夫婦情感

跳至

首頁
12

尾頁
   2


子爵府

積分: 13665


發表於 21-6-17 21:07 |顯示全部帖子
想睇下大家 如果結咗婚都十幾廿年, 以前 老公都會自動講去邊度做嘢( 因為佢唔係坐定office ) 夜晚有嘢做或娛樂都會講,但係而家完全唔講。 要問先至答,仲係好耐先至答。
大家覺得有冇問題呢 , 覺得唔係好妥,但係我費事 問咁多…… (怕佢覺得煩)


係咪婚齡越長,講嘅話題就唔多, 我覺得同老公都唔可以話係好朋友,只係好熟嘅朋友,唔知點繼續一齊行落去……
違規內容已被管理員刪除


寶石宮

積分: 327902

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 21-6-17 21:30 |顯示全部帖子
jfk 發表於 21-6-17 21:07
想睇下大家 如果結咗婚都十幾廿年, 以前 老公都會自動講去邊度做嘢( 因為佢唔係坐定office ) 夜晚有嘢做 ...

唔一定結婚越耐越冇話題
不要從別人的嘴裡去認識我


子爵府

積分: 13665


發表於 21-6-17 23:05 |顯示全部帖子
回覆 crystal媽咪 的帖子

謝謝你回覆😃當然我都見到身邊有朋友分 結婚好耐 但係關係都唔錯
起碼會睇到老公錫老婆😙
違規內容已被管理員刪除


子爵府

積分: 13665


發表於 21-6-17 23:10 |顯示全部帖子
本帖最後由 jfk 於 21-6-17 23:11 編輯

回覆 jfk 的帖子

問題係就算啲仔瞓咗覺,得兩公婆都冇乜嘢傾。 如果我唔係特登搵啲嘢同佢傾就好奇怪…… 因為佢做自己嘅好似 我不存在

違規內容已被管理員刪除


寶石宮

積分: 327902

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 21-6-18 07:18 |顯示全部帖子
jfk 發表於 21-6-17 23:10
回覆 jfk 的帖子

問題係就算啲仔瞓咗覺,得兩公婆都冇乜嘢傾。 如果我唔係特登搵啲嘢同佢傾就好奇怪… ...

由幾時開始變成咁
除左傾計,有冇抽時間一齊行吓街
不要從別人的嘴裡去認識我


子爵府

積分: 11822


發表於 21-6-18 08:54 |顯示全部帖子
jfk 發表於 21-6-17 21:07
想睇下大家 如果結咗婚都十幾廿年, 以前 老公都會自動講去邊度做嘢( 因為佢唔係坐定office ) 夜晚有嘢做 ...

我同太太識左21年, 結了19年婚, 仍會說去了邊, 因為有咩意外都有個人知安危, 這個係基本的. 但細節就唔一定次次講, 也不是刻意不講, 但問到會講, 知對方擔心自己, 便會快點熄除她的疑慮, 兩公婆不要有猜測, 這個也是基本的.

其實太太關心自己係好事, 怕我識了其他女仔, 證明仍有吸引力吧, 不過我會微笑地回覆她, 叫她放心, anytime check 我也沒問題(不知她有沒有). 其實要夫妻一起走到盡頭, 一定要care 對方諗緊咩, 令對方開心, 才可以開心及同心地走下去, 這個堅持是很重要的.

大家少了對話, 對很多夫妻的生活上, 也是正常的, 因為覺得已很認識對方, 但如果再細心D, 原來每天都會有改變的, 包括健康, 工作, 對世事的看法, 話題是可以經常產生, 只要你進步, 留意很多的事情及細心維繫雙方的感情的話. 如果你也放手, 對方又被動, 大家便會冷漠了, 會走遠了.

我太太也是被動的人, 也越來越靜, 但我反過來對她也越來越進取, 其實如果你不忘初衷, 堅持用一生力氣來為一個女人, 你是不會隨意放鬆的, 我在家有點像周星馳一樣, 總是腦裡停不到的自娛, 走去攪住太太和兒子, 有聲氣, 有笑聲才是屋企, 有時也扮無賴見太太忙, 又攪下佢, 貪得意又比佢鬧下, 有是見佢睇電視又申個頭訓下佢大脾, 又攪下佢....,佢就會笑...

不過男方攪氣氛比女方攪會更易是真的, 女方對家庭的心是比男方濃烈, 男方很多都不愛表達, 特別係得了手後.






大宅

積分: 3961


發表於 21-6-18 20:21 |顯示全部帖子
本帖最後由 CoiCoi 於 21-6-19 18:49 編輯

每個人性格唔同,又唔能夠將相處既方式放入去每個夫妻關係裡面。等於我有時都會鍾意同老公各自做自己既野, 佢喜歡砌模型,我喜歡去進修, 溫下書,享受安靜一下時間,但我地亦有共同興趣,會一齊去做,感覺似朋友,但又會有默契,有少許甜蜜時候。
我都曾經因為擔心覺得會唔會變室友去同老公傾過呢個問題。同樣好似樓主咁覺得去到邊就要send msg講,但我老公約左人食飯或者有野做未放工會講既,只係可能某d時間返到屋企去會所做gym, 去附近餐聽飲杯奶茶出左街就無講,我都有同老公傾過呢個話題,可能每個男人或男人同女人唔同諗法,有d會覺得出一出去唔係咁大壓力好似報到咁,呢個都因為成長環境問題,佢都有反問我,係咪我每次約左朋友,出去既過程,去邊間餐廳食飯都會講底,或者放工係咪每次都記得講底,之後我無答到,因為我發現原來自己都會係,但就要求對方每次做,的確如果好似樓主老公咁約朋友或者出街需要多時間既事,講低係需要既。每對夫婦都有各自生活相處方式,最緊要溝通,無人喜歡為討好對方而改變自己既所有或者原來既性格,短時間做到但長時間做會變成壓迫壓力,所以有時大家都要拎到一個平衡點,相處關係點樣至會覺得舒服,維繫感情係一個學問。我會覺得相處日子耐左,默契同心態都係會改變,但又唔算係無溝通,有時未必代表用口講至溝通,心煩同累既時候,望一望,拍一拍膊頭,摸一摸手,攬一攬呢類既動作,比起係耳邊不斷問不斷講唔停口⋯⋯深層感覺比用口來得更甜蜜更有鼓勵性既心靈溝通。


珍珠宮

積分: 35559


發表於 21-6-19 10:42 |顯示全部帖子
同樓上所說的同觀點取向。
另加:每個人長大的家庭成員相處方式有所不同,都會造成講唔講嘅。
我個人的數據點:我原生家庭自幼就受父母訓練去哪裏,與誰,做什麼,都會告訴大家。
但不是每一個家庭都有養成這種culture 的。
Love is when the other person’s happiness is more important than your own  ~ H. Jackson Brown


大宅

積分: 3763


發表於 21-6-19 17:41 |顯示全部帖子
互相有空間,唔會報到式甘秒秒都要講去邊做乜見邊個,好唔得閒喎。佢約左fd通常事先會話我知,甘果日好少會chur住問或者狂whatapps,至多佢返來咪問下今次去左邊度食類似甘。平時佢有佢玩模型/打機,我有我睇電視,得閒咪問下佢搞成點,甘算唔算有溝通?你唔會每分鐘都口唔停要佢有對答先叫溝通啩,佢對你冷冷淡淡果種你應該feel到架喎


侯爵府

積分: 23658


發表於 21-6-19 22:43 |顯示全部帖子

回覆樓主:

本帖最後由 free2020 於 21-6-19 22:48 編輯

托賴,同老公結婚21年,無仔女,但感情只會越嚟越好,可能我同佢性格都幽默,大家成日會諗到好多幽默既野去溝通,大家工作遇到煩心事會傾,我覺得婚姻如照鏡,要努力同步一齊去維持,唔存在一定係男先氹女方,大家係平等既,咩事都要坦誠,愛大家既家人好重要。
Btw,咁多年我地既銀行戶口、電話既密碼都係一樣,但咁多年我無睇佢既電話,因為我地互相相信大家
當然如果約左朋友食飯。我地會約人時就會通知對方,而比收工時間晏左少少返屋企都會whatsapp 大家,依樣野好正常,係尊重


複式洋房

積分: 387


發表於 21-6-20 13:57 |顯示全部帖子
jfk 發表於 21-6-17 23:10
回覆 jfk 的帖子

問題係就算啲仔瞓咗覺,得兩公婆都冇乜嘢傾。 如果我唔係特登搵啲嘢同佢傾就好奇怪… ...

我同你都差唔多,三句唔埋就溝通唔到(emoji)(emoji)



複式洋房

積分: 387


發表於 21-6-20 13:58 |顯示全部帖子
PTMCYS 發表於 21-6-18 08:54
我同太太識左21年, 結了19年婚, 仍會說去了邊, 因為有咩意外都有個人知安危, 這個係基本的. 但細節就唔一 ...

嘩,好羨慕你對老婆咁好


男爵府

積分: 7476

陪月勳章


發表於 21-6-20 14:54 |顯示全部帖子
有時好睇老公性格和情趣。
識佢個時係甘,二十年后都會係甘。
只係自己是否接受到。一定會悶


子爵府

積分: 11822


發表於 21-6-21 09:04 |顯示全部帖子
本帖最後由 PTMCYS 於 21-6-21 11:30 編輯
Flowerok11 發表於 21-6-20 13:58
嘩,好羨慕你對老婆咁好

其實Manage 每個人, 每個家庭都不會一樣, 手法不會相同, 只靠自己怎樣閱讀形勢, 怎樣變通來得到想要/最佳的效果. 就正如在公司, 每個下屬的性格和能力都不一樣, 如果一刀切用死板的方法, 便發揮不到他們最好的效果.

剛結婚時候的而且確是蜜月期, 但原來太太需要的私人空間和自由, 生活方式跟我有點差別, 生仔後的教育方法差距更大, 太太是愛我的, 最後也會聽我講的迫住做, 但又想不通或做不到的便抑壓了情緒來, 當時不理解, 關係也曾經去到好差, 試過放工也不想回家, 因為會吵架, 但慢慢理解了問題的情況和世事更多的事情, 從其他人的經驗等, 需要向好的改變, 便要自己先行.

如果可以退一步的想想, 我們是怎樣認識, 初衷是什麼, 承諾是什麼, 爭吵的目的又是什麼大件事到破裂呢? 但原來是小事, 是可以讓步的, 可以從另一個角度再想, 做人不能完美主意, 做不到的不會死人塌樓的, 夫妻之間也不用太計較(當然也要設底線).

現在我會給她空間, 約朋友的我知道便行, 底線係EX 果D 就不能聯絡, 她也喜歡找興趣班學習。仔的教育要鬆要緊, 不能太緊, 每個人都有他的命數, 父母盡了責任已夠. 其實太太年紀大了, 無以前咁活躍貪新鮮, 更黐我. 反而我會想多試點東西(去的地方/食/運動). 其實唔會有最好的, 每天珍惜自己擁有的便夠了,不要令自己對失去的後悔。我也希望拖著她的手, 照顧著她白頭到老的。







複式洋房

積分: 387


發表於 21-6-21 09:11 |顯示全部帖子
PTMCYS 發表於 21-6-21 09:04
其實Manage 每個人, 每個家庭都不會一樣, 手法不會相同, 只靠自己怎樣閱讀形勢, 怎樣變通來得到想要/最住 ...

你每次留言也令我好感動,可惜唔係個個男人同你一樣咁好


子爵府

積分: 13665


發表於 21-6-29 23:38 |顯示全部帖子
回覆 crystal媽咪 的帖子

Dear,
其實都已經好耐
好似成為習慣,這真的不好。

違規內容已被管理員刪除


子爵府

積分: 13665


發表於 21-6-29 23:42 |顯示全部帖子
本帖最後由 jfk 於 21-6-29 23:49 編輯

回覆 月師奶 的帖子

謝謝你回應我都唔係嗰啲好chur嘅人同埋都咁多年 ,但 基本嘅交帶都冇就好難接受
因為佢要求家人都要有交帶,但自己又冇做……
違規內容已被管理員刪除


子爵府

積分: 13665


發表於 21-6-29 23:48 |顯示全部帖子
回覆 PTMCYS 的帖子

好多謝你嘅回應相信好多太太都想老公識諗同有行動。
始終維持和改善關係,是要雙方面的。
但我現在的 情況是大部份時間是單方面去努力,真的很攰
違規內容已被管理員刪除


男爵府

積分: 7836


發表於 21-6-29 23:54 |顯示全部帖子
我同我老公結婚三年,而家都無嘢講


子爵府

積分: 12251


發表於 21-6-30 00:34 |顯示全部帖子
PTMCYS 發表於 21-6-21 09:04
其實Manage 每個人, 每個家庭都不會一樣, 手法不會相同, 只靠自己怎樣閱讀形勢, 怎樣變通來得到想要/最佳 ...

你想法真的很好,很正面。沒錯,兩夫妻是兩個個體,要manage真的很困難,有些人也寧願放棄或逃避,我很欣賞你想得通透,不忘初衷。祝你們夫妻一直幸福。

首頁
12

尾頁

跳至