吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我一直好LIKE我工人, 做左10年了

論盡家傭今日: 2|主題: 133701

收藏本版

發帖

返回列表

跳至頁

查看: 11537 | 回覆: 12

我一直好LIKE我工人, 做左10年了 [複製鏈接]

2849

別墅

積分: 692

1^#

發表於 21-3-29 15:22 |只看該作者 |倒序瀏覽 |打印

本帖最後由 2849 於 21-3-29 16:40 編輯

1. 之前照顧我在生的婆婆, 而家又湊大我12歲既女, 我個女成日嫌佢煩, 因為成日提佢要食菜, 同埋我女唔鐘意佢成日同我打小報告, 下下望住佢
2. 久唔久又去我阿爸阿媽屋企執拾下, 會話比我知佢地屋企點污糟, 叫我叫佢地留意下
3. 每晚的晚餐佢都會唸好整咩, 唔洗我地煩, 我地一家大細鐘意食D咩, 佢都清清楚楚,
4. 我地吩咐落既野, 講一聲就記得 ;
5. 佢分人永遠早到無遲到, 因為有陣時我叫佢同我去MTR交收, 佢下下都早15分鐘到, 佢話佢好怕遲到
6. 我鐘意食辣, 佢知我鐘意, 所以雪櫃永遠有佢自製的特辣辣椒醬...我女鐘意咖哩, 佢中式, 日式, 泰式, 印式咖哩都識整, 連冬陰公都識煲, 好飲過出面泰國鋪......我阿爸鐘意食餃子, 冰箱長期都有一大盤佢親自包的.....我阿媽鐘意飲魚湯, 我從來未飲過有骨的魚湯, 仲識得燉湯, 又濃又好味......大時大節, 屋企D十人盆菜開句聲佢就搞掂哂......果D蘿蔔糕自動波搞掂7. 佢大大隻隻, 好鬼好力, 我住唐樓, D粗重野好多時都係佢一手包辦
8. 屋企定時定侯抹窗, 洗地下, 洗窗簾, 洗床單, 洗被, 永遠自動波, 我地唔洗出聲佢都自發做
9.見我行完山, 一定識得幫我洗鞋
10. 星期日我地請人返屋企食飯, 佢去完街返來都會幫我地洗碗執埋屋先沖涼
11. 有陣時我地帶佢出去食飯, 食到有D好食既野, 佢都好有心機同我地一齊鑽研點整

其實你對我好, 我對你好, 我屋企對佢都唔錯
1. 佢有自己一間房, 洗完夜晚餐碗, 佢會關上房門, 之後我地都唔會再叫佢出黎做野, 真正有收工時間
2. 有時屋企無咩野要執拾, 佢都可以在廚房看看YOUTUBE, 同D朋友親人傾下電話FACETIME一下, 如果無咩特別野做, 有時都可以睡個午睡
3. 我地雖然無出高人工比佢, 但新年利時都好大封下
4. 佢成日慳住D大假, 唔捨得返印尼, 我地知佢思鄉, 出機票$比佢, 又唔扣佢大假, 比佢返印尼2個星期
5. 因為佢有自己一間房, 星期日有時唔出街, 佢就關上房門, 我地一定唔打搞佢, 有時我地仲問返佢轉頭, 洗唔洗煮埋佢飯一齊食
6. 我阿爸阿媽知佢鐘意飲咖啡, 成日買野食野飲比佢, 又會同佢慶祝生日食旦糕
7. 出去食BUFFET, 我地好多時都預佢一份
8. 星期日佢出街, 我地永無問佢幾點返, 因為知佢份人好自律, 就算夜返佢開句聲比我知就得, 我地唔要求佢要幾點前要返屋企, 有陣時將心比己, 你星期日唔洗返工, 你都唔會想你公司老闆打比你, 問你幾時返屋企

我地一家人都已經當佢係屋企一份子, 佢就好似我地屋企既管家, 我地成日唸, 第時佢番印尼, 我地一定請唔番個咁既工人, 亦都唔會想再請工人, 因為一定唔會有第二個咁好既工人比我地遇到

0 0 0

私人傳訊

birdbird

水晶宮

積分: 60421

2^#

發表於 21-3-29 16:22 |只看該作者

回覆樓主:

你令我想起我第一任工人, 佢做咗8年! 當年我地好唔捨得佢返菲律賓。

私人傳訊

0030

侯爵府

積分: 24806

認識瑞士牛牛第二回認識瑞士牛牛第一回

3^#

發表於 21-3-29 16:44 |只看該作者

所以好多時人都系相互的～你對我好，我對你好，但好多時有D人，自己對人不好，但要求人對她/他好～

私人傳訊

manman_1110

複式洋房

積分: 338

4^#

發表於 21-4-2 02:02 |只看該作者

0030 發表於 21-3-29 16:44
所以好多時人都系相互的～你對我好，我對你好，但好多時有D人，自己對人不好，但要求人對她/他好～ ...

我以前個賓姐就係咁！成日要求多，請佢返工就好似請人返嚟俾我服侍！
真係貼買難受

私人傳訊

sip594

男爵府

積分: 5129

5^#

發表於 21-4-3 15:27 |只看該作者

2849 發表於 21-3-29 15:22
1. 之前照顧我在生的婆婆, 而家又湊大我12歲既女, 我個女成日嫌佢煩, 因為成日提佢要食菜, 同埋我女唔鐘意 ...

真戥你高興

我現在個工人，我曾經都係讚不絕口。
近日外面高薪講人，想唔續約，作了好多大話。心淡！

私人傳訊

kennylove

大宅

積分: 3873

牛年勳章

6^#

發表於 21-4-4 12:52 |只看該作者

2849 發表於 21-3-29 15:22
1. 之前照顧我在生的婆婆, 而家又湊大我12歲既女, 我個女成日嫌佢煩, 因為成日提佢要食菜, 同埋我女唔鐘意 ...

你對佢做個d我全部都有做。但都冇咁既表現比到我。我唔貪心。有你個一半都好。但一半都冇。

私人傳訊

BabeILoveYou

別墅

積分: 843

7^#

發表於 21-4-9 10:12 |只看該作者

2849 發表於 21-3-29 15:22
1. 之前照顧我在生的婆婆, 而家又湊大我12歲既女, 我個女成日嫌佢煩, 因為成日提佢要食菜, 同埋我女唔鐘意 ...

恭喜你有個咁好嘅工人。
但其實唔係個個工人都識得感恩，
好多都覺得你對佢好係應份，
而自己係唔會對雇主好。

我一開始都對工人好好架，
但佢又偷食，又講大話，又有遲冇早，又成日不問自取，自把自為，所以我覺得佢根本唔值得我地對佢好。

私人傳訊

ihui

子爵府

積分: 10190

8^#

發表於 21-4-10 17:50 |只看該作者

回覆樓主:

我姐姐都做左10年，今年暑假走，因為搵夠了，在菲律賓已買屋買田開士多了。有佢就係一萬個放心，完全係神隊友，與我管教小朋友方式一致，還會用心良苦咁教小朋友要愛弟妹，要關心別人需要，極有耐性，好好脾氣，多得佢湊大我3個小朋友加9個月既bb,佢無講辛苦，工作井井有條，有效率，會陪我大兩個女整甜品，煲湯，所以4個小朋友好鍾意姐姐。疫情期間，佢放假多留在家休息，都會主動幫我手，希望佢返菲律賓後開心生活，我真的好多謝佢對我家的付出，讓我好放心工作，小朋友乖巧成長。

私人傳訊

牛奶花

大宅

積分: 2120

9^#

發表於 21-4-13 01:31 |只看該作者

2849 發表於 21-3-29 15:22
1. 之前照顧我在生的婆婆, 而家又湊大我12歲既女, 我個女成日嫌佢煩, 因為成日提佢要食菜, 同埋我女唔鐘意 ...

我同你都係差不多!
我小朋友好鍾意佢，我都好鍾意佢。最正係，佢會幫我同小朋友做好功課。英文嘅全部一定我返屋企前一定做哂，中文，唔識就通常留返比我。所以唔係好多。
唔會同我每日計休息時間，總之我個小朋友幾點瞓，佢先搞掂佢再瞓。除非太晚等到11:30。but 我現在唔理，見佢一可休息，就叫佢唔好等我小朋友，我去搞點佢，叫工人去休息先。因為點夜瞓，佢一早上7:00就會起身。
佢好錫我小朋友，成日睇cam都會見到佢錫我個女面仔，個頭仔呀，嗅下佢呀，好sweet，喺屋企通常都叫我小朋友做bb/ baby。

私人傳訊