想生BB

收藏本版
回覆 發帖
返回列表
跳至頁

首頁
23456...26

尾頁
   157
Ihyl


大宅

積分: 3092


發表於 21-8-2 06:10 |顯示全部帖子
本帖最後由 Ihyl 於 21-8-2 06:15 編輯
b4connie 發表於 21-7-31 11:51
見到你求b嘅過程真係唔容易
我自己都結婚五年都冇
2018年尾試過一次中，但5week就冇咗😭

實在太好啦，小天使怕媽媽辛苦，自己提早嚟搵媽媽，恭喜你呀！

湊孖B真係比較忙，我自己都冇乜me time，所以我個分享都只可以趁著半夜泵奶嘅時候先可以寫少少

我相信每一個新手媽媽都會覺得湊B唔容易同辛苦，但係當毎一日能夠見證住BB長大同成長，一切都值得嘅！各位媽媽一齊加油
私人傳訊回覆 引用

Ihyl


大宅

積分: 3092


發表於 21-8-2 06:20 |顯示全部帖子
嚟到第十二日，喺我瞓緊覺轉身嗰陣，一下唔小心‘Hi’到個胸，嘩！好L痛呀！（真係痛到想打人呀）我嗱嗱聲走去塊鏡度檢查一下係咪撞瘀咗定係邊度腫咗（真係痛到想喊），不過check完又唔見到有啲咩，只係見到自己個胸大咗同漲咗好多（唔通就黎m到？升咗cup嘅？）諗吓諗吓我又忍唔住走咗去偷驗。今次又係好快就可以見到嗰兩條線而且仲深色過之前，我喺討論區見過啲JM講話如果Bingo咗個胸會漲痛㗎喎，唔通？（唉，算罷啦，都係唔好話俾老公知住先啦，費事又比佢話。）

反正痛到醒咗，我就索性起身同埋個朋友出去行吓街食下嘢。我哋閑聊嘅時候，朋友都有問我心情緊唔緊張？會唔會驚係多胞胎？（吓！咩多胞胎呀？我係孖胎喎，因為我放咗2粒嘛。）佢話比我知，喺兩年前佢有個朋友都係去呢間診所做Ivf ，佢當時都係放咗2粒，但係去到開獎嘅時候啲HCG 超高，到咗check心跳果陣就發現佢原來係陀咗5胞胎！（what？5胞胎？你講笑咋？！？）佢話絕對唔係講笑嫁，因為有啲胚胎係移植咗入去之後，胚胎自己會再一次分裂（即係單卵雙胞胎）所以咪問你緊唔緊張囉。唉！算罷啦，我可以中獎已經好滿足啦，我唔諗咁多喇，其實中到幾多個都係個天安排，到真係中咗先再算啦！）

眨吓眼就到咗第十四日，終於等到去驗血嘅日子喇，我一早就返咗去診所抽血，抽完血之後，姑娘就叫我下午兩點左右先再返嚟見醫生睇報告，因為都要等大概4-6個鐘先至會有報告。 （唔知喺咪之前偷驗過見到有兩條線呢！所以我嘅心情都比較平靜，一啲都唔緊張。而且我喺出發去診所之前，我又偷偷地走咗去驗…今次係即時見到兩條好深色嘅線。其實我心知應該係中咗奬嫁啦，只不過係唔知個HCG高唔高呢？係咪中咗孖胎啫？）

終於到咗下午兩點，我再次返到去診所見醫生，醫生一見到我第一句就同我講：‘congratulations!’ 個驗血報告顯示你已經成功懷孕，你個Hcg係7982！（吓！七千幾？咁高？我之前第一次bingo果陣check都係得個213咋喎！唔通我中咗孖？！）因為你移植咗2粒，咁即係代表你好大機會已經係陀咗孖胎，至於實際陀到有幾多個BB，咁就要等到week 8 check BB 心跳果陣先可以confirm 到啦！不過醫生再三吩咐我要繼續按時早晚塞藥，如果有啲咩問題就要即時通知佢同返嚟見佢！

跟著我就跟咗姑娘出去配多啲塞藥返屋企，不過今次有啲唔同，我今次終於都可以去敲響個懷孕鈴啦（其實係呢間診所佢哋有個傳統，就係如果你確定係成功懷孕之後，佢哋都會帶你去到個懷孕鈴前面俾你去敲響佢，等所有人都知道個好消息去為你拍掌同送上祝福）之前每次嚟都見到有人敲鐘，次次都幫人拍掌，今次終於到我喇！

待續……
私人傳訊回覆 引用

Ihyl


大宅

積分: 3092


發表於 21-8-4 00:30 |顯示全部帖子
本帖最後由 Ihyl 於 21-8-4 00:32 編輯

其實當我敲響呢個懷孕鈴，祝福嘅掌聲剛剛靜下來。成個Ivf 旅程都只不過係過咗2/3（喺阿B未陀穩，未出世之前，我都仲未算係成功）
開心嘅情緒都未夠24小時，惡夢又上演啦！（咁難得先叫做陀到，點解唔可以俾我開心多幾日呢？）就喺醫生宣布咗我bingo嘅第二朝早，當我屙完wee wee一抹，嘩！又流血嘅（阿B你唔好嚇我好喎！）我即刻打比老公話佢知我又開始流血啦，我不斷喺度話，今次我已經好聽話，我冇再搭飛機飛來飛去，我冇再去街走來走去，我只係好乖咁留咗係朋友屋企等結果，就算結果出完之後我都冇周圍去，點解又流血嫁，我好驚呀！老公就叫我冷靜啲，快啲打返去診所話比醫生知。於是我就即刻打返去診所話比姑娘知我見紅，佢就叫我即刻返去診所見醫生。去到診所，姑娘就即刻幫我量血壓、磅重同驗wee wee，可能我個情況算叫做緊急，我去到診所等咗10分鐘左右就見到醫生（比著係平時，就算係預約咗個時間，都一定要等多起碼成個鐘頭先可以見到醫生。因為幫我做Ivf嘅醫生實在係超級忙）

一入到醫生房，佢就問我有冇邊度唔舒服又或者痛，但係我又乜都冇，於是醫生就迫於無奈唯有同我照陰超（因為我只係得4週，用超聲波都唔會照到做乜會流血，而且平常有咗都唔會喺呢個時候去照陰超，因為怕整到BB而導致流產）佢一放入去照，就見到有2個胎，不過其中有一個黐得唔係好實，有啲血塊喺周圍，而另外一粒旁邊就有血塊。醫生話宜家肯定咗係孖胎，但係呢個時候唯一可以做嘅就係打安胎針，希望阿B可以黐實啲，之後等啲血塊流晒出嚟就唔會再出血。

見完醫生之後，我就跟著姑娘出去等打安胎針（其實我一路等一路就心驚膽跳，我好驚又再一次一場歡喜一場空，好驚孖B有事，當時真係好想爆喊）過咗一陣，姑娘就叫咗我入房打針，一入到房姑娘就叫我慢慢上床打側屈身瞓喺度，跟著佢就叫我要全身放鬆，因為呢支安胎針係要打喺屁股度而且仲會好痛。（我當時聽完姑娘話會好痛嗰陣仲喺度諗打針梗係痛嫁啦！姑娘你係咪想分散我注意力呢？我都忍到痛嘅，話哂都銡過N咁多針嘛。）當姑娘一銡支針落屁股度，我成個人即時痛到不斷喺度嗌喺度叫，姑娘只係一直喺度撳實我唔俾我郁（平時打針好快銡咗落去一陣間就打完嫁嘛。嘩！呢支安胎針姑娘就打咗差唔多成1分鐘有多！）我最後真係痛到頂唔順，終於爆喊咗出黎！姑娘只係不斷撳實我同安慰我話：‘我知道打呢支針係好痛，所以之前已經比定心理準備你，事關呢支安胎針係油針嚟，所以一定要打得好慢先可以俾個身體去吸收，如果打得太快積聚埋一齊咁就麻煩喇！（所以姑娘同我打完支針之後都不斷咁同我按摩個屁股，盡量避免佢積聚埋一齊）

待續……
私人傳訊回覆 引用

free2020


侯爵府

積分: 24515


發表於 21-8-4 01:25 |顯示全部帖子
Ihyl 發表於 21-8-4 00:30
其實當我敲響呢個懷孕鈴，祝福嘅掌聲剛剛靜下來。成個Ivf 旅程都只不過係過咗2/3（喺阿B未陀穩，未出世之前 ...

好心痛你，你係一個好偉大好令人感動既媽媽，希望你一家四口永遠幸福快樂、健健康康

私人傳訊回覆 引用

普羅旺斯


大宅

積分: 1770


發表於 21-8-4 19:00 |顯示全部帖子
樓主，純粹想8下你喺馬來西亞邊間ivf成功，因為我之前都做過資料搜集，見到2間好好，一間叫Alpha fertility centre,另一間係TMC fertility.希望都幫到有心想去做既人
私人傳訊回覆 引用

Jamie_DCW


複式洋房

積分: 443


發表於 21-8-6 02:00 |顯示全部帖子
樓主嘅造人之旅真係好勵志。。。
我早幾日做咗輸卵管造影
今日姑娘打嚟話2邊都塞咗
醫生建議我做ivf⋯⋯
我個心即刻穿咗個窿咁
之前都睇過好多有關ivf嘅文章/影片
我都唔知有無呢個勇氣吉枝針落去
私人傳訊回覆 引用

Ihyl


大宅

積分: 3092


發表於 21-8-7 05:45 |顯示全部帖子
普羅旺斯 發表於 21-8-4 19:00
樓主，純粹想8下你喺馬來西亞邊間ivf成功，因為我之前都做過資料搜集，見到2間好好，一間叫Alpha fertility ...
其實我嚟馬來西亞之前都無做過資料搜集，當時我乜都無諗，只係朋友成功咗，信佢就飛咗嚟！不過，好好彩我遇到個好醫生，一次就成功。
你都好叻，搵到呢兩間ivf 診所嘅資料，我就係喺其中一間做嘅！
私人傳訊回覆 引用

Ihyl


大宅

積分: 3092


發表於 21-8-7 05:52 |顯示全部帖子
Jamie_DCW 發表於 21-8-6 02:00
樓主嘅造人之旅真係好勵志。。。
我早幾日做咗輸卵管造影
今日姑娘打嚟話2邊都塞咗

你加油呀！我相信當你一想到做完之後就會有機會有自己嘅baby ，你就會有勇氣銡支針落去。

你有冇諗住喺邊度做呀？排公家定私家？定還是唔係香港做？
私人傳訊回覆 引用

Ihyl


大宅

積分: 3092


發表於 21-8-7 06:43 |顯示全部帖子
好多謝咁多位JM支持我寫呢個分享，孖B呢排出牙仔好扭計，搞到呢幾日都冇時間去寫同回覆各位JM嘅訊息。比少少時間我，我會慢慢咁覆各位JM。好啦，趁著孖B仲未起身，等我宜家再繼續寫少少先。


唞咗10分鐘，開始冇咁痛我就慢慢落床準備返屋企去休息。點知姑娘同我講，由今日開始要每隔三日就要返嚟診所打一支安胎針，直至到聽BB心跳為止（吓！唔係啩，咁咪即係仲要打多兩針？！真係好L痛嫁！不過為咗對孖B，喊住打都要打啦！之前經過咗咁多次失敗！咁難先可以陀到孖B，頂硬上啦！）當打完第一針之後，出血情況其實係冇乜改善，可能啲血塊係宜家先開始正式流出嚟。

我喺等照心跳嘅呢段日子，除咗返診所打安胎針之外，我每日大部分時間都係瞓（我諗一日24小時入面我有17個鐘頭都係瞓）。雖然打嗰支安胎針真係好L痛，每打一針，我就喊一次，喊下喊下眨下眼又打完咗嗰三支安胎針喇，終於都到咗聽孖B嘅心跳既大日子啦！喺等緊見醫生之前，我個心其實都仲喺度囉囉攣咁，（因為之前睇到啲討論區分享話去照心跳先知道冇咗心跳又或者係化學咗）我可能自己比咗好多無形壓力比自己，我真係好驚入到去聽唔到孖B嘅心跳聲呀！事關我打完嗰3支安胎針之後都仲喺度流緊血嘛！

一番到去診所，同之前一樣量血壓、磅重同埋驗wee wee，之後就等見醫生。因為今次唔係緊急，我又呆坐等咗差不多50分鐘先見到醫生（其實呢50分鐘仲難捱過等嗰14日，因為我好擔心孖B，唔知佢哋點樣，佢哋仲喺唔喺度啊！一路等我就一路驚，我個腦淨係諗埋啲唔吉利既事！）
私人傳訊回覆 引用

Jamie_DCW


複式洋房

積分: 443


發表於 21-8-7 12:19 |顯示全部帖子
Ihyl 發表於 21-8-7 05:52
你加油呀！我相信當你一想到做完之後就會有機會有自己嘅baby ，你就會有勇氣銡支針落去。

你有冇諗住喺邊 ...

諗住香港 排公家呀
私人傳訊回覆 引用

普羅旺斯


大宅

積分: 1770


發表於 21-8-7 15:51 |顯示全部帖子
Jamie_DCW 發表於 21-8-7 12:19
諗住香港 排公家呀
香港排公家真的好耐好耐。。。建議你一路排，疫情過後比次機會去台灣或者馬來西亞試一次，因為卵子質素唔等人啊
私人傳訊回覆 引用

普羅旺斯


大宅

積分: 1770


發表於 21-8-7 16:00 |顯示全部帖子
Ihyl 發表於 21-8-7 05:45
其實我嚟馬來西亞之前都無做過資料搜集，當時我乜都無諗，只係朋友成功咗，信佢就飛咗嚟！不過，好好彩我遇 ...
其實馬來西亞技術好好，但可能大家對呢個地方唔認識，加上比較遠，所以個個多數選擇去台灣。而我亦好感恩喺搜集資料其間已自然懷孕。亦都好替樓主高興前年成功，因為而家馬來西亞疫情 屢創新高，又封城。
私人傳訊回覆 引用

Ihyl


大宅

積分: 3092


發表於 21-8-7 22:13 |顯示全部帖子
本帖最後由 Ihyl 於 21-8-7 22:18 編輯
普羅旺斯 發表於 21-8-7 16:00
其實馬來西亞技術好好，但可能大家對呢個地方唔認識，加上比較遠，所以個個多數選擇去台灣。而我亦好感恩喺 ...

恭喜你呀，小天使自己嚟搵媽媽，等媽媽唔使咁辛苦。我自己追咗咁耐討論區，都只係見到香港同台灣嘅資訊，其他東南亞嘅Ivf 資訊就冇乜jm分享。其實泰國同馬來西亞都做得好好，我老公都有了解過。難得我自己有咁嘅經驗，所以好想俾其他jm多啲資訊，又或者係可以比佢哋多一個選擇。

我當時去做IVF嘅時候，醫生知道我喺香港嚟都有問我點解會識嚟搵佢地，因為佢哋冇乜接過香港嚟嘅jm。我好彩嘅係有個馬來西亞朋友介紹，而且俾我遇到個好醫生。
我做IVF嘅時候，見到除咗有本地華人同馬拉人之外，仲會有新加坡同印尼嘅jm過嚟做。

其實馬來西亞嘅技術真係有世界水準（連我加拿大醫生Uncle都係咁講嘅），而且法例比較鬆，有好多test都可以做（而且仲可以揀埋M/F)。講真，做Ivf除咗要運氣，仲要有好既技術，最重要嘅都係搵到個好醫生 。我好好彩搵到個華人醫生，溝通完全無問題，廣東話，國語同英文都得！做IVF同醫生溝通係最最最重要！

以我所知，雖然宜家馬來西亞封緊城，但係做Ivf嘅話佢哋判斷為醫療服務，只要出示醫生信就可以飛過去喺專做Ivf 嘅醫院度做隔離同埋成個Ivf療程喎。
私人傳訊回覆 引用

芒果＠布丁


大宅

積分: 3487


發表於 21-8-8 08:32 |顯示全部帖子
回覆 Ihyl 的帖子

多謝JM分享，朝朝早都入黎追post想請問多d 馬來西亞ivf資料，如果方便請pm我，thx
私人傳訊回覆 引用

Ihyl


大宅

積分: 3092


發表於 21-8-9 06:26 |顯示全部帖子
芒果＠布丁 發表於 21-8-8 08:32
回覆 Ihyl 的帖子

多謝JM分享，朝朝早都入黎追post想請問多d 馬來西亞ivf資料，如果方便請pm我，thx ...
謝謝你支持我嘅分享，已pm你
私人傳訊回覆 引用

Ihyl


大宅

積分: 3092


發表於 21-8-9 07:03 |顯示全部帖子
一入到去見到醫生，醫生即刻問仲有冇流血呀？我秒答：‘梗係有，仲好似仲嚴重咗（根本就未停過，好似嚟M咁！打咗安胎針都冇用！咁樣流血法孖B係咪唔得咗啦醫生？’ 醫生就叫我唔好擔心住先，慢慢上床照咗再講。

由於今日可以照到‘閃閃’，我終於都唔使再塞入下面照陰超啦！（雖然醫生好有經驗同手勢好，但自己始終都真係擔心塞支棒入去照會整親孖B）

當我準備好之後，醫生就唧咗啲暖嘅啫喱係我個肚上邊，慢慢開始去尋找孖B。好快我就係個mon 度見到有兩粒野係度閃下閃下，醫生同我講：‘嗰兩粒閃下閃下嘅嘢就係孖B個心仔係度跳跳下，暫時睇落去孖B都幾好，你想唔想聽下孖B個心跳聲？’ 當然想啦！（超級想呀！）隔咗一陣，我就開始聽到啲‘活活活活’聲！醫生話呢啲就係BB嘅心跳聲啦。我聽到佢哋兩個嗰心跳聲之後，我成個人都定咗啲，成個人都覺得鬆咗一口氣！聽完心跳之後，醫生仲幫我同孖B各影咗一張‘沙龍’比我留為紀念添。（雖然張相睇唔到邊個打邊個，但係我好興奮，我終於都有孖B嘅第一張相啦！）

待續……
私人傳訊回覆 引用

wc26


複式洋房

積分: 324


發表於 21-8-9 10:06 |顯示全部帖子
多謝分享呀~
想問關於馬來西亞做ivf的資料, 已經3次ivf失敗, 所以想了解一下, 如果方便可以pm我嗎, thanks=)
私人傳訊回覆 引用

Ihyl


大宅

積分: 3092


發表於 21-8-9 18:59 |顯示全部帖子
wc26 發表於 21-8-9 10:06
多謝分享呀~
想問關於馬來西亞做ivf的資料, 已經3次ivf失敗, 所以想了解一下, 如果方便可以pm我嗎, thanks= ...
已經pm你了
私人傳訊回覆 引用

Ihyl


大宅

積分: 3092


發表於 21-8-11 07:30 |顯示全部帖子
雖然孖B嘅心跳好正常，不過醫生都好清楚睇到仲有血塊圍住嗰兩個胎，而且我仲有流血，醫生話為安全起見，佢建議我再打多支安胎針，跟著佢就問我打算幾時會離開馬來西亞返香港？我話起碼等到穩定咗冇再出血先會考慮飛返去啦。醫生都好讚成，佢就叫我宜家一定要好好休息同準時塞藥，就算出緊血都要繼續塞，一定唔可以停！希望打埋今日支安胎針，流血嘅情況可以解決。

嘅然未返香港，醫生就叫我要每兩個星期返嚟做產檢，直到我返香港為止。但如果中途再有出血或者其他問題的話就要即刻通知佢同返嚟見佢。就係咁，我又跟咗姑娘去打嗰支超級無敵勁L痛嘅安胎針。可能姑娘見我個樣好唔想打（因為好痛）於是佢就問我想唔想試下企喺度打？佢話有啲準媽媽覺得企係度打會冇咁痛。（真係嫁？好丫，試下都無所謂！）當姑娘開始幫我打支安胎針係右邊Pat pat嗰度嘅時候，我feel到成隻右腳由上而下開始完全麻痹哂，但我係麻痹之餘仲仍然feel到好痛（姑娘，你呃人！你又話無咁痛嘅？！）結果我又係比姑娘撳住嚟打，唔俾我郁！我又再一次喺度叫，喺度喊，成個癲婆咁。（我喺嗰一刻真係好想放棄唔再打安胎針，真係每打一次我就爆喊一次）

待續……
私人傳訊回覆 引用

rabbit2baby


別墅

積分: 589


發表於 21-8-12 23:46 |顯示全部帖子
Ihyl 發表於 21-8-11 07:30
雖然孖B嘅心跳好正常，不過醫生都好清楚睇到仲有血塊圍住嗰兩個胎，而且我仲有流血，醫生話為安全起見，佢 ...

LM
私人傳訊回覆 引用


首頁
23456...26

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見