKS ...
邊有咁叻，果D牌唔易考，考完做咗financial advisor普遍on commission，又冇假期，好似打自己工咁，我唔習慣呢種模式，都有包薪嘅，好似係得Charles Schwab～我有親友做銀行或投行，有接觸好多FA～
你讀書同考牌冇咩關係喎，最基本果個SIE可以路人都考得，但只係最初步，要考其他必須要有公司sponsor去hold你個牌，否則有關機構係唔會俾你考試，真想做返FA，試下入去銀行/投行做Sales Assistant先，好多都會俾機會SA去升上FA，我知有銀行/投行會請冇牌嘅做FA Trainee，規定入職一定時間內（好似係半年）要考晒需要有嘅牌，有學校可以上堂，有雞精班教你睇考題，但指定時間內考唔到就要離職，都唔少人係咁入行攞到牌；又有人先做Personal Banker再考牌轉職，咁入咗銀行嘅要轉職相對冇咁難。
加拿大金融業我就唔清楚，冇親友做呢行，不過見唔少由加拿大落嚟美國做教育同醫療工作嘅，佢地話機會多D。小朋友讀書呢，我對仔女呢度土生土長，佢地小學時老師已經會鼓勵每個學生講自己嘅想法，我成日去幫老師手，上堂見到學生好肯發言，K已經有field trips去唔同地方，好似劇院、音樂廳、水族館、博物館等睇表演展覽，又會去野外考察，之後一律會分組做projects，所以由細到大都已經學習team work，有學校又有花園俾學生種嘢，教佢地健康飲食等。學生相對自主性要強，學校培養學生對求知嘅興趣，帶引嘅性質較強，由學生自己去搵資料同答案，當然係會有清楚指引，有錯會指出，因為學生有主動去學習，記憶會較深。
花旗太太生活在花旗國，留意時差，你問我未必即時答到。
發表於 
返回列表
