婆媳關係

跳至

首頁
12

尾頁
   0


複式洋房

積分: 421


發表於 5 天前 |顯示全部帖子
我已同奶奶反咗面,幾個月冇見,但無啦啦親戚搞聚會,即係要見奶奶,大家有咩高見?

我個仔好驚奶奶。由出世開始,奶奶抱親,佢都喊。奶奶都唔肯放手,仲話抱多陣就唔喊,阿仔咪喊得再勁啲。阿仔大個啲,直情拉實張椅或cool實我,唔肯接近奶奶。以前仲有去奶奶屋企食飯嗰陣,阿仔未識講嘢,喺屋企就喊住,唔肯換衫去奶奶度。再大啲,知道嗰日要去奶奶屋企,就無啦啦大喊,話唔想要嫲嫲,嫲嫲好得人驚。阿仔心理壓力都好大,我好心痛。我都受奶奶壓力多年,但話晒係大人,阿仔兩歲人仔已經咁受壓,我好擔心。


複式洋房

積分: 421


發表於 5 天前 |顯示全部帖子
redgreenlight 發表於 21-6-8 06:43
我已同奶奶反咗面,幾個月冇見,但無啦啦親戚搞聚會,即係要見奶奶,大家有咩高見?

我個仔好驚奶奶。由出 ...

62同姑仔喺外國,兩個都唔肯返黎同奶奶住。只係肯同奶奶facetime,疫情前,都會是但一方飛返黎或者飛過去,個個都怕咗要長期對住奶奶。所以我受哂奶奶所有壓力。奶奶好錫C6,以前C6堅持要個個星期見奶奶。直至我同奶奶反枱,C6先冇再迫我。我知C6想搵方法要我見返奶奶,我冇理佢。

尋日有親戚突然打俾老公,叫聚下,即係要見到奶奶。

呢個係男家親戚,其實唔係成日見。自從我哋有咗小朋友,佢就想大家d小朋友一齊玩。

我話唔去,或者唔要見奶奶,C6話唔得。我好唔想見到奶奶,亦唔想阿仔驚

大家有咩意見?麻煩晒!


大宅

積分: 1499


發表於 5 天前 |顯示全部帖子
男人要面子,如果你同仔仔唔出席佢會好無面!去一陣得唔得?如果飯聚就話變種肺炎關係唔想除口罩,去同大家見一見就帶仔仔走先。或者同老公講定如果仔仔喊超過5分鐘就即走!我諗你老公都知仔仔怕嫲嫲,但佢內心仲有希望,覺得總有一日仔仔會唔怕,可能就係嗰日!


大宅

積分: 4156

2021勳章


發表於 5 天前 |顯示全部帖子
redgreenlight 發表於 21-6-8 06:44
62同姑仔喺外國,兩個都唔肯返黎同奶奶住。只係肯同奶奶facetime,疫情前,都會是但一方飛返黎或者飛過去 ...

甘佢始終都係你老公個媽咪同你仔晚嫲嫲
你又唔可以話唔比佢見個孫既
如果你老公自己帶得唔得?


伯爵府

積分: 19693

2021勳章


發表於 5 天前 |顯示全部帖子

回覆樓主:

本帖最後由 秋天與楓葉 於 21-6-8 10:37 編輯

請問你奶奶除咗抱bb跟住bb喊,你奶奶仲有咩問題?
奶奶點樣對你?令你咁怕見到奶奶


複式洋房

積分: 421


發表於 5 天前 |顯示全部帖子
ng_hy 發表於 21-6-8 09:55
男人要面子,如果你同仔仔唔出席佢會好無面!去一陣得唔得?如果飯聚就話變種肺炎關係唔想除口罩,去同大家 ...

C6唔會俾我哋自己早走....佢實會想盡辦法俾奶奶見多陣個孫,尤其已經反咗面,無見幾個月。

我都有諗過出席,但又諗唔到點樣唔俾奶奶貼近阿仔,嚇怕阿仔。我雖然同奶奶反咗面,又未至於想喺人面前落佢面。

因為阿仔都肯跟呢一家親戚,抱同玩成個鐘都可以。跟據過往經驗,奶奶就會想又抱埋一份,跟住阿仔唔肯,掙扎走去搵我,奶奶又會頼係我唔俾佢同個孫玩。呢啲情況,我已經去到忍無可忍嘅地步。

忍咗奶奶十幾年,再加上已經反咗面,佢再頼我或者挑引我,我應該再唔可以好似以前咁忍咗佢,可能會當眾爆佢,我又唔想大家咁難睇

如果會出席,又可以點様應對奶奶嘅強人所難行為?


珍珠宮

積分: 32442

2021勳章


發表於 5 天前 |顯示全部帖子
奶奶做咗d 乜嘢令到你個仔咁怕佢?
Bb 時期都唔比抱? Bb 時應該分唔到㗎喎。。。
同埋而家小朋友幾大?


複式洋房

積分: 421


發表於 5 天前 |顯示全部帖子
受足十幾年氣,唔係一言兩語講得盡

由拍拖開始,已經行奶奶政策。個個星期同佢食飯,好多時拍拖都三人行,行街睇戲食飯都預佢。但佢都嫌三嫌四。

生日,母親節,聖誕等等節日安排好晒,但都唔滿意。

安排結婚,一開始問晒奶奶同我媽咪想點?奶奶話無所謂,我媽咪講明要乜。之後就plan,一直都有update 兩面,話俾佢哋知個情況,從來冇人話有問題。到我媽咪由外國返到香港,參加我婚禮,奶奶無啦啦話無人尊重佢,個流程就晒女家....


複式洋房

積分: 421


發表於 5 天前 |顯示全部帖子
每年我都同daddy mommy去旅行。由拍拖開始,我都有叫未來奶奶,佢話唔好阻住二人世界。到結婚之後,62話唔去,所以奶奶都唔去。之後見到我老公同我屋企去旅行嘅相,面對面話我只顧女家,講嘢好有骨。

個個星期都同奶奶食飯,係大時大節先要就吓日子同我嫲嫲同婆婆食(我daddy mommy喺外國)。但通常我嫲嫲婆婆嗰邊都唔係正日做節,係早一兩星期食。試過撞正同奶奶食飯嗰晚,話呢個星期返唔到去食,佢就講「你嗰邊咁多親戚,多你一個唔多,少你一個唔少」。我嗰邊親戚久唔久先食飯,但個個星期陪奶奶都咁講說話,佢真係好過份



複式洋房

積分: 421


發表於 5 天前 |顯示全部帖子
阿仔其實bb嗰陣,好多人都抱到,但一到奶奶手,就喊。可能奶奶抱得唔舒服。或者佢地兩個無緣份

奶奶好自我中心,成日強人所難,阿仔唔要做嘅事,奶奶想就迫阿仔做,所以好令人反感。搞到62同姑仔都唔肯返黎同奶奶住

結婚初期,62都出過聲話奶奶唔可以成日痴住個仔同新抱,話佢唔識做。奶奶梗唔認....



複式洋房

積分: 421


發表於 5 天前 |顯示全部帖子
62 同姑仔唔肯返黎香港,奶奶好似怨婦咁。我全部受晒...受咗十幾年,已經好累

再加上佢為咗滿足自己,俾壓力阿仔,我真係擔心阿仔俾佢搞到有心理病。

所以對奶奶避之則吉


珍珠宮

積分: 33099

2021勳章


發表於 5 天前 |顯示全部帖子
D 99 個個都咁衰


大宅

積分: 1499


發表於 5 天前 |顯示全部帖子
你好忍得..
小朋友睡眠不足易扭計,嗰日你唔好俾佢瞓咁飽。你同老公講定你留一陣就會去附近行街,留低仔仔俾嫲嫲培養感情,費事仔仔見到自己就唔要嫲嫲。係睡眠不足嘅情況下就算你仔仔肯同其他親戚相處都唔會頂得太耐,到時你老公就會打電話叫你返嚟接仔仔
唔知行唔行得通呢


象牙宮

積分: 200086

牛年勳章 2021勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 5 天前 |顯示全部帖子
redgreenlight 發表於 21-6-8 11:48
62 同姑仔唔肯返黎香港,奶奶好似怨婦咁。我全部受晒...受咗十幾年,已經好累

再加上佢為咗滿足自己,俾壓 ...

咁唔好去啦
喺邊度搞聚會?
酒樓都仲有限人數的
相知相遇相識


大宅

積分: 2893

牛年勳章 2021勳章


發表於 5 天前 |顯示全部帖子
你62 5肯返來, 你9dry 足咁耐, 你仔又係金 polo , 佢5你攪邊個? 你99公主癌 。 涉事人打哂針未?用打針呢樣野可行嗎?
請勿轉載。搬字過紙不是記者的工作,未經同意, 即屬抄襲。


複式洋房

積分: 421


發表於 5 天前 |顯示全部帖子
我淨係知奶奶打咗針,班親戚就唔清楚

我估係去親戚個clubhouse,有得食同有幼兒區。應該分枱嚟満足班親戚...

我估C6會迫我去。佢好肯定話無得唔去同要有奶奶...

要諗定對策,如果奶奶又梗硬嚟,我點保護阿仔又唔會同佢嘈...好煩

清淨咗幾個月又要再見返奶奶


複式洋房

積分: 421


發表於 5 天前 |顯示全部帖子
有冇人成功同男家反面,已經冇再見?而老公自己繼續見男家

係咪妙想天開咗?


伯爵府

積分: 19693

2021勳章


發表於 5 天前 |顯示全部帖子
redgreenlight 發表於 21-6-8 11:37
阿仔其實bb嗰陣,好多人都抱到,但一到奶奶手,就喊。可能奶奶抱得唔舒服。或者佢地兩個無緣份

奶奶好自我 ...

奶奶點樣迫仔仔法?奶奶點樣俾壓力仔仔?
有無事例?


男爵府

積分: 6903

2021勳章


發表於 5 天前 |顯示全部帖子
redgreenlight 發表於 21-6-8 16:05
有冇人成功同男家反面,已經冇再見?而老公自己繼續見男家

係咪妙想天開咗?

其實咁好正常。老實講,如果老婆同男家反晒面,老公都唔好受,見一次兩邊女人同佢投訴一次佢自己受晒。聰明既老公都應該自己返去盡吓孝,帶埋個孫返去見吓咁咪兩邊都好。


大宅

積分: 2893

牛年勳章 2021勳章


發表於 4 天前 |顯示全部帖子
好老實, 而家疫症, 你99打左姐, 班3姑6婆有冇, 又會不會有人講大話,理得佢咩CLUBHOUSE丫, 阿B 命仔要緊喎。。。限聚令都未放寬。
請勿轉載。搬字過紙不是記者的工作,未經同意, 即屬抄襲。

首頁
12

尾頁

跳至
你需要登錄後才可以回帖 登入 | 註冊