夫婦情感

跳至

首頁

尾頁
   7


大宅

積分: 1757


發表於 21-5-17 05:57 |顯示全部帖子
我同老公差不多十三年喇,佢係所有人眼中都係好老公,好爸爸,但我估唔到佢竟然會出軌。但因為我好愛佢&因為我有對仔,唔想佢哋係破碎家庭成長,所以我選擇了原諒,但發現2個月都未能接受到佢曾經出去玩女人。


大宅

積分: 1757


發表於 21-5-17 05:59 |顯示全部帖子
yulie718 發表於 21-5-17 05:57
我同老公差不多十三年喇,佢係所有人眼中都係好老公,好爸爸,但我估唔到佢竟然會出軌。但因為我好愛佢&因 ...

事情是3月尾我媽爸來我家食飯,老公放底左電話,但個mon冇熄到,我裝飯時見到佢同條女既曖昧信息,成個人即時一片空白,之前出返去食飯,佢感到我睇到信息,食完飯佢就去廁所刪除,食完飯老公去洗碗,我就禁佢電話睇,已經搵唔返個信息,但比我搵到相簿有條女既性感相,爸媽食飯後離開,


大宅

積分: 1757


發表於 21-5-17 05:59 |顯示全部帖子
yulie718 發表於 21-5-17 05:59
事情是3月尾我媽爸來我家食飯,老公放底左電話,但個mon冇熄到,我裝飯時見到佢同條女既曖昧信息,成個人 ...

我去左廚房冷靜,老公入黎哄我問我發生咩事,佢一掂我隻手我就癲咗,我諗起個女人,我問佢同邊個信息,佢仲扮傻話冇,之後我話我已經睇到啲相,佢先話對唔住,唔想冇左我哋,我叫佢返老爺奶奶度訓,之後細仔醒咗,我入房陪小朋友瞓覺,佢哋訓左我出廳,老公入咗細房訓,我自己搵朋友傾計,第二天老公比信息我說冇做對唔住我既事。


大宅

積分: 1757


發表於 21-5-17 06:00 |顯示全部帖子
yulie718 發表於 21-5-17 05:59
我去左廚房冷靜,老公入黎哄我問我發生咩事,佢一掂我隻手我就癲咗,我諗起個女人,我問佢同邊個信息,佢 ...

第二天細仔食物敏感我陪仔入咗醫院2日,到第四天晚上我睡不了,叫醒了他解釋,佢話係上網識既,未見過,果晚我哋傾左好多大家心中既刺,發覺原來真係少溝通。再過2天晚上,我是覺得不簡單的,感覺不是第一次,我偷看了他電話,佢應該已經刪除很多野,但看到佢之前跟朋友/有同過其他女認識約見,也有跟人說已結婚,但冇感情,睇完後我又迷惘了,最後我又叫醒左佢,我同佢講,我知道左好多野,我可以為左對仔原諒佢,但要求佢坦白一切,


大宅

積分: 1757


發表於 21-5-17 06:00 |顯示全部帖子
yulie718 發表於 21-5-17 06:00
第二天細仔食物敏感我陪仔入咗醫院2日,到第四天晚上我睡不了,叫醒了他解釋,佢話係上網識既,未見過,果 ...

佢諗左好耐,最後出了因之前有朋友玩交友程式,佢又好奇玩了,有約過幾個女仔出去,佢話唔想冇左頭家,佢話好後悔,發誓以後不會再傷害我心。
啲段日子真係撐得好辛苦,原諒比分開更難受,因為咁多年既信任&安全感一一已經破滅了。日間照顧小朋友心情都好點,但小朋友一訓左,我就心痛萬分。


別墅

積分: 844


發表於 21-5-17 09:13 |顯示全部帖子
每個人經歷這條路所需要的時間都不會一樣!一來又要睇你老公係唔係真係同個外遇徹底分手。我曾經看過心理醫生,她告訴我個男人因為唔想無咗頭家,9成9會講大話隱暪出軌這件事!
你有定心理準備,你會有一段時間好唔安樂,日check 夜check ! 佢講既說話,你唔會盡信。
呢度有很多分享,你有時間可以慢慢睇post。很可惜的是,有很多出軌的人都是別人眼中的好爸爸和好老公。你要知道這不是你的錯,不過婚姻關係中,一定有地方出現了問題,如果你想繼續走下去,你要去面對和解決!
有需要可以睇下輔導,搵人專家/信得過嘅朋友傾訴下會較容易過渡!



大宅

積分: 1773


發表於 21-5-17 10:02 |顯示全部帖子
yulie718 發表於 21-5-17 05:57
我同老公差不多十三年喇,佢係所有人眼中都係好老公,好爸爸,但我估唔到佢竟然會出軌。但因為我好愛佢&因 ...

永遠都會有條刺


子爵府

積分: 13175

親子王國15週年勳章


發表於 21-5-17 10:21 |顯示全部帖子
口説原諒,但心仍有刺
初時會成日check住佢,又形住形住佢又出去滾,心理壓力好大,好似巔婆咁,以後鬧交,你可能又會攞返出黎嘈,因為實在好難放低,時間係可以沖淡傷害,不過是以年計。
例子,安仔出軌,瘦人話原諒,但係你睇佢行徑古怪,越來越瘦,打擊實在大

點評

茶類愛好者    發表於 21-5-17 11:19
二手市場>>懷疑受騙或不愉快事件張貼區>>睇#1656,騙子andy.ma


男爵府

積分: 9692


發表於 21-5-17 10:24 |顯示全部帖子
本帖最後由 Money媽 於 21-5-17 10:24 編輯

回覆 yulie718 的帖子

希望你原諒我直接, 如果c6一早同你有問題你會好好多, 但今日我大約估到你永遠都接受唔到佢出軌, 因為佢係你心目中係好老公,好爸爸.
以後只要佢講電話你就會想佢同邊個? 佢出街同邊個去, 去邊?


男爵府

積分: 5125


發表於 21-5-17 10:30 |顯示全部帖子

回覆樓主:

信任破壞咗,好難重建。佢哋去到咩程度?


伯爵府

積分: 19875

認識瑞士牛牛第二回 認識瑞士牛牛第一回


發表於 21-5-17 10:50 |顯示全部帖子
接受左,原諒左,就向前望~機會只有一次,望他珍惜~


大宅

積分: 1330

2021勳章


發表於 21-5-17 10:52 |顯示全部帖子
你同我情況一樣,我個已經2年,但係心裡面條刺都係度,有少少野就會check,其實真係好辛苦,我都諗緊離婚。但我又唔想個仔無左爸爸,我仔又好鐘意爸爸,我都係活係深淵,不停重複check。


大宅

積分: 1316


發表於 21-5-17 12:28 |顯示全部帖子

回覆樓主:

我果個結左17年都係兩個小朋友,發現之後都係為小朋友比佢留低,個個都話佢好好先生好爸爸....講真,呢個家我真係負出好多好多,件事我係好hurt, 比人出賣既感覺,但條路都要繼續走,咪同自己講當佢係同屋主,係SP, 比多d家庭責任佢,我就冇心機去check佢,費事自己辛苦,等d小朋友大個我就會離開呢個人!


複式洋房

積分: 396


發表於 21-5-17 13:18 |顯示全部帖子
floralw 發表於 21-5-17 12:28
我果個結左17年都係兩個小朋友,發現之後都係為小朋友比佢留低,個個都話佢好好先生好爸爸....講真,呢個家 ...

同個無感情嘅人生活 會唔會辛苦同委屈?


大宅

積分: 1316


發表於 21-5-17 13:27 |顯示全部帖子
Airwayairline 發表於 21-5-17 13:18
同個無感情嘅人生活 會唔會辛苦同委屈?

有感情咪仲辛苦


別墅

積分: 844


發表於 21-5-17 14:12 |顯示全部帖子
唯有自己睇開啲,我現在也有心理準備會被佢再呃多次。機會比左一次,佢唔珍惜就算


大宅

積分: 1757


發表於 21-5-17 21:51 |顯示全部帖子
cankiu2011 發表於 21-5-17 09:13
每個人經歷這條路所需要的時間都不會一樣!一來又要睇你老公係唔係真係同個外遇徹底分手。我曾經看過心理醫 ...

我老公話同佢哋冇感情,只係出去攪野,佢話佢會有罪惡感,會掛住我哋返黎屋企,佢話只係好奇去玩下,而初時唔肯承認係怕我傷心,但所有野我都唔知點信任好,我開頭係有check,但覺得其實咁樣都真係好辛苦,一個人要走要出去點都走到,何況我咁多年都冇諗過佢會咁做!所以根本冇得防,只有內心的心痛


大宅

積分: 1757


發表於 21-5-17 21:52 |顯示全部帖子
luckybob 發表於 21-5-17 10:02
永遠都會有條刺

係,好想忘記努力去生活,但內心也是忍忍作痛


大宅

積分: 1757


發表於 21-5-17 22:07 |顯示全部帖子
leecnine 發表於 21-5-17 10:21
口説原諒,但心仍有刺
初時會成日check住佢,又形住形住佢又出去滾,心理壓力好大,好似巔婆咁,以後鬧交, ...

係,所以我覺得只係原諒,但未能接受!
初時都有check但覺得好攰好辛苦,所以少咗再check,佢要出既都會比以前更小心刪除所有,所以永遠都得不到答案,唯有睇佢日後會係點。
依家先得個幾月,以年計真係唔知點撐


大宅

積分: 1757


發表於 21-5-17 22:10 |顯示全部帖子
Money媽 發表於 21-5-17 10:24
回覆 yulie718 的帖子

希望你原諒我直接, 如果c6一早同你有問題你會好好多, 但今日我大約估到你永遠都接受 ...

係呀,由其如果未生小朋友已經知道,我就不會咁辛苦撐下去。
初時發現後我一聽到佢信息響都喊了,但佢知我喊會哄返我及話比我知邊個搵佢。

首頁

尾頁

跳至
你需要登錄後才可以回帖 登入 | 註冊