少年成長

跳至

首頁
12

尾頁
   1


複式洋房

積分: 246


發表於 21-4-18 14:55 |顯示全部帖子
小學成績一般,中學band2A,因為一直都係考中至尾,
感覺佢缺乏信心,有d放棄咁,其實佢可以做得更好,
可以同佢講咩令佢開曉,鼓勵到佢,太煩太老士既說話佢又聽唔入耳,
好想幫佢,但又唔知點幫


水晶宮

積分: 66420

牛年勳章 2021勳章


發表於 21-4-18 20:25 |顯示全部帖子
其實大部份父母都覺得子女仲可以有好多空間進步... 我亦相信子女們都想做好D... 奈何有心無力... 學習動機弱, 唔明學埋D野有咩用, 好似只係為考試... 有種對抗性, 想逃避唔想讀... 佢地去到高中, 道理聽過無數次, 再講都唔會入耳... 要等到有一日佢地肯妥協(或者所謂開竅), 肯面對現實去出力...


大宅

積分: 2803


發表於 21-4-19 07:37 |顯示全部帖子

回覆樓主:

威逼利誘!還要間中鼓勵一下,告訴他有進步不錯。


大宅

積分: 3844

睛靈勳章


發表於 21-4-19 10:01 |顯示全部帖子
升高中, 最重要選到佢地自己有興趣的科目. 否則講咩幫助都未必太大.

我記得仔F.3時有晚同我講自己應入唔到大學. 高中想出去讀其他專科, 當時同佢傾佐一晚, 噉我地當然同仔講信佢係可以. 但亦好欣賞佢有自己想法. 仔話見到好多人考完DSE. 又唔想搵野做, 一係在家打機, 一係就是旦找其他野學. 仔講, 預期噉浪費時間, 不過早O的去學一門手藝(當時他有說不如學髮型) 我地都無反對. 不過當然鼓勵佢先諗下高中什麼科岩自己. 手藝亦可以一路讀書一路學. 其實無抵觸的. 噉傾完之後. 仔亦無再表達唔想讀了, 我覺得當時仔可能有O的迷網. 跟我地傾完又唔會比太大壓力佢. 可能反而另佢無噉緊張. )

仔本身是20年DSER, 順利升了YEAR 1 不過年初QUIT 佐大學RETAKE, 最近同佢傾開計, 問佢點解之前會噉後來又會讀到大學. 仔話, 其實最重要自己清楚自己. 清楚自己目標. 首先F.4選佐自己喜歡同有信心的科目讀. 自己就同自己講. 同知自己一定可以入到大學, 佢話其實由F.4開始巳知邊O的同學係可以入到. 佢知自己係其中一個. 當然佢唔係老師心目中入到的學生, 因佢唔會在學校用太多力. 佢知作用不大.

所以我好認同lojo11所講, 佢地去到高中, 道理聽過無數次, 再講都唔會入耳... 要等到有一日佢地肯妥協(或者所謂開竅), 肯面對現實去出力 , 其實真係好靠佢地自己. 如果樓主仔依家F.3仲選科, 真係要好好考慮選什麼科. 因影響整個高中學習生涯的. 如果搵到自己喜歡. 就好自己會提升學習態度. 因我仔由F.4 開始, 每天也會溫習. 不用迫的.



複式洋房

積分: 246


發表於 21-4-19 10:09 |顯示全部帖子
qkhui 發表於 21-4-19 10:01
升高中, 最重要選到佢地自己有興趣的科目. 否則講咩幫助都未必太大.

我記得仔F.3時有晚同我講自己應入唔到 ...

謝謝你,我比阿仔睇你仔仔既經驗分享,你仔仔好乖呀,會為自己唸又會同你地傾,如果我阿仔係咁,我已經滿足
我會繼續鼓勵佢


複式洋房

積分: 246


發表於 21-4-19 10:11 |顯示全部帖子
B哩baba 發表於 21-4-19 07:37
威逼利誘!還要間中鼓勵一下,告訴他有進步不錯。

有利誘呀,威逼就唔得喇


大宅

積分: 3844

睛靈勳章


發表於 21-4-19 10:53 |顯示全部帖子
回覆 ccyybb 的帖子

唔好噉講, 我都感恩仔都算肯同我地傾. 不過當中都有不知怎做O既時間. 其實當時仔同我講時. 對我都好大沖激, 我即時找了我表弟去分享. 他都有經驗. 分析佐當時仔所講o既野. 叫我地唔好只看重成績. 其實真係要欣賞仔唔想讀書O既原因. 再由欣賞方向再慢慢去鼓勵佢繼續努力. 要比仔仔知. 盡力了之後做什麼也可以. 對自己也不會有遺憾.

其實仔在學校成績不是差的, 仔都係讀BAND 2A 中學. 不過感恩由F.1到F6都入了所謂的精英班(英文班). 同學都好好. 絕大部份同學都一起讀了6年(同班). 感情都好好. 大家都會一齊去補習. 一齊去夾BAND. 有同伴真係好好多.

升佐中學我覺得都好難利誘了.


複式洋房

積分: 246


發表於 21-4-19 11:29 |顯示全部帖子
qkhui 發表於 21-4-19 10:53
回覆 ccyybb 的帖子

唔好噉講, 我都感恩仔都算肯同我地傾. 不過當中都有不知怎做O既時間. 其實當時仔同我 ...

本帖最後由 ccyybb 於 21-4-19 11:32 編輯

謝謝你,我都學習緊多讚少彈,希望唔會太遲,你咁nice,你仔仔好幸福


大宅

積分: 3844

睛靈勳章


發表於 21-4-19 12:18 |顯示全部帖子
回覆 ccyybb 的帖子

我唔係NICE KA. 我仔都成日話我煩. 係超煩.
你睇下我其他POST 就知. 我只可以講我好感恩仔仔算係乖. 我真係唔係特別好. 我估我同其他媽咪一樣


複式洋房

積分: 246


發表於 21-4-19 14:18 |顯示全部帖子
qkhui 發表於 21-4-19 12:18
回覆 ccyybb 的帖子

我唔係NICE KA. 我仔都成日話我煩. 係超煩.

我係都算乖既,但佢唔會同我地講呢d,希望佢都會同我講


大宅

積分: 2803


發表於 21-4-19 17:58 |顯示全部帖子
ccyybb 發表於 21-4-19 10:11
有利誘呀,威逼就唔得喇

我仔成績雖然只是普通,但品性都算乖,還可以用少許威逼,但我們不會去到太過份的。保持良好關係是最重要,我都有心理上不到大學或只能讀水泡科,還有兩年希望仔真的能自己開竅。


大宅

積分: 1743


發表於 21-4-20 13:10 |顯示全部帖子
其實他們諗既野錯吾哂,而家世代同我地個代已經差好遠,講真,就算band 1 生,入到大學,但未去到top 30%, 真係好可能只做到一份普通既工,賺吾到高人工,又無乜滿足感....

所以我都好同意每個小孩都要有D手藝,興趣。

如小朋友想做髮型都好,可以提佢地髮型師都好講求溝通技巧,如果英文,普通話都掂,客路廣好多,可以去高級salon番工,如果外表好,最好吾食煙,做到top stylist都吾出奇。

還有,父母們記住不要只說“你勤力D就得",因去到中學,真係好可能吾係勤力就得。


複式洋房

積分: 246


發表於 21-4-20 13:18 |顯示全部帖子
GreenMaDad 發表於 21-4-20 13:10
其實他們諗既野錯吾哂,而家世代同我地個代已經差好遠,講真,就算band 1 生,入到大學,但未去到top 30%, ...

謝謝分享,你講得好好,
最近我睇左好多資料及分享,學到好多,用左新既溝通方法,自己講完都覺得順好多,以前真係爭d


複式洋房

積分: 226


發表於 21-4-20 15:15 |顯示全部帖子
回覆 ccyybb 的帖子

我都贊成要等小朋友自己開竅。我阿仔佢上到中學太心散,嘅成績不斷滑落。我忍唔住成日鬧,攪到關係好差。最後佢中四竟然四科唔合格(有兩科主科) 😭 我同老公都完全放棄,慢慢我開始清醒,唔再有期望,亦開始同佢傾吓將來想搵咩嘢做。亦因為對佢無要求,所以少咗鬧,多咗讚,感情好咗。因我係基督徒,所以我當時每日都為佢祈禱。好感謝神保守帶領,佢大慨中四下學期左右突然無啦啦開竅,突然醒覺。連續廢寢忘餐咗兩年想追番進度,最後終於拉車邊考到大學,依家 year 1. 💕 到依家我都仲覺得好難以置信。💕


水晶宮

積分: 66420

牛年勳章 2021勳章


發表於 21-4-21 11:24 |顯示全部帖子
我仔同我講過,佢地同學間會傾下將來,知道香港住屋咁貴,打份工賺埋都未必買到,佢哋會好氣餒同懷疑人生,懷疑讀書係咪有用!當然我地做父母都好清楚現實,但都要開解佢地,希望佢哋用樂觀嘅心態面對將來!我仔中三開始著緊d,知道要揀科,依家中四,都未知將來會做咩,但都明白想自己擁有多少少嘅選擇權而出下力讀書


男爵府

積分: 5499


發表於 21-4-24 05:41 |顯示全部帖子
lojo11 發表於 21-4-18 20:25
其實大部份父母都覺得子女仲可以有好多空間進步... 我亦相信子女們都想做好D... 奈何有心無力... 學習動機 ...

兄台真正神仙下凡,所言甚是。


男爵府

積分: 5499


發表於 21-4-24 05:56 |顯示全部帖子
qkhui 發表於 21-4-19 10:01
升高中, 最重要選到佢地自己有興趣的科目. 否則講咩幫助都未必太大.

我記得仔F.3時有晚同我講自己應入唔到 ...


你仔當日其實己叫"開竅",
知道自己想要点行,
但係唔係咁多人咁早可以"開竅",
尤其男仔。
我大女當年似你仔一早"開竅",
今日入左OU NursingY1仲有份partime,
二仔今日中五仲游雞鹵味,
科科肥仲未知自己想点,
做老豆老母乜都講完衰仔仍唔會入耳,
睇黎只有"撞山"才有機會清醒,
在下血壓高己盡量唔理,
心血小再勞氣真會激死。


大宅

積分: 3844

睛靈勳章


發表於 21-4-26 14:27 |顯示全部帖子
回覆 opclk99 的帖子

明白. 會唔會問下仔仔有咩興趣. 學下其他野?


男爵府

積分: 5499


發表於 21-4-26 16:13 |顯示全部帖子
qkhui 發表於 21-4-26 14:27
回覆 opclk99 的帖子

明白. 會唔會問下仔仔有咩興趣. 學下其他野?

已經全家仝人岀手問呀仔想点,
阿仔係完全"九唔撘八"...


老豆(在下):想讀咩,点打算?
阿仔答:唔知呀,讀Lor..,是旦la...,你話啦...etc...

老豆(在下):你自己有咩興趣?
(跟住係PC,比VTC簡介阿仔睇,
阿仔"完全"唔睇..

老豆(在下):你有修ITC,VTC IT科有咩興趣?
阿仔答:唔知呀,讀Lor..

老豆(在下):你想点呀?大哥?
阿仔答:唔知呀,讀Lor..

死未.........


大宅

積分: 3844

睛靈勳章


發表於 21-4-27 09:37 |顯示全部帖子
回覆 opclk99 的帖子

我相信亞仔自己入裡都知, 明白自己成績不是太好. 可能有些逃避. 慢慢引導仔仔

媽媽平時有無觀察到仔仔邊方面興趣大O的? 會唔會喜歡運動? 可以睇下香港高等教育科技學院, 我見有O的科都不錯. 都有好好發展. 好似運動及康樂管理. 廚藝及管理 都不錯.


運動及康樂管理運動及康樂管理

首頁
12

尾頁

跳至
你需要登錄後才可以回帖 登入 | 註冊