其實幾時、邊度都買到,BB展係會平D,不過我都無去,怕多人增加感染風險或者俾人撞到,多數一田、Aeon都會有BB展,我會閒日非繁忙時間去,重嘢好似洗衣液、洗奶樽液、泡泡搓手液、沖涼液、pat pat cream、尿片、濕紙巾之類就上網訂,或者hktvmall/ Mannings/ Watsons網店有時都會減價,可以果D時候買。
反而BB車就真係一定要試咗先,試吓好唔好推、拎唔拎得起等等,但都唔急,因為其他媽媽話初生都係手抱出去多,我就買咗可以轉 car seat既款,因為接出院時已經要用。
可能你整定個 list 有咩要買先,然後可以留意吓價錢,plan吓 budget,再度下屋企D位,睇吓可以點擺D嘢,到照完結構時再一次過買。