本帖最後由 Giant 於 21-5-20 08:26 編輯
響幾個舊朋友whatsapp群組內,每每有人生日,我都會係第一個響group內向佢講句生日快樂的,其他成員就會紛紛講生日快樂喇,但,到我生日時就一句都冇,已經幾年都係咁;
跟同事一齊食farewell飯,同事們叫餸時會記得A唔食辣魚、B唔食牛... 但,從來冇人會記得我唔食肉,最終成枱只得一碟炒菜我啱食;
跟親戚C食飯又係,都已經係常見,一個月都聚餐2-3次(多數都係打邊爐),每次C問我揀乜,我都會記得E鍾意食乜乜,F鍾意食物物,所以都會提意揀乜乜同物物;上星期又去打邊爐時都係嗌雞鍋底(有加入雞一齊煮嘅,我連菜都唔會食),我唯有全程將條菜放響碗度做"道具",不停說說笑笑分散大家注意力,免得掃佢哋興咁... C居然問我點解今日冇乜食嘢嘅? 冇見過我夾牛肉喎... 係咪冇胃口?
真心心死,原來呢個世上根本冇人在意我,完全透明和隱形,我就乜都為佢哋就佢哋,但我呢?
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!