吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 青春期問題

少年成長今日: 0|主題: 15845

收藏本版

發帖

返回列表

跳至頁

樓主: ccyybb

青春期問題 [複製鏈接]

annielui

大宅

積分: 4158

21^#

發表於 21-4-12 13:28 |只看該作者

回覆 qkhui 的帖子

係呀....我都成日重溫嫁......每次聽完都舒服好多, 感覺唔再孤軍作戰, 而且余博士話無反叛期先要驚...即係佢地無自己唸法, 無批判能力....即係我女係正常既....至於我成為我女目標人物係因為我女信任我, 唔會食咗佢...HEHE......
我亦成日阿Q咁唸, 雖然我好難受, 但起碼有個出口比個女.....好過佢屈埋屈埋.......同自己講:我而家肩負起一個好神聖既使命....

私人傳訊

qkhui

大宅

積分: 4147

睛靈勳章

22^#

發表於 21-4-13 10:59 |只看該作者

回覆 annielui 的帖子

有時都係要亞Q O的. 可以睇情況. 睇下當時女情緒. 如果知佢心情好. 自己都知仔女喜歡講咩O既. 噉都可以傾下. 我就比較厚面皮. 我會唔理佢照攬佢. 佢又OK KA WOR.

私人傳訊

annielui

大宅

積分: 4158

23^#

發表於 21-4-13 12:18 |只看該作者

回覆 qkhui 的帖子

妳係一仔一女? 咁請問妳仔仔當年係點嫁? 升上高中真係會好啲嫁? 係咪會變得明白事理d?

如果我女唔抗拒, 我都唔怕厚面皮呀…..攬得就攬喇…..

私人傳訊

qkhui

大宅

積分: 4147

睛靈勳章

24^#

發表於 21-4-14 11:49 |只看該作者

回覆 annielui 的帖子

我係2個仔, 一個18歲一個7歲.

其實感恩大仔唔係話好反叛, 只係初中真係同小學變化得大O的, 事實要時間去適應. 其實我問心都真係幾煩O既. 仔都其實真係算乖. 因都知仔性格. 由細到大都會攬佢錫佢, 都你要求佢鍚我, 就算到依家我都會噉. 有時我拎野食比佢, 佢在房讀緊書或打機.我都會攬佢, 錫佢一啖. 佢就會"溶"化佐, 微笑. 佢係任何人食過O既野都唔會食, 除佐我. 有次在KITCHEN 佢自己講的. 噉我未順勢叫佢鍚我一啖, 佢都會的.

我講O的野比你知. 係仔昨天在WHATSAPP同我講的. 好攪笑, 聽完都希望可以另大家有少少得著. 佢同我講, 其實你地家長明唔明點解O的仔女會覺得你們煩? 咁耐都仲未搵到同年輕人既溝通方法? 佢話. 唔好話我唔教你. 等你同O的年青人溝通都易O的.

留言: "其實你地家長可唔可以講之前停一停諗一諗, 正常一個中學生或更大, 智商正常O既, 會唔會唔知唔好夜瞓. 唔好打噉多機. 如果你地覺得佢係唔識O既你就講/提, 如果唔係就唔好提/教佢地. 問佢地就可以. 好似問佢你幾多點瞓? 打幾耐機? 噉我地就會答你. 因為有一句話係, 對年輕人最好O既方法係唔好理佢等佢地自己理, 唔係因為佢地真係識. 而係年輕人係好自大, 覺得自己係咩都識. 但當然知其實唔係啦, 不過年輕人就係噉, 所以如果你地咩都教就會激怒佐佢地. 因佢地覺得你們侮辱緊佢地, 打擊佢地自尊, 年輕人係又自大又要自尊"

聽完之後事實都真係多佐了解佢地想法, 佢地係知道O既. 最重要唔好破壞佐關係. 我地父母把口都要忍. 一陣講佐O的收唔返O既說話就好麻煩. 做父母真係唔易. 我都同仔講. 你未做人父母未理解, 到你第時有時就會明白. 噉佢話. 佢知, 但可惜依家佢真係未感覺到.

感恩仔仔有返教會, 有底線知道. 大家都努力. 佢地大佐就一定會知同明白. 同埋真係會改變的.

私人傳訊

annielui

大宅

積分: 4158

25^#

發表於 21-4-14 14:23 |只看該作者

本帖最後由 annielui 於 21-4-14 14:24 編輯

回覆 qkhui 的帖子

好羨慕呀! 18歲仲可以攬錫, 我女上咗中學後已經無呢支歌仔唱了…..佢會食我老公口手尾, 會比佢攬, 但唔知點解梗係特別抗拒我咁, 其實我老公佢惡嗰個, 不過我係煩嗰個囉…hehe……唔通青春期就係最忌煩???

你仔仔好好呀, 多謝佢過兩招比我地呢D姨姨……其實我地心底裡係知好多嘢佢地係識/係知…不過佢地唔做, 我地咪提醒吓囉, 雖然好多時係同空氣講, 但好似提完安樂D咁……我明白如果管得住自己把口個女會願意親近我多D…..但真係知易行難…我已經儘力忍了, 我有進步嫁…..只係戒唔甩……唯有繼續努力啦……多謝妳呀!!!!

私人傳訊

qkhui

大宅

積分: 4147

睛靈勳章

26^#

發表於 21-4-15 09:14 |只看該作者

回覆 annielui 的帖子

係, 你講得好岩. 真係有種感覺係提佐心舒服O的. 大家互相支持. 知真係會好心痛, 好唔開心. 不過會過的.

有時佢地自己都唔知點解KA. 如果你囡囡痴你老公. 你可以試下由你老公提佢. 當然都真係要適可而止. 叫老公同囡囡講下, 你知媽咪都係鍚你. 雖然佢都真係煩佐O的. 不過所有亞媽都係噉.

我仔成日話我煩. 我都係噉答佢. 係, 我知我係煩. 不過個個亞媽都係噉KA LA. 你唔想我地煩, 噉未做下我地想見到O既野LO.