婆媳關係 今日: 1 | 主題: 27693

積分: 5729

Xmas吸收勳章

發表於 21-4-30 13:36 |顯示全部帖子

我同老公拍拖到結婚一直好恩愛, 直至老爺奶奶姑仔搬過黎係隔壁屋苑住後, 就經常同老公嘈, 唔係因為老爺奶奶, 係因為姑仔, 話說佢地原本一家四口住西貢唐樓, 冇lift, 奶奶年紀大, 行動不便, 姑仔就建議搬過黎我地附近住, 惡夢就開始了, 首先阿哥咩都聽佢妹講, 人地"媽寶", 老公就"妹寶", 佢妹叫我老公買樓俾佢地住, 老公就買,唔緊要, 係俾老爺奶奶住, 唉, 佢地一人一間房, 我地請埋工人俾佢地用, 我地就4個人迫住一間房, 細女未出生時, 日日去奶奶家, 而姑仔是管家婆, 阿仔阿女飲水, table manner, 沖涼, 教育, 補習, 搵學校, 咩都要插手, 我唔理佢, 佢就繼續薰陶我老公, 而老公同佢一齊生活左咁多年, 思想係同我姑仔似, 同埋佢覺得姑仔SMART, 講野係o岩, 所以咩芧頭都指向我, 到細女出生後, 我地自己另請工人, 就開始少返去, 一星期一次, 但阿仔每天放學都去爺爺家, 我老公每天早上都過去爺爺家, 我呢個新抱每星期六去爺爺家食晚飯, 之後極力爭取後, 我先可以改星期五晚食飯, (1900-2145左右), 因為想星期六family day, 最近疫情, 幾個月先返娘家一次, 我提出stay 一日係娘家, 老公就俾說話我聽, 話我去爺爺食完飯就走, 係娘家就STAY 一日, 我話幾個月冇返WOR, 爺爺個個星期都返, 就算疫情, 佢老公一家視親情重要過疫情, 老爺座大廈有人中招, 同老爺病左, 我地一家4口都要在疫情期間繼續返爺爺家, 冇得唔返, 我老公俾說話我聽, 我知姑仔在背後投訴, 我親耳聽過, 佢好醒, 唔會正面去攻擊我, 但會潤下我老公, 老公最介意係家人話佢不孝, 姑仔成日嫌我地一星期一次返去好少, OR 應該STAY LONGER, 應該要同佢地outing , 等姑仔可以同我對仔女玩耐D,仲成日拉我對仔女入佢房, 想Separate them from me, 佢嫁唔出, 點解好似咩都要包埋姑仔, 唔係買一送一, 佢好想 involve 我地 family (但唔想預我), 我同佢唔o岩左好耐, 兩年幾都冇講過野...
我想話做人阿媽, 唔希望有人成日插手自己家庭事, 你插手唔緊要, 仲要影響埋我豬隊友, 我SEND 過WHATSAPP 俾姑仔叫佢唔好插手我仔女既野, 因為咁樣做好影響我同老公感情, 姑仔直頭FORWARD 個MESSAGE 俾我老公, 自此, 佢唔尊重我, 我都冇再同佢講野, 大家當大家透明,

我地一家算中產家庭, 老公每月俾家用姑仔(奶幻走左) 成萬幾蚊, 姑仔收西貢唐樓租金都萬幾, 而我老公只俾我呢邊家用是工人SALARY, 買送同仔學費, 其餘都唔想俾, 話仔女補習費同興趣班唔係佢要求, 所以拒絕俾, 我叫佢俾埋阿仔校車費, 佢話間學校唔係佢選, 唔俾, 我想話阿仔升小一, 佢冇理過,大抽獎時我同佢講過填邊幾間, 佢冇出聲, 最後阿仔派到寶校,老公就將Blame for me, 話我填得太進取，所以我一家五口, 老公成日拒絕俾額外費用, 但爺爺一家三口(爺爺, 姑仔, 工人), 佢就俾家用俾得好鬆手, 話爺爺要食貴魚架, 但一家三口, 我當姑仔冇俾家用, 要一個月成3萬家用咁多? 我地一家五口(我, 老公, 阿仔阿女, 工人)呢, 2個小朋友學費, 校車, 補習, 興趣班呢, 佢咩都唔肯俾, 惟有我自己俾, 老公之前仲話要cut 阿仔興趣班, 孝順係好, 但我老公係咪盲左, 我幾個月返娘家一次, 想stay whole day, 都俾人話, 我唔係只孝順你一邊夫家, 我娘家呢?

我以前成日在老公面前話姑仔, 我蠢左, 之後唔再講, 我當佢透明, 你不犯我, 我不犯你, 但佢係都要插手我家事, 要我老公要involve 埋佢地, 佢唔想一個人, 我唔犯佢, 點解佢仲要黎犯我, 因為姑仔, 我同老公已經嘈好多次, 我積極BUILD UP FAMILY, 又STAYCATION , 之前去旅行, ALL IS PAID BY ME, 我唔同老公計, 點解老公因為想佢妹開心就又同我計呢?

試問我老公做足孝順仔, 我仔日日去爺爺到, 我俾爺爺去接女放學, 爺爺唔接JA WOR, 新抱每星期五過去食飯,未有疫情時, 我提出過老爺奶奶去濕地公園, 科學園, 我仲帶埋爺爺去過disneyland 2次, 姑仔要我老公買樓俾佢地住, 老公就買樓, 請埋工人俾佢地用(以我姑仔收入, 冇可能請到工人), 俾萬幾家用佢地, 西貢租金是佢妹落袋, 點解佢妹仲complaint 我地STAY 時間太短? 試問現在有幾多年青人做到一星期返夫家一次呢? 我覺得我姑仔好貪, 得一想二

不好意思, 不知不覺間呻左咁長文, 如你有耐性睇, 請問你地有何對策呢?

私人傳訊

大隻熊貓

大宅

積分: 2475

發表於 21-4-30 15:11 |顯示全部帖子

回覆樓主:

樓主，你姑仔好恐怖。我覺得你姑仔應該想攪散你地屋企，等佢呀哥可以以後陪住佢，因佢嫁唔出

如果c6做到咁，同佢攤開牌講一次，睇佢改唔改善到，或你再接唔接受到以後三人行。

私人傳訊

積分: 23712

2024年龍年勳章 2024勳章牛年勳章

發表於 21-4-30 16:52 |顯示全部帖子

點解你c6會俾家用姑仔既?

請勿轉載。搬字過紙不是記者的工作，未經同意, 即屬抄襲。

私人傳訊

sumpo

積分: 7378

發表於 21-4-30 17:28 |顯示全部帖子

回覆樓主:

你姑仔幾大？
梗有一個呢啲咁嘅姑仔係左近，真係好討厭

可能因為你老公有能力，就算要繼續比大份家用男家，佢都唔會覺得有問題
嬲嘅係錢比都算，時間又要比埋，從來family day好似只有女人先care, 男人好似唔care, 有時都好心淡，好似我咁，我宜家都心淡，只會緊自己對仔女，佢要返去做孝順仔，佢自己返去，唔好成日要我對小朋友去氹我姑奶咁。

私人傳訊

熊熊老婆

公爵府

積分: 25657

牛年勳章

發表於 21-4-30 17:37 |顯示全部帖子

回覆樓主:

老實講我睇完之後覺得你老公嘅問題大啲喎!
作為一個已經結婚嘅男人,佢竟然唔係將自己大部分嘅資源擺喺自己屋企,係唔負責任嘅表現!
姑仔住嗰層樓寫邊個名?如果係由你老公供,佢哋又有租收,就唔應該再畀家用!

私人傳訊

積分: 5729

Xmas吸收勳章

發表於 21-4-30 17:42 |顯示全部帖子

回覆大隻熊貓的帖子

我地已經冇三人行, 但我地family 既野, 特別是仔女教育方向, 禮儀, 飲水啦, all 屎啦, 沖涼la, 咩都要插手去管, 例如我仔k3同我女n班一齊沖涼, 佢見到就反對, 我唔理佢, 佢就繼續向我老公投訴, 直至我老公上網搵埋其他人comment, 去support 佢妹講野係岩, 完全係我問題, 我見佢地2個好開心, 而我仔冇其他野諗, 算啦, 我咪say 阿仔小一開始咪唔一齊沖law,
我搵補習俾我仔, 姑仔又向我老公投訴, 直至我仔自己講唔好CUT 我D 補習同興趣班, 我姑仔先冇對策, 我想講佢只識向我老公去OCMPLAINT 我, 但升小一, 溫默書, TEST , EXAM,咩都係我一個人攪, 佢一句說話, 咩都唔屎佢跟, 佢憑咩去投訴,

我坐月時, 想見下仔, 都要向老公極力爭取, (因仔暫時住爺爺),坐月後, 又要極力爭取阿仔返黎同我食飯, 之後又要爭取星期六唔返爺爺食, 想星期六family day,個仔唔係我ga 咩, why 要爭取呢?在爭取過程好倦, 成日同老公嘈, 好似係度爭撫養權, 個仔明明係我同老公, 依家對仔女好似係佢屋企人,唉......

私人傳訊

積分: 5729

Xmas吸收勳章

發表於 21-4-30 18:23 |顯示全部帖子

回覆 kwhkwh 的帖子

因要養爺爺，佢嫁唔出，爺爺開支收入都係我姑仔負責，姑仔同我老爺住，家用租金係我姑仔收

私人傳訊

積分: 5729

Xmas吸收勳章

發表於 21-4-30 18:27 |顯示全部帖子

回覆 sumpo 的帖子

姑仔年紀唔細，一定嫁唔出，佢應該未拍過拖，外表仲man過我老公，我都好明你，孫仔孫女俾老人家玩，冇問題，盡孝道，而唔係要我對仔女去要哄姑仔開心

私人傳訊

積分: 23712

2024年龍年勳章 2024勳章牛年勳章

發表於 21-4-30 18:27 |顯示全部帖子

boboyeung 發表於 21-4-30 18:23
回覆 kwhkwh 的帖子

因要養爺爺，佢嫁唔出，爺爺開支收入都係我姑仔負責，姑仔同我老爺住，家用租金係我姑 ...

當佢細你們少少, 條女冇野做?!

你c6養老豆, 條女5使養嗎?條女好so 下喎

請勿轉載。搬字過紙不是記者的工作，未經同意, 即屬抄襲。

私人傳訊

積分: 23712

2024年龍年勳章 2024勳章牛年勳章

發表於 21-4-30 18:33 |顯示全部帖子

本帖最後由 kwhkwh 於 21-4-30 18:35 編輯

老老實實，樓主似乎食５住c6。ｃ６對你家乜都5差俾，你大條道理5俾小朋友在男家。
你家,你也有份付出, 做乜咁委屈，既然不講情，講理，誰出錢誰大誰正確。
不知道自己咩位置的人，尤其港女，十分討厭。

請勿轉載。搬字過紙不是記者的工作，未經同意, 即屬抄襲。

私人傳訊

積分: 5729

Xmas吸收勳章

發表於 21-4-30 18:35 |顯示全部帖子

回覆熊熊老婆的帖子

層樓寫我同姑仔名，老公一個人負責，姑仔冇俾過，老公話因老爺以前俾過錢佢買樓，賺左，所以要買返樓俾佢地住好應該，又話要飲水思源，就算你俾大份家用都唔緊要，但點解我一家五口額外費用，老公唔肯俾，佢解釋因我選擇阿仔讀私校，興趣補習班冇需要，我自己選擇，佢唔想我覺得佢有冇限錢，所以拒絕俾，下，但係佢就可以容讓佢屋企人住好食好用好，我地一家五口就唔得？佢地食貴魚，我地食養魚，佢地買野要貴，用新野，我仔女穿二手衫，二手玩具，咩都二手，買野都要格價，我真係心理不平衡，老公縱容佢地，我地就咩都慳住用，新床都唔買，一有時一家4口迫埋一張五呎床

私人傳訊

積分: 5729

Xmas吸收勳章

發表於 21-4-30 18:58 |顯示全部帖子

回覆 kwhkwh 的帖子

佢有野做，收入唔太高，咁姑仔同我老爺住，我老公買樓，即買埋俾佢住，俾家用，即俾姑仔，公平些講，姑仔有冇俾家用我地唔知，租金收入佢收，我老公冇理，唔過老公手，奶奶過身時，因奶奶同老公聯名，所以奶奶戶口錢就過左我老公戶口，我老公超感激我姑仔，但老公唔諗姑仔都收左6年西貢租金收入，仲有姑仔同老爺是聯名戶口。。。。。我老公盲左，不過可能我小心眼既，唔排除姑仔每月有俾家用，唔排除佢同我老公儲錢（租金收入），我知我冇權過問佢地家產，只係覺得老公盲左，咩都覺得佢妹好好，同埋我理性去諗，老公買樓俾你地住，而佢地住開個層樓既租金收入唔係應該歸我老公嗎？定我是冇權過問呢？當然我冇問過老人家，係最近老公唔肯俾阿仔補習費興趣班費用（其實一直是我俾，因妹妹漸大，都要參加一些興趣班，我負擔越大。。。），我先嬲嬲地，反問老公點解租金收入係你妹，冇過你手呢。。。。

私人傳訊

積分: 23712

2024年龍年勳章 2024勳章牛年勳章

發表於 21-4-30 19:11 |顯示全部帖子

boboyeung 發表於 21-4-30 18:58
回覆 kwhkwh 的帖子

佢有野做，收入唔太高，咁姑仔同我老爺住，我老公買樓，即買埋俾佢住，俾家用，即俾姑 ...

jm 行文有條理，說話公道，c6娶你實屬福氣

會不會99 俾你c6果舊錢大到而家c6買樓養埋公爺都5夠俾?
不理你2公婆點拆條數，條女在你家冇貢獻過應該叫佢收皮。

你的case 好似以前一個post, 故仔大概有錢姑拉, 擺明搶人地仔女 (各位jm 如我記錯請指正)

請勿轉載。搬字過紙不是記者的工作，未經同意, 即屬抄襲。

私人傳訊

積分: 5729

Xmas吸收勳章

發表於 21-4-30 21:01 |顯示全部帖子

回覆 kwhkwh 的帖子

係，食唔住，我老公性格，冇人拗得贏佢（佢同事都係咁同我講，可能佢職業病），係姑仔先食得住佢，佢係唔敢罵姑仔，語氣重些，都即係哄返姑仔，驚死我姑仔嬲，我有次嘈大交，忍唔住講佢地亂倫，我知唔係，但姑仔似老婆多過我似佢老婆，而老公成日受姑仔影響（我老公係個懶人，佢唔理阿仔補咩習上咩興趣班，亦唔知，因佢未放工），覺得我對阿仔阿女既野係我話哂事，因姑仔投訴我仔多補習，老公要求cut, 我冇理，姑仔就取笑我老公咩都話唔到事，我覺得佢係離間，當時第一個仔考小一，好大壓力，咩都自己搞，仔女既野，考小一我老公唔理，佢連咩叫自行收生都唔知，個日大抽獎都唔知，老公錢唔肯俾錢，又唔肯跟佢地學校功課或升小一，派到寶校就罵我。。

私人傳訊

honeybid2

積分: 8127

發表於 21-4-30 21:13 |顯示全部帖子

boboyeung 發表於 21-4-30 13:36
我同老公拍拖到結婚一直好恩愛, 直至老爺奶奶姑仔搬過黎係隔壁屋苑住後, 就經常同老公嘈, 唔係因為老爺奶奶 ...

最直接係幫姑仔嫁出去，唔容易，但盡力幫。點燃佢想嫁既慾望，咁佢就唔得閒理你

私人傳訊

積分: 5729

Xmas吸收勳章

發表於 21-4-30 21:23 |顯示全部帖子

回覆 kwhkwh 的帖子

我計過，奶奶留低既錢同姑仔呢6年黎既租金收入差不多，佢冇同我老公交代過租金收入，我只係覺得老公盲左，成日感激佢妹，佢好似唔記得佢姑仔咩都依靠大佬，我估計姑仔擔心梗如果老爺走左，佢仲會唔會一個人住過千呎既樓，仲有冇得繼續用工人，唔通我地要繼續養佢，我老公講過，唔會要求姑仔搬，我相信姑仔會氹得掂我老公俾工人佢使。。。或姑仔厚面皮到叫我地對調間屋囉，佢做得出，唉，咁多年，都走唔出死胡同，問題不停重複，因有豬隊友，我已經唔理佢，佢係都要插手我家庭事。。。

私人傳訊

積分: 5729

Xmas吸收勳章

發表於 21-4-30 21:32 |顯示全部帖子

回覆 honeybid2 的帖子

絕對冇可能，年紀大，佢冇家庭，奶奶走左，我知佢驚老爺都走埋，得佢一個人，所以佢痴住大佬，佢已經攪得掂我老公，因老公聽佢講多過聽我講，依家佢想我對仔女跟埋佢，仔跟爸爸多d,之前向我仔埋手，我仔依家唔多跟姑姐，佢就痴住我女，又不停買野擄劫佢地既心，玩咪係廳玩，點解要separate them from me, 佢想獨自佔有佢地，驚佢地痴住爸媽，我唔知我係咪小心眼，但連我家姐都睇得出佢係度搶仔，有次我同佢地一家去濕地公園，姑仔成日拖住我仔，個次我同仔第一次去濕地公園，點解係姑仔親子，唔係我，唔係老爺奶奶？我好似局外人，自此，我已經怕左同姑仔出街

私人傳訊

honeybid2

積分: 8127

發表於 21-4-30 21:57 |顯示全部帖子

boboyeung 發表於 21-4-30 21:32
回覆 honeybid2 的帖子

絕對冇可能，年紀大，佢冇家庭，奶奶走左，我知佢驚老爺都走埋，得佢一個人，所以 ...

係，但你諗吓，如果你怕左/ 逃避/ 憎佢，其實已經中左佢既圈套。佢可能最想就係你地分開，咁佢地繼續「一家人」。
「keep your friends close, keep your enemies closer」先係最難。

私人傳訊

sumpo

積分: 7378

發表於 21-4-30 23:58 |顯示全部帖子

boboyeung 發表於 21-4-30 17:42
回覆大隻熊貓的帖子

我地已經冇三人行, 但我地family 既野, 特別是仔女教育方向, 禮儀, 飲水啦, all 屎 ...

其實呢啲情況，我連老公都唔會理，總之對仔女係我嘅，外人冇權干涉，就算老公又點姐，佢有湊過咩，得過講字，我唔會理，由佢地唔滿意……
不過明白你，會好嬲，覺得好煩，……

私人傳訊

sumpo